الخميس، 28 يوليو، 2011

ان المجاهدين اذا دخلوا بلدة جابوا عاليها واطيها

يمكننا تتبع الدول التي ظهر فيها ما يسمي بالمجاهدين لمعرفة النتائج المتوقعة لظهورهم في اي بلد اسلامي , افغانستان العامرة بالمجاهدين لا تزال تغرق في الفقر و التخلف و زراعة المخدرات و التفجيرات التي تقتل المدنيين , الجزائر حيث قتل اكثر من مائة الف انسان في الحرب بين المجاهدين و الحكومة , السودان و برغم تمتعها بمختلف الموارد لا تزال متخلفة اقتصاديا و تعاني من حروب اهلية ادت الي تقسيمها , الصومال التي تحولت بعد تواجد المجاهدين الي موطن للقراصنة و يساهم المجاهدون الان في تفشي المجاعة لقد اضر المجاهدون بالمسلمين باكثر ما اضرتهم اسرائيل و اميركا
اعلنت الامم المتحدة يوم الاربعاء 20 يوليو/تموز ان اقليمين في جنوب الصومال يواجهان المجاعة، وحذرت من انتشار
المجاعة في اقاليم اخرى في الصومال خلال شهرين.

وقال مارك بودين منسق الامم المتحدة للشؤون الانسانية في الصومال ان الاقليمين يواجهان اوضاعا هي الاسوأ منذ عشرين عاما، وذلك بسبب الجفاف الشديد الذي ادى الى انخفاض كبير في المحصول الزراعي.

واوضح بودين ان الصراعات المستمرة في الصومال تجعل مهمة الامم المتحدة وغيرها من المنظمات التي تقدم العون والمساعدة للاهالي اشد صعوبة.
وتسيطر حركة الشباب، التي ترتبط بتنظيم القاعدة، على اجزاء كبيرة من الصومال بما فيها الجنوب الذي يواجه المجاعة.

الثلاثاء، 26 يوليو، 2011

حكاية تلاته من مؤيدي مبارك و لميس جابر و المجلس العسكري

  • Mahmoud Ahmed‏ معجب بهذا.
    • محبي الدكتوره لميس جابر طبعااااااااااااااااااااااا​اااااااااااااااااا -لميا
      أمس في الساعة 11:25 صباحاً‏ · شخص واحد
    • Hossam Shebl طبعا لأنهم هم اللى قالوه
      أمس في الساعة 02:10 مساءً‏ · شخص واحد
    • Amal El Bioumy انا مع المجلس العسكرى حتى لو قالى ارمى نفسك فى البحر
      أمس في الساعة 04:19 مساءً‏ · شخص واحد


      ده نموذج لتلاته من بتوع احنا اسفين يا ريس و ازاي بيفكروا هما عايزين حد يقودهم و يسوقهم و هما وراه ما يشغلوش عقلهم بالتفكير او الانتقاد مجرد انهم يقولوا سمعنا و اطعنا , و ده نتيجة التربية الابوية الشمولية العسكرية القائمة علي الطاعة (لا تجادل ولا تناقش) (عبد المأمور) لما العالم قرر انه يلغي العبودية كان فيه معارضه من بعض العبيد لانهم اتعودوا يعيشوا عبيد و حد يصرف عليهم و يحددلهم شغلهم احتمال كانوا عملوا ساعتها جروب (انا اسف يا سيدي) لكن لو دلوقتي قلت لحد يكون عبد مش هيرضا , فيه ناس ادمنت العبودية و هتاخد وقت علشان تتخلص من ادمانها

