الخميس، 23 يونيو، 2011

البابا يصلي لمبارك ..مبارك مشي .. البابا يصلي للمجلس العسكري

قال البابا شنودة الثالث بابا الإسكندرية وبطريرك الكرازة المرقسية: "نحن نصلي في الكنيسة من أجل المسؤول الذي تؤول إليه السلطة في مصر"، وأضاف البابا خلال عظته الأسبوعية أمس الأربعاء ردا على سؤال حول الصلاة للحاكم، "إن القداس يشهد الصلاة من أجل الرئيس فكيف تتم الصلاة ولا يوجد رئيس في البلاد؟.. كانت الكنيسة تصلي من أجل الملك وعندما ذهب الملك أصبحت تصلي لرئيس الجمهورية .. وعندما ذهب رئيس الجمهورية فأصبحت تصلي للمسؤول عن البلاد وهو المجلس العسكري".
الكنيسة بتتعامل مع الحاكم علي طريقة مات الملك عاش الملك , ماهو اما انها هتدخل في السياسة و ساعتها يبقي مينفعش تكون مع الحاكم ايا كان , او انها تبتعد عن السياسة (و ده الاحسن) و تصلي لمصر الدولة و لشعبها مش للحاكم لان مصر هي الاهم مش اللي بيحكمها,ده فاضل تدعي 0 اللهم وفق ولاة امورنا لما تحبه و ترضاه) و (اللهم ولي امورنا خيارنا)

هناك 9 تعليقات:

  1. المرة قالشه منك يا نجم ... علشان الكنيسه مش بتمسح جوخ لا للرئيس ولا غيرة ... ده جزء اصيل من القداس الغرض منه الصلاة من اجل سلامة الرئيس - بما انه رمز للبلد واحنا اصلاً بنصلي للاعداء فمابالك بحاكم البلد - وصلاة تانيه من اجل ان يضع الله السلام في لقبه من ناحيه الكنيسة واظن مفيش اي حاجة في دول فيهم شبهه النفاق
    وبعدين ماحنا بنصلي للنيل وللزروع والعشب وبنصلي اوشيه السلامة
    يعني بنصلي لنيل مصر واهب الحياة وبنصلي للزروع والعشب والحيوانات وبنصلي ان ربنا يحفظ مداخلنا ومخارجناوحلول السلام ... اظن مفضلش حاجة تانيه
    وعموماً ادي اوشيه الرئيس علشان اللي ما يعرفهاش
    أوشية الملك

    يقول الكاهن

    ((ملك أرضنا عبدك..))

    يقول الشماس

    ((أطلبوا لكي يعطينا المسيح إلهنا رحمة ورأفة أمام السلاطين الأعزاء ويعطف قلوبهم علينا بالصلاح في كل حين ويغفر لنا خطايانا))

    يقول الشعب

    يا رب إرحم

    يقول الكاهن

    ((أحفظه بسلام وعدل وجبروت ولتخضع لع كل البربر الأمم الذين يريدون الحروب في جميع ما لنا الخصب تكلم في قلبه من أجل سلامة كنيستك الواحدة الوحيدة المقدسة الجامعة الرسولية اعطه ان يفكر بالسلام فينا وفي إسمك القدوس لكي نعيش نحن أيضاً في سيرة هادئة ساكنة ونوجد كائنين في كل تقوي وكل عفاف بك))

    يقول الشعب

    يا رب إرحم

    ردحذف
  2. "ده جزء اصيل من القداس الغرض منه الصلاة من اجل سلامة الرئيس - بما انه رمز للبلد "
    يعني مبارك كان رمز للبلد ! و ازاي هتعارضه او تسقطه و هو رمز للبلد الفكر ده هو بالظبط فكر السلفيين في عدم الخروج علي الحاكم و الاتنين كانوا ضد 25 يناير و دلوقتي الاتنين بيخطبوا ود المجلس العسكري لانهم محتفظين بنفس الفكر

