12/29/2009

ده كان زمان و جبر

القصة عن موظفتين واحده مسلمة و التانية مسيحية كانت ما بينهم صداقة قوية و ده في حد ذاته شيء غريب شوية نظرا للعلاقة الشائكة بين اصحاب الديانتين خصوصا في الاوساط الحكومية ।الموظفة المسلمة كانت متجوزة و مخلفة و المسيحية لاء و بعدين جوز المسلمة مات فانتقلت المسيحية الي مسكن المسلمة و عاشوا مع بعض في سابقة لم ا اسمع بها من قبل و الاكتر من كده لما ماتت المسلمة قامت المسيحية بتربية الابناء و تحيا الوحدة الوطنية.

12/27/2009

و هكذا يلعب الزرار دورا في الحياة الزوجية

- في الصيف الماضي و قبل بداية شهر رمضان كان الجو حارا و لكن الموظفين قالوا :ان شاء الله ربنا هيخلي الجو كويس علسان رمضان جه ف الصيف
- هيه مش قصة طريفة لكنها غريبة هيه موظفة متزوجة و عندها ३ اطفال و كانت بتشتكي من جوزها انه بيضربها و بيضرب الاطفال و هيه كانت الاول في اوضة كلها سيدات و بعدين حصل تغيير فبقت الاوضة مشتركة فحصل مشكلة لما جوزها جه مرة و اكتشف ده و هيه كانت مقالتلوش و بقي جوزها يراقبها و هيه خارجه من الشغل و يشك فيها و زادت المشاكل و كانت علي وشك الوصول للطلاق و اخدت اجازة من الشغل و راحت تعمل عمرة و رجعت من العمرة منقبة و رجعت المياه ل مجاريها بينها و بين زوجها و ظنينا ان دي النهاية السعيدة لكن الجديد ان جوزها جه يزورها و اكتشفتا انه اعلن ثورته مرة اخري و السبب المره دي انه شاف واحد بيخيط زرار في هدومه في المكتب و لسه ياما هنشوف

12/25/2009

القتل الحلال

الخبر من صفحة الحوادث بجريدة الاهرام و ملخصه:-
اثناء مداهمة ضابط شرطة لمنزل تاجر اسماك بناء علي معلومات باختباء تاجر مخدرات في منزله انطلقت رصاصة اودت بحياة تاجر الاسماك وقد اتهمت اسرة المجني عليه الضابط بقتل تاجر الاسماك । شوف بقي حكم المحكمة هو البراءة نظرا لشيوع الاتهام و تخبط الشهود يعني ظابط شرطة و معاه مسدس و رصاصة قتلت المجني عليه و الاسرة قالت انه ده القاتل يبقي الموضوع مش محتاج ذكاء لا و الخبر يقولك خرجت رصاصه طب هي الرصاصه جت منين من الشباك مثلا هكذا يعامل القضاء ظباط الشرطة في مصر

12/24/2009

المسلمون يتعصبون

الخبر اليوم عن قتيل في هجوم استهدف كنيسة بالموصل و لا بد ان اقارن بين هذا الحادث و حادث مقتل مروة الشربيني في المانيا في حالة مروة قامت الدنيا و لم تقعد و اتهامات للغرب بالعنصرية و التعصب و مطالبات بالمقاطعة و ذلك تحت شعار حقوق الانسان اما في حالة كنيسة الموصل فلن نجد الا التجاهل التام و عدم الاهتمام بالرغم من ان حادث المانيا قام به شخص واحد اما في الموصل تقوم به جماعات منظمة و ذلك لاننا في الحقيقة لا نهتم لا بحقوق الانسان ولا خلافه نحن نهتم بالمسلمين فقط حقوق الانسان هي حقوق المسلمين اما الاخرين فلا يعنون لنا شيئا فمن يكون المتعصب فعلا

12/21/2009

الهدهد الذي اسلم

الهدهد و التبي سليمان عنوان مقالة ف الاهرام تحفل بالعديد من الغرائب مثل ان سليمان اعطي الهدهد رسالة ل ملكة سبأ و الرسالة هي (انه من سليمان وانه بسم الله الرحمن الرحيم الا تعلوا علي و اتوني مسلمين) و الاسئلة هل كان سليمان يتحدث العربية و هل كانت في لغته بسم الله الرحمن الرحيم و هل كان هناك مسلمين قبل مجيء الاسلام

من نوادر الموظفين في مصر (२)

موظفة بعتت حد يشتريلها خضار و بعدين علشان تاخده جت للبلكونة و نزلت السبت
مديرة القسم راحت للمدير العام بتطلب منه انه يفتح اوضة الكومبيوتر علشان ناس تعمل عليهم شغل قالها لا طبعا الكمبيوتر ده بتاع الدولة
موظفين في مكتب و جالهم تفتيش مفاجيء و طبعا نصهم مزوغين استعانوا بناس من الجمهور لاداء دورالموظفين لكن المفتش شك في الموضوع ف طلب البطاقات الشخصية للجميع و اكتشف الخدعة

12/20/2009

من نوادر الموظفين (من الواقع المصري)

موظفه بترمي ميه سخنة في البلكونة فبيحذرها زميلها خوفا من ايذاء العفاريت قائلا سمي يا استاذة
موظفة بتسأل هوه احنا اكتر في السكان ولا الصين؟
موظفة بتتكلم عن لبن المعيز و فوايده في علاج الامراض بما فيها امراض العيون و ذلك عن طريق وضع نقطة من اللبن في العين المصابة।
موظفة بتفسر عدم اعطاء يوم بديلا ليوم راس السنه الهجرية الموافق ل يوم جمعة بانه بقي مفيش اسلام।