12/19/2011

فرع للنيل من اثيوبيا لاسرائيل

لموظفة : اسرائيل بتعمل صلات مع جنوب السودان و اثيوبيا علشان يمنعوا عننا النيل موظف : اه بس احنا لينا حصة المشكلة انها مبقتش تخفي الموظفة : مش بس يقللوا الميه اللي جايلانا لاء ده اسرائيل هتاخد فرع من النيل الموظف : ازاي؟ الموظفة : هيعملوا فرع للنيل من اثيوبيا لاسرائيل

12/18/2011

موظفة مسلمة و موظفة مسيحية ايد واحدة في تأييد هتك اعراض المتظاهرات

فيه واحد جاب جرنال التحرير و كانت التعليفات عن صورة البنت كالاتي كالاتي - احسن - تستاهل - ماهي اللي عايزة كده - ايش صمنك ان دي صورة بنت مش راجل - بيجيبوا صور من بلاد تانية و يقولوا انها عندنا اما بالنسبة للشيخ و الطالب الدكتور فبيسألوهم سؤال مهم ايه اللي وداهم هناك و ده يشمل الموظفة المسلمة و المسيحيين و الموظفين الرجال بس للامانة الناس زعلانة و متأثرة علي المبني العلمي

12/07/2011

مع مجموعة من اقوال الموظفين عن الانتخابات و المسيحيين

و الان مع معلومة اليوم من الموظفات الحاصلات علي بكالوريوسات

الموظفة (بعد خروج الموظفة المسيحية) : اصل امبارح كانوا جايبين واحد استرالي اسلم بيقول هناك في الاجيال الجديدة الاسلام

بينتشر .. انتي عارفة سكان استراليا كلهم قد ايه ؟ عشرين مليون واحد يعني اقل من سكان القاهرة مع ان استراليا دي قارة كبيرة

.. اكبر قارة في العالم

من اقوال الموظفات للامس و اليوم

- اللي ورا تفجير كنيسة القديسيين مبارك و البابا و العادلي

- المسيحيين هما اللي نجحوا حمزاوي في مصر الجديدة

موظف: يا جماعة متخافوش من الاخوان دول مش هيتدخلوا في عقيدة حد ولا هيتدخلوا في اللبس احنا المهم دلوقتي الناحية

الاقتصادية علشان البلد تقوم ( قلت كويس و الله واحد مؤيد للاخوان بس عنده منطق عملي و بيطمن الناس) .. قام مكمل ..

هما يقدروا يحلوا المشاكل الاقتصادية يعني شوفوا الريان مثلا و المشروعات اللي كان عاملها ... فعلا لا تثق في موظف حكومة لما يقولك ايه

12/02/2011

دولة القوات المسلحة هتقرض البنك المركزي 6 مليار جنيه ..من اين لكم هذا؟

الجيش المصري يقرض البنك المركزي مليار دولار

اعلن عضو المجلس الاعلى للقوات المسلحة الذي يتولى ادارة مصر منذ تنحية الرئيس السابق حسني مبارك ان الجيش اقرض البنك المركزي مليار دولار

ا ف ب - القاهرة (ا ف ب) - اعلن عضو المجلس الاعلى للقوات المسلحة الذي يتولى ادارة مصر منذ تنحية الرئيس السابق حسني مبارك ان الجيش اقرض البنك المركزي مليار دولار.

وذكرت صحيفة الاهرام لحكومية ان اللواء محمود نصر مساعد وزير الدفاع حسين طنطاوي قال في ندوة نظمها المجلس الاعلى حول مستقبل الاقتصاد المصري ان "القوات المسلحة اقرضت البنك المركزي مليار دولار من عائد مشروعاتها الانتاجية".

واعتبر المسؤول العسكري في الندوة التي شارك فيها خبراء اقتصاديون ورجال اعمال ان "اخطر ما يواجه الاقتصاد المصري على المدى القصير هو لانخفاض المتواصل في حجم الاحتياطي من النقد الاجنبي".

وتوقع ان "ينخفض اجمالي الاحتياطي الاجنبي من اكثر من 22 مليار حاليا الى 15 مليارا في نهاية كانون الثاني/يناير المقبل" كما نقلت عنه الاهرام.

وحذر من ان هذا المبلغ "لا يكفي احتياجات البلاد من واردات السلع الاستراتيجية سوى لثلاثة اشهر" كما نقلت عنه الاهرام.

وتوقع نصر "انخفاض التصنيف الائتماني الدولي لمصر مرة اخرى".

يعني الجيش معاه مليارات اضعاف ال 6 مليار جنيه و بيقولنا البلد هتفلس .. المليارات دي بتروح فين و بتتوزع علي مين هي السرية ان عائد السينيمات و المطاعم و المخابز و قاعات الافراح تتوزع علي السادة الظباط و يقولك البلد بتفلس ليه .. و عجلة الانتاج .. هو انتوا سايبين فلوي في الميزانية للشعب اصلا ؟

12/01/2011

عن تفسير المنتصر بالله لاغلبية اخوانية في مجلس الشعب

من حوالي 20 سنة كده ظهرت مجموعة نكت بطريقة يبقي قدامك حل من اتنين .. استخدمها المنتصر بالله في اكتر من مسرحية و هي كانت بتعتمد علي فكرة الاحتمالات و الانتقال من مرحلة للتانية فيها احتمالات جديدة و طريفة.. و انا شايف ان دي طريقة مناسبة للتوقع في الوقت اللي احنا متلخبطين فيه .. مع تقدم الاخوان و حصولهم علي 40% او اكتر و ده في تقديرات اللي ظهرت لحد دلوقتي و السفيين 20% ده هيبقي معناه انه فيه امكانية للاسلاميين انهم يشكلوا الحكومة كلها ..و ده لو حصل في فترة البرلمان اللي جاية ال 5 سنين هيبقي قدامهم حل من اتنين اما انهم يطبقوا الشريعة و البرنامج الاسلامي و ساعتها بكل المقاييس ده هيؤدي الي مشاكل اقتصادية في السياحة و البنوك و الاستثمار الاجنبي و حاجات كتير و ساعتها هيثبتوا فشلهم .. او الحل التاني انهم ميطبقوش البرنامج الاسلامي و ساعتها هيخسروا جزء من ناخبيهم اللي كانوا مستنيين تطبيق الشريعة .. ولو مطبقهوش هيبقي قدامهم حل من اتنين اما انهم ينجحوا و يعملوا معجزة اقتصادية في ظل مشاكل بقالها عشرات السنين و ساعتها يبقوا يستحقوا فعلا الحكم او انهم يفشلوا و ساعتها هتبقي الناس جربت التيار الاسلامي و عرفت انه فشل .. دي نظريتي و بعد ما تقراها قدامك حل من اتنين ..و هكذا