الأربعاء، 3 أبريل، 2013

فلنقطع الطريق و نخطف الطائرات و نحرر فلسطين


من اكتر الجمل اللي بقت مكررة بشكل ميكانيكي لما تعترض علي قطع طريق او اضراب هيضر بالناس العادية " طب هما يعملوا ايه ؟ " " قول انت البديل ليهم او الحل "

اولا : انا مش شغلتي احل مشكلتهم ولا ليا ذنب فيها فمش من المفترض انك تضر شخص ملوش علاقة بالموضوع ولما يعترض تقوله هاتلي حل لمشكلتي

ثانيا : الموضوع عامل زي انه ناس جيراني راحوا ضربوك تقوم انت محدف العمارة كلها بالطوب و لما اقولك انا ذنبي ايه تقولي اديني حل للناس جيرانك دول

ثالثا : فكرة انه بالطريقة دي هيوصلوا صوتهم ..الحقيقة انه اللي عنده مشكلة بياخد الناس العادية رهاين عنده لغاية ما تتحل مشكلته و لما تعترض انك متاخد رهينة يقولك اصل انا ليا حق عند الحكومة

رابعا : الموضوع بيفكرني بالفلسطنيين في السبعينيات لما ابتدوا يخطفوا طيارات عالمية علشان يلفتوا النظر لمشكلتهم و مش مهم الناس اللي راكبة دي ايه علاقتها بالموضوع .. و طبعا كلنا عارفين وصلوا بالقضية الفلسطينية لفين 

هناك تعليق واحد: