معروف طبعا ان النيجر من حوض النيل وجنوب افريقيا من دول المنبع

النهارده باكلم واحد زميلي في الشغل عن المنتخب و دورة حوض النيل , ف كان مقتنع ان النيجر من دول حوض النيل فجيت اناقشه , قالي انت عارف ان جنوب اقريقيا مش من دول حوض النيل بس هي من دول منابع النيل
الزميل ده خريج كلية اداب قسم .. جغرافيا

موظفين مسلمين شمتانين (2)

لمديرة : باكلم لوريس امبارح باقولها هتاخدي يوم ايه اجازة علشان العيد , قالتلي و هوه احنا هنحتفل بالعيد ده احنا زعلانين لا هناكل ولا هنلبس
موظفة : اه فيه ناس بتحب تنكد علي نفسها
موظفة اخري : يعني هما هيفضلوا زعلانين كده
موظف : الهي دايما

حوار حقيقي من داخل وزارة العدل

موظفين مسلمين متعصبين و متخلفين (1)

هما هيقعدوا عاملين المحزنه دي لاخر الاسبوع !
- هيه لوريس ضاربة بوز ليه ؟ علشان الحادثه , طب و احنا مالنا
- طبعا غلط اللي حصل ..ده مات فيه مسلمين
نماذج من موظفي وزارة العدل

اما ان نحاكم الشيخ يوسف البدري و اما ان نحيله لمستشفي امراض عقلية

نبدأ بردود الأفعال على الجريمة، وتحقيق نشرته 'الأحرار' يوم الأحد لزميلتنا الجميلة ناهد النبراوي، قال فيه صديقنا والداعية الإسلامي الشيخ يوسف البدري: 'ان ما حدث هو شيء أريد به الكيد لمصر وأريد به التفريق بين الوحدة المصرية وأؤكد وتثبت الأيام صدق كلامي أن ما حدث ليس من جانب المسلمين بأي حال من الأحوال وإنما يحدث نتيجة احتمال من ثلاثة:
أولاً الموساد وهذا شيء أؤكده وقد يكون الموساد فعله بالتعاون مع بعض أقباط مصر، ثانيا أن يكون ما حدث من بعض أقباط المهجر لإتاحة الفرصة لأمريكا للتدخل بما يسمى كذباً حماية الأقلية القبطية. ثالثا أن يكون هذا من جانب أمريكا نفسها التي توقع الناس في مثل هذه الأمور لتنفيذ أمراً تريده، أن الدليل على صدق كلامي ان الحدث استهدف المسلمين والمسيحيين معاً.
كما أن القتلى من المسلمين والمسيحيين وكذلك إذا كان يقصد المسيحيين لاختار كنيسة بعيدة عن أن تكون في مواجهة مسجد حتى لا يصاب من بالمسجد.
ودليل آخر أن الحادث قام به غير المسلمين لأن من يسمون بالقاعدة والجماعات الإسلامية يعلمون تماماً ويؤمنون ان القتل حرام شرعاً.
يعني اللي موت المسيحيين في مصر اما الموساد بمساعدة الاقباط المصريين اواقباط المهجر او امريكا يعني باختصار اي حد غير المسلمين و حبذا لو كان المسيحيين نفسهم بيموتوا نفسهم علشان يلبسونا تهمه , اما القاعدة و الجماعات الاسلاميه فناس طيبيين قوي مؤمنين بان القتل حرام , طب و الجماعات الاسلامية اللي كانت بتعمل في مصر علي مدار 30 سنه و بعدين اعلنت توبتها دي ايه ؟ و اللي بيقتلوا الشيعه في العراق دول مين و اللي بيقتلوا مدنيين في افغانستان بعمليات انتحارية دول مين ؟ و اللي ضربوا كنايس في الفلبين و منتجعات سياحية في بالي و سفارات في كينيا و معبد يهودي في تونس و مركز التجارة في امريكا و امريكان في السعودية و تفجيرات لندن كل دول تبع مين ؟ ده امريكا و الموساد متفقة مع ملايين المسلمين بقي علشان يموتوا الاديان التانيه

في تفجير الاسكندرية .. كلام مبارك فارغ و كلام المجتمع ساذج

يمكن ملاحظة تعليقات مبارك و نظيف علي تفجير كنيسة الاسكندرية
و هي ان الارهاب يستهدف المصريين جميعا و لا يستهدف المسيحيين فقط
و هو كلام ساذج جدا لان ذلك من الممكن فهمه عند تفجير قنبلة في ميدان عام او مصلحة حكومية او حديقة عامة , اما ان يفجر احدهم نفسه امام كنيسة في بداية العام الميلادي فذلك لا يعني الا استهداف المسيحيين , قد يصاب او يقتل بعض المسلمين المارين بالصدفة او من اجهزة الامن , لكن المؤكد هو استهداف المسيحيين في مصر ولا بد من الاعتراف بذلك
الملاحظة الثانيه
الكلام الذي يردده المجتمع المصري نفسه وهو ان وراء العملية الموساد الاسرائيلي او المخابرات الامريكيه , و ذلك طبعا حتي يبعدوا التهمة عن انفسهم , و العجيب ان اكثر النظم المصرية عداء لامريكا و اسرائيل كان عبد الناصر الذي لم تقع في عهده حادثة طائفية واحده , بينما ظهرت الاحداث مع السادات صديق امريكا و اسرائيل و استمرت و توغلت مع مبارك صديقهم ايضا (قليل من العقل يا مجتمعنا المرض نفسيا)

الي دكتور عصام العريان كفايه تحشيش و النبي

وقال الدكتور عصام العريان، عضو مكتب الإرشاد: «نحن ندين هذا الحادث ونقدم خالص العزاء لأسر الضحايا مسلمين ومسيحيين، ونطالب جهات التحقيق بألا تستبعد الأيادي الخفية وراء الحادث، ونعتقد أن الذي وراءه هو الموساد الإسرائيلي، من أجل رزع الفتنة الطائفية في مصر، وحتى إذا نسبت تأكيدات بأن من ورائه تنظيمات متطرفة مثل تنظيم دولة العراق الإسلامية، فلا نستبعد أن تكون هذه التنظيمات تعرضت لاختراق أو أنها تعمل لحساب دول أو جهات معينة».

وأضاف لـ«المصري اليوم»: «هذا الحادث يمثل تطوراً خطيراً لأنها لأول مرة يتم فيها استخدام سيارات مفخخة، مما يشير إلى أن من ورائه جهات خارجية، ونحن نستغرب أن يتم هذا الحادث مع وجود تهديدات سابقة، الأمر الذى كان يستدعي تشديد الحراسة، خاصة أنه يتزامن مع ذكرى حادث نجع حمادى الأليم»
و الله كنت بحترم الراجل ده مش زي عبد المنعم ابو الفتوح بس بعديه بشوية , بس التخاريف اللي بيقولها دي متدخلش دماغ عيل صغير موساد ايه بس يا عم كفاية بي دفن لروسنا في الرمل , ما كلنا شايفين المناخ الطا ئفي اللي موجود يعني لما يطع العوا يقول الكنايس بتخزن سلاح ده يبقي ايه ؟ ملوش تفسير طبقا لنظريتك غير انه محترق من الموساد الاسرائيلي , و كمان عايز تقنعني ان تنظيم دولة العراق الاسلامية اللي بيقتل المسيحيين في العراق تبع الموساد , و انه بيقتل الامريكان هناك لصالح الموساد , و كل الجماعات الاسلاميه اللي بتعمل عمليات ارهابية في امريكا و فرنسا و بريطانيا و الفلبين و نيجيريا و السويد شغالة مع الموساد , يعني الموساد مسيطر علي كل دول و احنا زي الفل معندناش لا تطرف ولا تعصب ولا ارهاب , ده عضو مكتب ارشاد ولا مكتب صحة؟

تكلم عماد اديب عن مبارك (لبسوه قضية شيك في يومين)

مؤسسة الأهرام تتهم عماد أديب بإصدار شيكات بدون رصيد

الخميس 30 ديسمبر 2010 

قدمت مؤسسة الأهرام بلاغا إلى قسم شرطة العجوزة، ضد عماد الدين أديب، رئيس شركة جود نيوز للإنتاج الفني، تتهمه بإصدار شيكات بدون رصيد لصالح المؤسسة. تلقى اللواء محسن حفظي، مدير أمن الجيزة، بلاغا من خالد أحمد محمود، مستشار قانوني لمؤسسة الأهرام، يتهم فيه عماد أديب بإصداره 63 شيكا لصالح المؤسسة، يبلغ قيمتها 3 ملايين جنيه، وأن البنك العربي الإفريقي رفض الشيكات "لعدم وجود رصيد"، حسب البلاغ، وتحرر محضر بالواقعة، وتم إخطار النيابة العامة لمباشرة التحقيقات. علي طريقة مرتضي منصور يعمل نظام مبارك , كل واحد ليه ملف و يمكن سي دي برضه و وقت اللزوم نطلعله قضية و نرميه في السجن , كل ده علشان الراجل قال انه الانتخابات مزورة و انه انتقال السلطة وضعه غامض و مقلق في مصر , الملف اتفتح و اذ فجأة طلع عليه شيكات بدون رصيد و هلم جرا , و اهو علشان يتربي و ميفتحش بقه تاني , اليلد محكوم بعصابة فعلا , مستعدة تبلطج و تلفق تهم , علشان محدش يهدد وجودها