الجمعة، 4 نوفمبر، 2011

طبعا ميزانية الجيش سرية علشان يصرفوا منها علي دينا و مروة

قبل الثورة كتبت هنا علي اعلان في احدي دور الجيش عن حفلة لمروة (الصراحة راحة و انت مبتعرفش) و النهارده شفت دار عرض تابعة للجيش بتعرض فيلم شارع الهرم لدينا و بعد كل ده عايزين ميزانيتهم تبقي سرية ولا تناقش يعني انا كمواطن بتتاخد مني ضرايب علشان تروح لمروة و دينا و مجلس الشعب ميقدرش يناقش الكلام ده ! احنا الجيش عندنا بيعمل غسالات و بوتاجازات و مطاعم و نوادي و سينيمات و مخابز و حفلات و مكرونة و استادات و ملاعب و اندية في الدوري و اسمنت من حقنا نعرف الفلوس اللي بتتصرف ع الحاجات دي و ايه منها بيكسب و ايه بيخسر و المكسب بيروح لمين دي مش اسرار عسكرية .. دي رقابة الشعب علي فلوسه اللي بتروح للسبكي و لدينا ..و بتروح للعيبة الكورة و منهم لعيبة افارقة يعني انت كمواطن مصري بتدفغ فلوس للعيبة جاية من افريقيا و لراقصات و مغنيات .. هي دي المعلومات السرية اللي خايفين اسرائيل تعرفها؟

ليست هناك تعليقات:

إرسال تعليق