الأحد، 24 يوليو، 2011

هل يقوم المجلس العسكري برعاية فرق الموت علي الطريقة اللاتينية

وصف مصدر عسكري من قاموا بالاعتداء علي المتظاهرين في العباسية باللجان الشعبية , بينما وصفتهم جريدة الاهرام باهالي العباسية , و كان اعضاء الجماعة الاسلامية قد هددوا بالذهاب الي ميدان التحرير لتنظيفه من العملاء , و في كل هذه الحالات نحن امام كارثة يشاهدها المجلس العسكري بل و يحرض عليها امثال الرويني , و هي دعوة لاستخدام العنف من افراد عاديين ضد اي متظاهرين بدعوي انهم عملاء او يضرون باستقرار البلد ,و هذه كارثة ان تصبح هناك شرعية لاستخدام العنف و الاعتداء علي المدنيين بمساندة الجيش و تحت سمعه و بصره و مباركته , ان ذلك من الممكن ان يقودنا الي ما كان يحدث في امريكا اللاتينية اثناء الحكم العسكري و هو تشكيل ميليشيا مدنية تقوم بالضرب و القتل او ما كان يسمي بفرق الموت , ان تشجيع المجلس العسكري و الاعلام لذلك هو جريمة لا تختلف عن جريمة صفوت الشريف و انس الفقي .

الخميس، 21 يوليو، 2011

عزيزي موظف الحكومة ..واطي انت يا مان

لا يزال البعض يدافع عن المظاهرات الفئوية , علي الرغم من انها مظاهرات انتهازية يقوم بها جبناء ظلوا صامتين و صابرين لمدة ثلاثين عاما ثم يقولون الان انهم لا يستطيعون التحمل لعدة اشهر بالرغم من انه قد تم تحسين اوضاع الكثير منهم , و بالرغم من ان معظمهم لم يشارك في المظاهرات المطالبة بالحرية و العدل و كانوا في الغالب من المسنكرين لها ,في المكان الحكومي الذي اعمل به كان الموظف صاحب الاربعة و ثلاثون عاما الاصلع المتزوج يهاجم متظاهري و معتصمي التحرير و يتمني ان يضرب الجيش بيد من حديد علي من يوقفون حال البلد و يعطلون عجلة الانتاج , و لكن عندما تظاهر العاملون من اجل زيادة جديدة في المرتبات , ترك هذا الموظف مكتبه و انضم الي المظاهرات و حضر اللقاء مع مدير المكان و هو يعد بزيادة جديدة ..انهم نتاج تربية اعلانات يوسف بطرس غالي "مصلحتك اولا"

الثلاثاء، 19 يوليو، 2011

القوات المسلحة تتصدق علي الشعب المصري من امواله

يعني هو القوات المسلحة معاها فلوس بزيادة و بتخلي الشعب الفقير ياخد منها الشنط و كأنه بيشحت , طب هي فلوس الجيش دي جاية منين اصلا ماهي من ميزانية الدولة , ولا هو القوات المسلحة معتبرة نفسها دولة مستقلة بتبعتلنا معونات ! مادام عندهم فائض كبير كده يبقي نقلل من ميزانيتهم و ناخد الفلوس دي ننفع بيها الناس فعلا بدل ما نذلهم بكيس السكر و شكارة الرز اللي هي اصلا من فلوسهم

تزاحم مئات الفقراء أمام وداخل ناديى قرية بهوت، التابعة لمركز نبروه، وبلقاس الرياضى بالدقهلية، انتظاراً لسيارات القوات المسلحة المحملة بـ«شنطة رمضان»، فى مشهد مأساوى تكرر فى مدينة بنها بالقليوبية، وأسفر عن إصابة عدد كبير من النساء والرجال ومجند شرطة، بكدمات وإغماءات، بسبب التدافع للحصول على «الشنطة» أو«الكرتونة» التى قامت بتوزيعها القوات المسلحة السبت. وانتظر الفقراء عدة ساعات تحت أشعة الشمس لينالوا نصيبهم من «الشنطة» الموعودة، المكونة من أكياس «أرز ومكرونة وتمر وسكر وعدس وفول».

وفى الوقت الذى حددت فيه مديرية الشؤون الاجتماعية، الأسر المحتاجة، ووزعت عليها «كوبونات» يحصلون بها على «شنطة رمضان»، خصصت القوات المسلحة يوماً لكل مركز توزع فيه الشنطة فى الدقهلية والقليوبية، ثم باقى المحافظات تباعاً.

وشهدت مدينة «بلقاس» مشهداً مؤثراً داخل الساحة الشعبية، تمثل فى سقوط 8 سيدات و3 رجال من المنتظرين للشنطة، مغشياً عليهم، بسبب شدة الحرارة وكبر السن، مما دفع الضباط لنقل عملية التوزيع من الساحة الشعبية إلى مقر النادى، لتضييق المساحة، حتى يتمكنوا من التحكم فى التوزيع بعد تدافع الناس بشكل عشوائى.

وقفز عدد كبير من المواطنين من على الأسوار الحديدية للدخول إلى مكان التوزيع، واضطرت الشرطة المشرفة على تأمين البوابات الخارجية لاستخدام صواعق كهربائية تلامس بها الأسوار فى محاولة لتخويف المواطنين وإجبارهم على الالتزام بالدور.

وفى بنها جرى توزيع 3 آلاف كرتونة ببطاقة الرقم القومى، وسط مشاجرات ومشادات، وتبادل للسباب، بين الرجال والنساء، فى مشهد لم يخل من الحراسة الأمنية التى ضمت سيارتين للأمن المركزى، وعشرات الجنود والعساكر وبعض القيادات الأمنية من الشرطة والجيش.

من جانبه، قال مصدر بالقوات المسلحة: «تم توزيع ما يقرب من 4300 كرتونة سلع رمضان فى مركزى بلقاس ونبروه، كما أن الجيش بصدد توزيع ما يقرب من 42 ألف كرتونة بنطاق محافظة الدقهلية وحدها».

السبت، 16 يوليو، 2011

اعرفكم علي مدام حنان مدير ادارة الفلول

مدام حنان مدير الشؤون المالية و الادارية في المكان الحكومي الذي اعمل به و التي تهاجم الثورة بصوت مرتفع (شوية عيال في التحرير خربوا البلد) و التي كانت تمثل الرعب لجميع العاملين من اصغر عامل وصولا لاكبر مدير بسبب صرامتها و تعسفها , من الممكن معرفة سبب كراهيتها للثورة حيث تسببت الثورة في تغيير الكبار في الوزارة و قد ادي ذلك الي اكتشاف ان مدام حنان قد قامت بتعيين ابنتها و زوج ابنتها - ربما يعتبر البعض ذلك نوعا من الفساد البسيط الذي تحول الي شيء عادي_ و لكن الجديد هو ان احدا لم يشاهد ابنتها او زوج ابنتها مطلقا و انهم يحصلون علي مرتباتهم و حوافزهم كاملة دون الحضور حتي للتوقيع في كشوف الحضور و الانصراف ..اللصوص ايضا يكرهون الثورة

الخميس، 14 يوليو، 2011

محمود عبد العزيز و حسين فهمي و خيبة امل مؤيدي مبارك

بينما يكتشف صديقي ان سبب معارضة زميله للثورة ان لديه شقة

في مدينتي المملوكة لهشام طلعت مصطفي , اتذكر صديقي المعارض

ايضا للثورة بنفس السبب , حيث كان ينتقد المظاهرات لانها حرمت

طفله من النزهة في يوم الجمعه , و اعتقد ان ذلك هو عقاب الانسان

المصري المتكيف دائما الذي يقوم بتحويل افكاره طبقا للظروف , و

ركوب الموجة و عدم مقاومتها و الاستفادة منها اذا امكن , اتذكر فيلم

العار و تحول وكيل النيابة و الطبيب الي تجار مخدرات تمشيا مع الظروف

, هكذا كان صديقي و زميل صديقي يشاهدان الان صفائح المخدرات و

قد اكلها الملح و لا يسعني الا ان اقول لهم "يعوض عليكوا ربنا"

الاثنين، 11 يوليو، 2011

اللوا حسنين في المخابرات و اللوا سعيد في امن الدولة في شبكة فساد و مؤامرة مع لصوص الحزب الوطني


رأى الفلول.. «جمع فلَّة»

بقلم د.محمود عمارة ١١/ ٧/ ٢٠١١

الزمان: صباح الجمعة الماضى ٨/٧

المكان: فوق السحاب، على متن طائرة تركية، بين إسطنبول وميلانو.

