الجمعة، 10 يونيو، 2011

ربنا خلا بريطانيا و فرنسا و اسرائيل يقتلوا المصريين علشان خاطر الاخوان..هكذا كتب المرشد

لقد كان الإخوان المسلمون أول من اكتووا بنيران الظلم والاستبداد؛ فغيبوا في السجون والمعتقلات، وتعرَّضوا للتعذيب والتنكيل؛ ولكن الله كان للظالم بالمرصاد، فبعد كل تنكيل بالإخوان كان الانتقام الإلهي شاملاً وعامًّا، فعقب اعتقالات الإخوان في 54 كانت هزيمة 56، وعقب اعتقالات 65 للإخوان كانت الهزيمة الساحقة في 67، وفي مصر مبارك تعرَّض الإخوان للاعتقالات والسجن والمحاكمات العسكرية الظالمة؛ فكان سقوط النظام بأكمله عقب ثورة مصر المباركة في 25 يناير 2011م، وتشاء إرادة الله أن يعود الإخوان ويفتتحوا مقرهم الجديد فوق جبل المقطم تلك القمة السامقة التي دفن فيها رفات شهدائهم الذين قضوا في السجن الحربي فأبى الله إلا أن يرتفع مكانهم في نفس المكان، وصدق الله العظيم القائل: ﴿أَلَمْ نُهْلِكْ الأَوَّلِينَ (16) ثُمَّ نُتْبِعُهُمْ الآخِرِينَ (17) كَذَلِكَ نَفْعَلُ بِالْمُجْرِمِينَ (18)﴾ (المرسلات).

http://www.ikhwanonline.com/new/Article.aspx?SecID=213&ArtID=85754
ده جزء من رسالة مرشد الاخوان في ذكري النكسة و اللي فيها معني مفزع و هو ان الاخوان بيعتبروا ان ربنا بيحرك الكون كله علشان خاطر الاخوان و انتقاما ليهم , يعني العدوان الثلاثي ده انتقام ربنا من عبد الناصر علشان خاطر الاخوان ! يعني بريطانيا و فرنسا و اسرائيل و هما بيقتلوا الشعب المصري في بورسعيد ده كان انتقام الهي علشان اعتقالات الاخوان ..فيه حد عاقل ممكن يصدق ده؟ و اللي بيقوله هو مرشد الاخوان شخصيا في رسالة يعني محدش اصطاده ولا خلاه يغلط .. ازاي الناس العاقلة اللي في الاخوان يبقي عندها سمع و طاعة لواحد بالعقلية دي؟

هناك تعليقان (2):

  1. شويه وهايقولك كان بيهزر .... او هيشوفلة تبرير زي مابرروا موقف الشعراوي لما سجد فرحان لهزيمة مصر .... وقالك قال علشان الناس ترجع للدين ... في حين ان لو كان واحد مسيحي عادي مش البابا شنودة ولا حتى كاهن في كنيسه في قريه مش موجودة على الخريطة عمل كدة كانت الدنيا قامت ومقعدتش ... على الخونة والطابور الخامس و...و... انا مش عارفه ايه النظريه الزباله اللي بتخلي ربنا عامل زي بلطجيه المناطق العشوائيه اللي شغال تحت ايد البيه ... لما يحد يضايق البيه قوم البلطجي يروح يطربقها على دماغه .... ثم ايه اخبار الناس اللي بتموت في المجاعات ظروفهم ايه ... كانوا بيكرهوا الاخوان برضه فربنا سابهم يجعوا ...العالم ديه غريبه المنطق والشكل
    سلام
    MishMish

    ردحذف
  2. بس للامانة و الموضوعية برضه فيه مسيحيين كتير معتقدين ان اغتيال السادات عقاب الهي علشان اللي عمله في البابا شنوده ..و الكلام ده قاله رجل دين مسيحي مع ابراهيم عيسي في برنامجه

    ردحذف