الثلاثاء، 31 يناير، 2012

حتي عمر مكرم كان عنده اجندات اجنبية !

انهم يتهمون الثورة بأن يدا اجنبية تحركها .. حسنا فهي يد الله .. هي يد الشعب و هي يد اجنبية عنهم حقا .. و ستخلص هذه اليد مصر المسكينة من طغيان

ربما تعتقد أن هذه الكلمات قد كتبت خلال عام 2011 .. لقد كتبت هذة الكلمات في اوائل الخمسينات في فصول لعبد الرحمن الشرقاوي عن تاريخ مصر و قد كتبها علي لسان عمر مكرم وهو يناقش علماء السلطان و المتشككين في ثورة المصريين ضد الفرنسيين و أمراء المماليك .. لو كان عمر مكرم مشاركا في ثورة 2011 لكان مصيره المحاكمة العسكرية علي الأرجح او التخوين في افضل الأحوال

الأحد، 29 يناير، 2012

مقال لعضو مكتب الارشاد في الاخوان المسلمين يتهم المشير بشهادة الزور


الرابط خاص بمقالة ل د. محمد عبد الرحمن عضو مكتب ارشاد الاخوان يقول فيها ان مبارك اعطي الاوامر للجيش بقتل المتظاهرين و انه عندما اخبروه ان عدد الضحايا ستزيد عن مائة الف اصر علي قراره الا ان طنطاوي رفض تنفيذ الاوامر ( يمكنك قراءة الجزء الأخير من المقالة في اللينك الموجود) و قد شاهدنا المشير و هو يقول انه لم تصدر اوامر باطلاق النار و تسربت شهتادته في المحكمة بنفس المعني .. و معني ذلك اما ان يكون عضو مكتب ارشاد الاخوان كاذبا او ان يكون المشير كاذبا و شاهد زور في قضية مبارك !

الخميس، 26 يناير، 2012

مادام كوفتس يبقي حلال الحكومة تاكل حقه

موظف 1: بص كده علي المرتب ده مش كده محسوبة غلط ؟
موظف 2 : اه كده ناقصله 13 جنيه
ثم نظر لاسم المستحق
اسكندر ؟ مش مهم بقي ده كوفتس

الخميس، 19 يناير، 2012

اقطع سكة حديد وولع في مقرات و خبي بنزين عادي بس تروح التحرير اسحلك

بقالنا كذا اسبوع مفيش مليونيات و مفيش حد معتصم في التحرير غير عدد لا يذكر في الصينية مش معطلين المرور و الناس دي كانوا هما اللي متهمين بانهم واقفين حال البلد شوف بقي يا سيدي الوضع دلوقتي :
عربيات نقل تقيل بتقطع طريق الاوتوستراد و توقف الدنيا
- ناس بتقتحم ارض الضبعة بمتفجرات
- ازمة بنزين غريبة و غير مبررة
- لواءات جيش ع المعاش بيقطعوا الطريق علشان معاشاتهم
- قطع طريق دولي في سينا احتجاجا علي الانتخابات
- قطع شريط القطر في الصعيد احتجاجا علي نتايج الانتخابات
- قيام مرشحين راسبين بحرق و تدمير مقرات الاخوان في وجه بحري
لا شفنا هيبة دولة ولا طلع حد من المجلس العسكري ولا الجنزوري يتكلم ولا طلع التليفزيون يهيب بالمواطنين الشرفاء و لا عرفنا مصير عجلة الانتاج .. يبقي مين اللي خارب الدنيا بقي ؟

عفاريت الموظفين (الشرارة)

بدأ الموضوع ببياعة الخضار المتقطع اللي بتتعامل مع الموظفات لقيت ملامح وشها غريبة و


بتقول ( و هو ده بايدي ولا بايدك ؟ ده بايد رب الكون )

بعد ما مشيت

موظفة : هي مالها في ايه ؟

موظفة 2 : اصل بنتها لابسها جن بتجيلها حالات بتترعش و تتكلم بصوت غريب

الموظفة المسيحية : طب شغلولها قران

يمكن تكون داست علي حاجة

موظفة 3 : دي ممكن تكون كهربا زيادة

موظف : لا ء مادام بتتكلم بصوت غريب تبقي مش كهربا

و دي كانت شرارة بداية قصص العفاريت من الموظفين .. انتظروا الجزء التاني

الاثنين، 16 يناير، 2012

لما تقول كل الناس حرامية يبقي انت نفسك تسرق زيهم

الموظف الشاب : ايوه انا طلعت في انتخابات قبل كده و جبت بطايق 12 واحد علي انهم معانا في الانتخابات و خدت الفلوس .. و مرة تانية كنا اتنين مع القاضي فخلانا نقبض ل 4 انفار و و بعد ما وزعنا الفلوس قسمت اللي فضل انا و زميلي
الموظفة : اه كويس ماهو القاضي عارف اصلا ان كده كده الفلوس هتتاخد فادهالكم