جلست بالصف الأول بجوار النافذة، ومن خلفى ٣ كراسى يحتلها مصريون لا أعرفهم.. يتحدثون بصوت عال، فهمت أنهم رجال أعمال من المستوردين أقمشة، وإكسسوارات.. أحدهم عضو مجلس شعب وطنى سابق.. والآخران يمتلكان مصنعين أحدهما بالمحلة الكبرى، والآخر بالعاشر من رمضان، وكعادة معظم المصريين.. بدأوا الحديث فى موضوع، ثم انتقلوا إلى موضوع ثان، فثالث.. وانتهوا بالحديث عما يجرى فى مصر!!

الجالس خلفى مباشرة: ربنا يستر، وشوية العيال اللى هيتظاهروا النهارده فى ميدان التحرير، مايحرقوش البلد، شوية العيال اللى بيقولوا علينا «فلول»، وعاملين نفسهم «ثوار» بجد، وهمه شوية «أرزقية»..

مكانش لهم لازمة فى المجتمع، ودلوقتى بيطلعوا فى التليفزيوينات يشتموا اللى همه عاوزينه، ويحاكموا أى حد على مزاجهم، لا عاجبهم قضا، ولا نيابة، ولا الحكومة مالية عينهم، وعصام شرف بتاعهم عمل إيه يعنى؟، وآدى حال البلد يصعب على الكافر، وماتفهمش ليه المجلس العسكرى سايبهم طايحين فى الناس، ومحدش قادر عليهم!!

فلَّة (٢): تصدق بالله.. أنا لو مكان المجلس العسكرى ده، لكنت مسكتهم واحد، واحد، ورمتهم فى السجن الحربى لغاية ما يعرفوا إن الله حق.. دول شوية خنافس.. العيل منهم لو قطعت عنه الميه والنور، وضربته «قلمين»، وبات ليلتين على البلاط هيحرَّم يطلع الشارع.. دول أصلهم ما تعبوش فى حاجة.. أهاليهم مش فاضيين لهم، وأغلبهم أبوه فى السعودية أو الكويت، وكل شهر تحويلات، ما اتبهدلوش، ولا حاسين، ولا فاهمين إن ممكن يضيعوا البلد، ونروح كلنا فى ستين داهية!!

فلَّة (٣) الجالس على الطرف: اضطرنى أطرطق ودانى، ومسكت نفسى من الرد عليه، عندما قال: «حبيب العادلى».. ابن... هو السبب فى كل اللى جرى.. دا لو كان عمل زى رجالة بشار، وسحل خمستلاف فى الشوارع.. كان الباقى جرى زى «الفيران».. لكن ابن... كان نايم فى العسل هوّه وبتوع أمن الدولة.. نسوان، وفلوس، ودهب.. وشوية لمامة حواليه، كل واحد فيهم كان قاعد بيشوف مصالحه.. حتة أرض هنا على شاليه هناك، على شوية صيغة.. دا بيقولك: كانوا بينزلوا يلموا من الصاغة لحسابه كل أسبوع ١٠ كيلو دهب، ومدير مكتبه- إنت عارفه- الواد البغل ده، اللى اسمه «باسم» كان بيسافر كل أسبوع سويسرا، وباريس، ولندن يورَّد «الدهب» فى خزاين هناك، وتانى يوم يرجع.. واحد صاحبى ضابط كبير فى الجوازات طلَّع كشف تحركات لسفر «باسم» ده، لقاه مسافر ١٨٠ مرة لأوروبا، وتركيا، وأمريكا فى الـ٣ سنين اللى فاتت!!

فلَّة (١): هوه مش بس «حبيب العادلى» اللى يستاهل الإعدام.. لأ.. كمان «أحمد عز» اللى خربها، وجاب عاليها واطيها، والراجل الكبير يا عينى جه فى الآخر، وبقى زى الشخشيخة فى إيد زكريا عزمى، وصفوت الشريف، وجمال عبدالعزيز، و«ابنه».. الواد المجنون ده ساب نفسه لشوية حرامية حواليه، و«الولية» القرشانة دى كمان هيَّه اللى خيبت الدنيا لما وقفت مع ابنها ضد رأى الراجل.

