10/20/2011

لواء اركان حرب فؤاد فيود : المجلس العسكري عارف الخونة بس ساكت !

■ وفى اتصال هاتفى لبرنامج «٩٠ دقيقة» للإعلامية ريهام السهلى على قناة «المحور» قال اللواء أركان حرب فؤاد فيود، الخبير العسكرى والمحلل الاستراتيجى، إن المجلس العسكرى يعلم من هم هؤلاء الذين يريدون العبث بأمن مصر، ومن هم القلة المندسة، ويملكون الأدلة لإدانتهم،» مشيراً إلى أنه «ليس من طبع القوات المسلحة أن تفتعل الإثارة، وإنما الهدوء هو مبدؤها لتخطى هذه المرحلة».

وأضاف فيود «المجلس العسكرى يرفض الإعلان عن هؤلاء الخونة، حتى لا يقال إنه يستخدم مسألة المؤامرة كفزاعة لإرهاب الشعب».

وطالب فيود شباب الثورة بالعمل من أجل استقرار البلاد، مؤكدا أن المجلس العسكرى ملتزم بخطة تسليم السلطة إلى المدنيين.

يا راجل بقي المجلس عارف كل ده و ساكت و عنده الادلة و سايبهم يخربوا البلد و يقتلوا الناس علشان متبقاش فزاعة .. هو فيه فزاعة اكتر من كده قاعدين تخوفوا الناس انتوا القلة المندسة و هنمسككم بس احنا مش عايزين نفزع حد احنا دهسنا الناس بس خايفين نفزعهم سيادة اللوا اركان حرب و الخبير الاسترتيجي .. انت و الرويني و كاطو و الفنجري و سيف اليزل و حسام سويلم .. اكبر دليل علي المستوي المتردي اللي وصلتله القوات المسلحة .. كفاية سذاجة بقي


هناك تعليق واحد:

  1. http://www.almasry-alyoum.com/article2.aspx?ArticleID=314586
    اللينك لو حد عايز يتأكد

    ردحذف