قطع

نفس الموظفة : البلد حالتها صعبة ماهو البرادعي لما لقي ان مفيهاش فلوس انسحب

الأربعاء، 11 يناير، 2012

الشيخ الشعراوي كان هيبقي فلول طبعا لو كان حضر الثورة

امبارح سمعت برنامج شاهد علي العصر و حلقة كانت مع الشيخ الشعراوي و كان بيتكلم فيها عن طاعة الابن للاب لانه هو اللي بيصرف عليه و بيقول المفروض الشباب من سن 14 سنة لسن 24 سنة ميتكلمش في السياسة يقعد ال 10 سنين دول يصلح نفسه الاول قبل ما يصلح المجتمع .. و ساعتها فهمت ليه اختاروا ليه المقطع بتاع الثائر الحق .. لانه هو بطبيعته مع السلطة الابوية و مع فكرة الطاعة اللي بتبتدي من الاب و توصل لاولي الامر .. و متأكد انه كان هيكون موقفه مع السلطة و طاعة الحاكم و ضد الثورة و انه كان النظام هيستخدمه زي ما استخدم كتير من رجال الدين .. الشعراوي شخصيا اللي لما الناس بتحاول توصفه بانه معارض و شجاع بيفتكروا عبارة ( ان كنت قدرنا فليعنا الله عليك و ان كنا قدرك فليعنك الله علينا) و هي عبارة مطاطة فيها معني مزدوج و مراوغ علي طريقة المعارضة المستحية المستخبية علشان الحاكم ميزعلش .. الشعراوي ربنا رحمه انه محضرش الثورة و اتصنف فلول يعد نجاحها و ربنا رحمنا انه مكانش موجود ضد الثورة يمكن كان بوظها

الأحد، 8 يناير، 2012

يسقط يسقط حكم البابا \ العسكر

انهانتائج الثورة , و الثورة ليست مجرد تغيير شخص و ليست مجرد تغيير نظام سياسي و لكنها تغيير و اعادة نظر في كل افكار و مؤسسات المجتمع , و من اهم مؤسسات المجتمع التي يخضع لها المصريون هي المؤسسة الدينية , حيث بدانا نشاهد التمرد علي خطباء المساجد ربما لاول مرة ان يعترض البعض علي اقوال بعض خطباء المساجد , مثلا الشيخ محمد حسان المعروف بموالاته لمبارك من قبل ثم موالاته للمجلس العسكري فيما بعد يشتكي من اعتراض بعض المصلين عليه اثناء خطبة الجمعة (في الغالب بسبب مدحه للمجلس العسكري) , ثم نشاهد في قداس عيد الميلاد شبابا يهتفون ضد العسكر في وجودهم اعتراضا علي شكر البابا لهم , لقد بدأت الثورة بالتمرد علي نظام سياسي و لن تنتهي الا بعد التمرد علي مؤسسات المجتمع المختلفة .. لم يكن الهتاف (يسقط يسقط حكم العسكر) فقط بل كان باطنه( يسقط يسقط حكم البابا)

الجمعة، 6 يناير، 2012

عيل صغير في اعدادي

سنة تمانية و تمانين

. و انا عيل صغير في اعدادي

عنده عجلة و عنده امل

بيحب يقرا

و بياع الجرايد بعيد

في اول كل شهر

اركب عجلتي

اروح في الفجر اشتري المجلة

اللي بخمسين قرش

اللي فيها محمود السعدني

يوميها رحت و في جيبي النص جنيه

و الساعة 6 الصبح

الاقيها بقت بستين قرش

ادور في جيبي علي بريزة

ملقيتش

الأحد، 1 يناير، 2012

احترس من السلفي محصل النور

انا في مكان يبدو كأنه مكان للعمل ..الاحظ وجود شخصيين ملتحيين .. يتحركان في المكان يبدو كأنهم يفتشان المكان و يبدو انهم يبحثون عن شيء له علاقة بي .. واحد منهما -فهمت انه محصل النور - يأتي منتصرا و قد جاء بكتاب من غرفتي (المفترض انها في المنزل) و يخبرني بانني امتلك كتابا مخالفا للاسلام و يبدو كأنه يصادره و ربما سوف يعاقبني .. الكتاب يكون عنوانه مشابها لاية قرانية .. و لكني اخبره في انتصار ان هذا الكتاب تابع لهيئة قصور الثقافة .. فلتحاسب الحكومة اذن ... استيقظ قبل موعدي بساعة و نصف .. احاول النوم مرة اخري و لكني لا استطيع النوم مرة اخر