فلَّة (٢) مقاطعاً: راجل مين، دا راجل «حمار»، والولية هابلة، وابنهم الكبير باين عليه مابيفهمش غير فى لم الفلوس، كان يقدر ينصح أمه، ولاَّ يقف مع أبوه ينصحه إن جمال ما ينفعش، والناس كلها كرهاه.. كان عندهم مية فرصة.. وكان الراجل طلع بطل، وكانوا سافروا بره يتمتعوا بالمليارات دى.. دا حتى الراجل من خيبته وغطرسته بعد ما اتنحى، وجمال كان سافر لندن ينقل أملاكهم.. يقوم يتصل بيه ويقوله: ارجع يا جمال، ومتخافش محدش يقدر يمس شعرة مننا.. مكانش «الحمار» يسيبه هناك.. على الأقل كان عرف يدافع عنهم النهارده.

فلَّة (٣): بقولك إيه.. برضه كل ده كوم.. واللى عملوه «العيال» بتوع الثورة كوم تانى.. لأن آهى البلد كانت ماشية، وكنا بنكسب ومبسوطين، والناس كانت حامدة ربنا، ماعدا شوية «لفاندية» الناصريين على الشيوعيين على الكلامنجية همه اللى ولعوا البلد.. كل ليلة فى البرامج يسخنوا الناس، والصحافة إياها «تولع» فى البلد، وكلهم كانوا إيه خمس برامج على جرنالين تلاتة كانوا يقدروا يقفلوهم بأى حجة!!

فلَّة (٢): ياعم بقولك إيه.. بلا برامج بلا بتاع.. إحنا دلوقتى فى شوية العيال دول اللى ممكن يخربوا البلد، ويوقفوا حالنا.. مظاهرات، واعتصامات، وبلاغات، إحنا لما نرجع مصر الأسبوع الجاى لازم نشوف حل.. إنت عارف اللوا حسنين بتاع المخابرات مستعد يتفاهم معانا، واللواء سعيد بتاع أمن الدولة قال لى: لو إنتوا رجالة وخايفين على مصالحكم.. ادفعوا قرشين للعيال البلطجية ولو كل واحد له مصالح دفع قرشين هنخلى ليلة أبوهم سودة، وإحنا ملناش دعوة.. همه البلطجية اللى يخلصوا الموضوع.. لو كل مرة العيال دى تطلع الشارع نسيب عليهم المسجلين هيقطعوهم حتت.. وشوية المذيعين الجداد اللى بيهيجوا الناس نشوف لهم حل!!

فلَّة (١): بص بقى.. خلينا نشوف المجلس العسكرى ده هيتصرف معاهم ازاى.. همه ١٠٠٪ هيقلوا أدبهم على المشير وأعضاء المجلس.. ودول عسكر، ومش هيستحملوا كتير.. إما هيخبطوا فى بعض، يا إما هيوروهم العين الحمرا.. واصبر بس لغاية الانتخابات فى سبتمبر، وهتشوف الفضايح والجُرس، والخناقات، وضرب النار، والبلطجية، والدنيا هتزيط، وأكيد هيحصل مشاكل بالهبل بين الإخوان والشباب وغيرهم..

وعلى فكرة أنا نازل تانى الانتخابات «مستقل» وهنجح، وزيى كتير، وشرفى لنخلى العيال دى تندم على اليوم اللى اتولدوا فيه.. وحياة أمهم ليتعدموا فى ميدان التحرير، والشعب كله بعد ما الدنيا تخرب عليه، هيطلع الشارع يمسكهم من قفاهم واحد واحد، وساعتها مش هتلاقى واحد يقولك «ثوار».. ثوار إيه، ولاد... دول خربوا البلد، ودلوقتى كل واحد فيهم بيشوف مصلحته.. اللى عمل حزب، واللى عمل ائتلاف، واللى بقى مذيع ونجم، واللى طالع فى كل البرامج حاطط رجل على رجل، واحنا بيوتنا تتخرب، ونسرح العمال، ونلبس طرح، ولا نهاجر فى السن دى، وأعلنت المضيفة بصوتها الأخنف ضرورة ربط حزام المقعد، استعداداً للهبوط فى ميلانو!!

