بجد المخابرات معتمدة علي توفيق عكاشة كمصدر ..يا سنة سوخة

ده طلع انه فعلا المخابرات بتحب توفيق العكاشة و قناة الفراعين , دلوقتي جاي الخبير الاسترتيجي حسام سويلم ( و خبير استرتيجي ده اسم دلع للمخابرات) و بيقول حاجات غريبة جدا منها انه اللي بيشكك في موضوع الجاسوس ده معندوش انتماء للبلد (يعني عندك نص اللي ع الفيس بوك كده خونة) و انه ده اول جاسوس اسرائيلي يتمسك من 50 سنة و انه حصل محاولات لاقتحام مبني المخابرات في كوبري القبة و انها اتمنعت و اتقتل بعض المقتحمين , و انه المخابرات عارفه انه مشارك في الحرب في لبنان من اول ما دخل من الكطار عرفوه من صورته في الحرب,,و كانت متابعاه ( متعرفش سابوه يدخل ليه ؟ كان معاه جهاز زي بتاع جمعة الشوان) و انه فيه اسئلة كتير عن البرادعي منها علاقته بالملياردر اليهودي سورس بيقول لتوفيق عكاشه في الفيديو اللي انت عرضته في برنامجك . ..ما شاء الله مخابرتنا بتاخد معلوماتها من توفيق عكاشة .. بالتوفيق يا جماعه