1/11/2012

الشيخ الشعراوي كان هيبقي فلول طبعا لو كان حضر الثورة

امبارح سمعت برنامج شاهد علي العصر و حلقة كانت مع الشيخ الشعراوي و كان بيتكلم فيها عن طاعة الابن للاب لانه هو اللي بيصرف عليه و بيقول المفروض الشباب من سن 14 سنة لسن 24 سنة ميتكلمش في السياسة يقعد ال 10 سنين دول يصلح نفسه الاول قبل ما يصلح المجتمع .. و ساعتها فهمت ليه اختاروا ليه المقطع بتاع الثائر الحق .. لانه هو بطبيعته مع السلطة الابوية و مع فكرة الطاعة اللي بتبتدي من الاب و توصل لاولي الامر .. و متأكد انه كان هيكون موقفه مع السلطة و طاعة الحاكم و ضد الثورة و انه كان النظام هيستخدمه زي ما استخدم كتير من رجال الدين .. الشعراوي شخصيا اللي لما الناس بتحاول توصفه بانه معارض و شجاع بيفتكروا عبارة ( ان كنت قدرنا فليعنا الله عليك و ان كنا قدرك فليعنك الله علينا) و هي عبارة مطاطة فيها معني مزدوج و مراوغ علي طريقة المعارضة المستحية المستخبية علشان الحاكم ميزعلش .. الشعراوي ربنا رحمه انه محضرش الثورة و اتصنف فلول يعد نجاحها و ربنا رحمنا انه مكانش موجود ضد الثورة يمكن كان بوظها

هناك 5 تعليقات:

  1. واضح انك متعرفش تاريخ الشعراوي كويس و معارضته للسادات في مواقف كتير

    ردحذف
  2. ومن ذلك نقده للشيخ محمد متولي الشعراوي رحمهما الله رحمة واسعة
    لما وقف في مجلس الشعب فى 20 مارس 1978 يوم أنْ كان وزيرًا للأوقاف وقال عن الرئيس الراحل أنور السادات وهو يشير إلى قيام الرئيس السادات بالقضاء على مراكز القوى فقال: ( والذى نفسى بيده لو كان لى من الأمر شىء لحكمتُ لهذا الرجل الذى رفعنا تلك الرفعة وانتشلنا مما كنا فيه إلى قمة ألا يُسألَ عمَّا يَفعل! )
    فانبرى له الشيخ كشك وأخذ يصرخ بأعلى صوته: ماذا تقول لربك غدًا يا شيخ يا شعراوي لما وقفتَ في مجلس الشعب وقلت: (لو كان بيدي شيء من الأمر لرفعتُ هذا الحاكم إلى قمة لا يُسأل عما يفعل! من الذي لا يسأل عما يفعل يا شعراوي؟ والجماهير خلفه يعلو صوتها على صوته يقولون: الله الله.
    http://www.ikhwan.net/forum/showthread.php?145494-%D3%DA%CF-%C7%E1%C8%D8%C7%D8-%ED%DF%CA%C8-%DA%E4-%C7%E1%D4%ED%CE-%DF%D4%DF(4)-%E6%C7%E1%D4%ED%CE-%C7%E1%D4%DA%D1%C7%E6%ED

    ردحذف
  3. ههههههههه
    مقال فعلا رائع

    ردحذف
  4. شكرا للجميع سواء انتقد او اعجب بما كتبته

    ردحذف