يا نيابه مفيكيش راجل

من اول التنحي لحد دلوقتي و فيه بلاغات كتير للنيابة ضد احمد شفيق المرشح السابق للرئاسه و بح صوت الناس في انه يتم التحقيق فيها ولا حياة لمن تنادي  , و من بعد ظهور توفيق عكاشه و سبه و شتمه  لناس كتير من اللي شاركوا في الثورة  و اتقدم ضده بلاغات للنيابه ولا حياة لمن تنادي , و اثناء المعركة الرئاسية الانتخابية كانت جريدة الدستور بتنشر اكاذيب  و خرافات عن الاخوان المسلمين و محمد مرسي و لا حياة لمن تنادي ,

                                            ...................................................

                                                          بعد الاطاحه بالعسكري

احمد شفيق علي قوائم ترقب الوصول , احالة ابو حامد لنيابة امن الدولة , استدعاء عكاشه للتحقيق , حبس احتياطي لرئيس تحرير الدستور (اوقفه مرسي بعدها )


ده معناه حاجه واحده انه اي  حد يقولك عندنا نيابه مستقله يبقي عبيط ولا مؤاخذه , احنا عندنا نيابه تابعه للسلطه بتحرك القضايا و توقفها بمزاج القائمين علي السلطه , احنا بنتكلم علي نفس القضايا و نفس الاشخاص و ازاي بيتغير موقف النيابه منهم 180 درجه , ميهمنيش  اللي ماسك اخوان او عسكري او ايا كان , لو كان عندنا نيابه و قضاء مستقلين , لكن بالشكل ده يبقي احنا عايشين في مهزله  تخليني اتخيل ياسر جلال وهو واقف و بيزعق بعلو صوته يا نيابه مفيكيش راجل

                                          

لهذه الاسباب سوف يحصل الاخوان علي اكثر من حجمهم الحقيقي في مجلس الشعب

من مشاهداتي للقطاع الموظفيني اجزم بأن جزء كبير من الموظفين اعطي بصوته للاخوان نتيجة لهذه الاسباب - عدم وجود اي ثقافة سياسية + وجود خوف من الغرامة المالية ادي الي اضطراره للتصويت و نتيجة لذلك اما ان يختار من يسمع عنهم او يختار طبقا لعاطفة دينية او ان يختار من لا يتصادم مع الجيش او ان ينتظر اختيار الاقباط حتي يختار عكسه لذلك اتوقع حصول الاخوان علي 20 بالمائة علي الاقل من جمهور لم يكن يهتم بهم بل و كان غير راغب فيهم و متخوف منهم