من اول ما ابتدت والدتي تروح تحضر دروس في الجامع و دايما فيه جديد في اللي بتقوله (للاسوأ الصراحه) و كتب كلها بتلاقيها برعاية سعودية وهابية , النهارده حكتلي حكاية عن صاحبتها في الجامع .. الموضوع اصلا كان عن اسعار الشقق في المنطقة و بعدين جت القصة اللي هي عن صاحبتها و انها عايزة تبيع الشقة اللي ساكنين فيها ليه؟ لانها بتشوف زي عفريت او ما شابه بيعدي بشكل سريع قدامها و انه بعد كده باقي العيله عندها شافوه و انه غالبا معمولهم عمل , و انه فيه شقق تانيه بتشوف برضه نفس الشي , لحد هنا ممكن ابلع الموضوع هوه صعب بس ممكن ابلعه . بس الطامة الكبري لما عرفت مين اللي ورا الموضوع ده , طلع جارتهم المسيحية طب ليه يا ستي هتعمل كده ؟ علشان لقتهم التزموا و بقوا اكتر تدينا .. الكلام ده حصل فين حضرتك مش في امبابه ولا اطفيح ولا شبرا الخيمة .. ده حصل في مدينة نصر لواحده عايزه تبيع شقتها دي بمليون جنيه
.. يخرب بيت كده !
.. يخرب بيت كده !
ليست هناك تعليقات:
إرسال تعليق