هذا هو رأى «الفلول».. الذى لا يعبر عنه أحد مكتوباً.. أما رأى «الثوار» فهو معروف، ومعلن، وعليهم الوحدة، والتجمع، وعمل خارطة طريق، قبل أن يتجمع عليهم كل الفلول.. وهم بالملايين، وفى كل مكان!!

وربنا فى عونك يا مصر

.. يا أم الدنيا!!

الأربعاء، 6 يوليو، 2011

سمسار الدم سمسار بدقن



ال أسامة فهمي أبو المعاطي شقيق أحد شهداء الإسكندرية ، إن السلفيين توسطوا بقيادة ياسر برهامي لإقناع أهالي المشهداء بقبول “دية” من الضباط المتورطين في قتلهم مقابل التنازل عن القضايا ضدهم وتغيير أقوالهم لتبرئة الضباط.

وأضاف في تصريحات لبرنامج ” آخر كلام”، الذي يقدمه الزميل يسري فوده على قناة أون تي في إنه في بداية الأمر تحدث معهم الشيخ برهامي لقبول الدية و أنهم رفضوا وبعد عدد من الأيام أرسل إليهم يطلبهم في مسجد التقوى في سيدي بشر، ونصحهم بقبول مبلغ الدية عن القتل غير المتعمد 400 ألف جنيه، أو مبلغ 550 ألف جنيه في قضايا القتل المتعمد. وأضاف فهمي أنه عندما توجه الحاضرين بسؤال الشيخ برهامي عمن سيدفع هذا المال، رد عليهم بأن القوات المسلحة خاطبته وطالبته بتشريع فتوى بمبلغ الدية. ونوه إلى أن هذه الأموال “هزت ناس، وكان فيه بعض الشهداء حالتهم صعبة جدا ومتعسرة فقبلوا”.

السلفي سمسار الدم


. بيقولك ولا تهتم
ماتبيعه باعلي سعر
.. ..خد قرشك بكام اللتر ؟

الاثنين، 4 يوليو، 2011

السلفيون يأكلون العفاريت

ـ اعتبر الداعية المصري محمد الزغبي أن الإبل بداخلها شياطين، وأجاز في الوقت نفسه "أكل لحوم الجن"، في فتوى تم تسريبها عبر موقع" يوتيوب"، وأثارت الكثير من الجدل.
واستند الزغبي بحسب ما نقلته عنه صحيفة الاتحاد الإماراتية السبت في فتواه إلى تشكل الجن في صورة الإبل والماشية.

ودلل على ذلك بعدم جواز الصلاة في أماكن تواجد الإبل لأنها موطنا للعفاريت.

وقال الزغبي، في رد عن سؤال عن شرعية أكل الإبل وبداخلها شياطين وجن، "إن الجن يأخذ وقتاً غير معروف بالنسبة للإنس في التشكل، ولا يراه أغلب الناس".

وأضاف "نحن نأخذ بما صح من المنقول لا بما تستحسنه العقول.. لذا فمن الجائز أكلها دون أن يقع ضرر على آكلها".


الموضوع مش مجرد فتوي غريبة لواحد من مشايخ السلفية , الموضوع ده بيلخص طريقة تعاملك مع الدين و مع الحياة كلها , هل انت مستعد تشغل عقلك و تحكم بيه علي اي كلام يتقالك سواء جاي من دكتور جامعه او من شيخ بدقن ولا انت من بتوع السمع و الطاعه و انه مادام الشيخ قال كده يبقي اكيد هو فاهم اكتر , ده الفرق بين واحد عايز يفكر و يفهم و يقتنع و واحد زي ما بيقولوا في الامتحانات حافظ مش فاهم و اديني طبق لحمة جملي علي مزاجك بس اتوصي بالعفريت