    ردحذف
  3. مش هزود كتير على رد مشمش

    الكنيسة بتصلى للحاكم بمعنى اشمل مش لشخص بعينه حضرتك

    مش عارفة بصراحة هل الصلاه من اجل الناس مهما كانوا ظالمين افضل

    ولا الدعاء عليهم بالحرق والشلل والسرطان و و و افضل ؟


    والصلاه مش معناها ابدا تدخل فى السياسة

    الصلاه علشان السلام

    ردحذف
  4. انت بتقول المفروض الكنيسه :تصلي لمصر الدولة و لشعبها
    انا قولت رئيس مصر رمز مصر سواء ان كان حلو وحش ده مش حوارنا ثم هل لو رئيس مصر كلب اجرب وتم الاعتداء عليه في اي مكان هيكون الاعتداء عليه موجهه لشحصه بس ولا موجهه للبلد.
    ثم لو هتمشي بالمبدأ ده ليه نصلي اوشيه الزروع والحصاد ومياه النيل ... مفي اسمدة زراعيه وفي ادوات لتحليه المياه وليه نصلي من اجل سلام الكنيسه ما نرفع قضيه قدام محكمة العدل الدوليه ...وليه نروح الكنيسه مانتفرج على القداس في التليفزيون ... عموماً لو مضايقك قداس الكنيسه القبطيه ممكن تصلي مع البروتستانت ... مع كل احترامي وحبي الشديد ليهم هما ريحوا نفسهم من حوار القداس ... بس برضه هتلاقيهم بيعملوا اجتماعات صلاة بيصلوا فيها من اجل مصر وشعبها ورئيسها وحكومتها
    عموماً الكنيسه ولا خبطت ود المجلس العسكري ولا نيله ..البابا بس طلب ازاله القوانيين اللي بتعيق تطبيق المواطنه
    طنطاوي هو اللي راح للبابا مش البابا اللي طلب المقابله
    الاخوان هما اللي عايزين يتقابلوا مع البابا
    مفيش اي طلب وجهته الكنيسه القبطيه علشان تاخد حاجة مش بتاعتها... ومفيش اي تعليق صدر من الكنيسه الا التعليق على قانون دور العبادة الموحد وكلام غير رسمي عن الرغبه في وضع قانون احوال شخصيه للمسيحين

    وبعدين زعلان علشان الكنيسه بتصلي من اجل حاكم مصر ... تحب نلم بعض ونقعد نقول اللهم يتم اطفالهم ورمل نساؤهم ... اللهم اجعل كيدهم في نحورهم ... اللهم اجعل اولادهم ونساؤهم عنيمه لنا ... اللهم ارحم موتى المسيحين ...اللهم انصرنا على القوم الكافرين ...
    MishMis

    ردحذف
  5. الصلاة من أجل مصر بتحصل فعلا في القداس الارثوذكسي والبروتستانت بيعملوا ايام للصلاة من اجل مصر في تجمعات ضخمة.
    لكن الصلاة للحاكم مهما كان شيء جيد جدا لأن الكنيسة ليست جهة سياسية أو لها مرشح ده صحي جدا وأتمنى كل المتحدثين بأسم الاديان يعملوا كده.

    ردحذف
  6. و اذا كان الحاكم مستبد وظالم هل ممكن الكنيسة تصلي من اجل رحيله ؟ معني انك تصلي للحاكم انك مديله شرعية.. انا اللي باقوله انه متكونش الصلاة لصاحب منصب ايا كان الصلاة لمصر عموما

    ردحذف
  7. بعد التحية ..
    تم اضافة مدونتكم الى ـ مدونون بلا قيود ـ
    وسوف ننشر مواجز وروابط لكل تدويناتكم خلال نصف ساعة من نشركم لها
    لمزيد من التفاصيل http://modawenon.tumblr.com/icq
    ولكم فائق الحرية والاحترام
    .
    http://twitter.com/#!/modawenon/status/84286292313124864
    .
    واذا كان اكاونت التويتر دة @abonadara مش بتاعك,ابقى ادينى خبر

    ردحذف
  8. شكرا علي الاضافة و الاكونت مش بتاعي فعلا

    ردحذف
  9. هي صلاة تقع تحت بند الصلاة من أجل مصر ونصها من القداس "السلاطين" فزمنها وملابسات اضافتها معرفهاش بس بفرض نظريتك
    الكنيسة هتحدد الراجل ده وحش ولا لأ
    هيبقى ليها أكيد مرشح تاني تدعمه
    تكسر عينة بأعداد المصلين والدعوة ليه
    تراقب آدائه لما يكسب
    بس كده .. رجلها جت في السياسة

    ردحذف