السبت، 20 مارس، 2010

نعيش احنا .. و الاقصي مش مهم

الاغنيه كانت بتقول ( يا بيوت السويس يا بيوت مدينتي استشهد تحتك و تعيشي انتي) كانت في حرب الاستنزاف تقريبا بس انا مش فاهمها بصراحه . ايه الفايده في اني اموت علشان تعيش بيوت المفروض العكس, هوه ايه الاهم البني ادم ولا شوية حجاره اسمها بيوت السويس, جت في بالي الفكره دي و انا باتابع رد الفعل علي تهديدات اسرائيل للمسجد الاقصي و سألت نفسي هوه ايه الاهم ؟ هل خوفنا علي مبني قديم اسمه المسجد الاقصي ولا كرامة مواطن زي الدكتور المؤيد للبرادعي في الفيوم اللي تم تعذيبه و التنكيل بيه, هتلاقي مظاهرات عارمه دفاعا عن الاقصي , لكن مشوفناش مظاهرة ضخمة علشان كرامة بني ادم مصري و كل ده علشان فكرة انه الدفاع عن الاقصي واجب ديني ووطني اما الانسان مفيش ما يدعو للدفاع عنه. طول ما احنا عايشين علشان الشعارات بدل ما نخلي الشعارات مرفوعه علشاننا معتقدش انه هينصلح حالنا

هناك تعليقان (2):

  1. بعض الناس يموت فى سبيل فكرة او مبدأ او عقيدة وبعض الناس عندما لا يجد ما يعيش من اجله ينتحر

    ردحذف
  2. على ما أظن ان بداخلك خواء و فراغ لا يستطيع أى مبدأ أو فكرة أو عقيدة أن يملئها

    ردحذف