1/16/2014

عن الحنين للمعتقلات . أن تكون هجرس في "سعدون المجنون "

 مسرحية "سعدون المجنون " ل لينين الرملي التي تدور احداثها حول سعدون الذي يصاب بصدمة عصبية بعد هزيمة 67 ليتوقف الزمن بالنسبة له عند ما قبل 67 ثم يخرج من المصحة في التسعينيات  و المفارقة أنها نفس فكرة الفيلم الالماني  "وداعا لينين  " لكن الطريف  أن المسرحية المنشورة في سنة 1992 تمت كتابتها قبل الفيلم بسنوات  ..  تلفت نظري شخصية "هجرس " شقيق سعدون الذي كان يعمل مع الروس في بناء السد ثم تحول للعمل مع الامريكان في تحديد النسل  و الذي تم اعتقاله في عهد عبد الناصر علي الرغم من.أنه لا يمارس نشاطا سياسيا و انما لأنه قد حضر مناقشة بين اصدقائه المنتمين لتيارات سياسية ولم يبلغ عنهم ..و علي مدار المسرحية يحكي هجرس عن أشكال التعذيب التي تعرض لها في المعتقل و كيف كان المعتقلون يجبرون علي غناء الأغاني الوطنية ..و ..ولكنه يستدرك قائلا  " هجرس: انا اسف الظاهر جت لي عقدة , مع ان الحكاية كلها تلات اسابيع و عاملونا فيها أحسن معاملة . و الله كانت ايام متتعوضش ! " ..يمكنك المقارنة بين موقف شخصية هجرس و بين ما تراه من مواقف مثقفين دخلوا المعتقل في زمن عبد الناصر مثل عبد الرحمن الابنودي و صنع الله ابراهيم يقومون بتأييد عبد الفتاح السيسي  بنفس المبررات التي كان يستند اليها نظام عبد الناصر الذي اعتقلهم ..محاربة الاخوان المسلمين ..محاربة المؤامرات العالمية و الاقليمية  .. متغافلين عن كونهم كانوا ضحايا نظام قمعي انتهي بهزيمة عسكرية فادحة ..هل هو الحنين الزائف للماضي ؟ ..هل هي رغبة في لعب دور القامع بعد أن لعبوا دور المقموع ؟ هل هي هيستيريا الخوف من الاخوان الذين ما عادوا يخيفون أحدا ؟ أم علينا أن نسأل هجرس 

1/02/2014

أبو نضارة يقابل أمين المخزن (اسماعيل ياسين يقابل ريا و سكينة )


July 29, 2012 near Cairo

أبو نضارة يدخل المكتب .. امين المخزن قاعد علي مكتب المديره اللي راحت تحضر دفنة جوز زميلتها 

امين .المخزن ماسك كتاب عن الحضارات من  سلسلة عالم المعرفة كنت سايبه علي المكتب : يا عم سيبك من الشغل و قولي بقي ايه الحكاية .. ايه اللي بتقراه ده ؟

أبو نضارة : ده كتاب عن الحضارات

الامين : و انت ليه تقرا الحاجات دي دي بتوجع الدماغ

أبو نضارة : ماهو لما تقرا فيها ممكن دماغك متوجعكش

الامين : بس اللي كتب الكتاب ده مش وسطي

أبو نضارة : ده اسمه بيتر ماهو مش مسلم اصلا

الامين : مش قصدي .. قصدي انه ممكن يكون نازي او صهيوني 

1/01/2014

ابلة فاهيتا ..امن الدولة ..الهلس بتاعي



قالك نظام مرسي مفتري ده النيابة بتحقق مع باسم يوسف ..قاموا حققوا مع ابلة فاهيتا

قالك الاسلاميين المتخلفين عاملين حملة طائفية ضد موبينيل ..قاموا عاملين حملة تخوينية علي فودافون

جتكوا وكسة انتوا الجوز
...
مين قال ان امن الدولة حاجة و حشة امال مين اللي هيخلينا نضحك في 2014 ؟

.........

نيابة أمن الدولة تبدأ تحقيقا مع ماما سامية شرابي للتحقيق في بلاغ يتهم "كرنبة " بانتقاد "قنابل غاز " الداخلية 
.....

-خلاص يا عم خلصت 2013 بتاعة البطة الجاسوسة و الحمامة المتنكرة و النهارده اول يوم في 2014 ... ايه بيحققوا مع ابلة فاهيتا ؟ هو فاضل قد ايه علي 2020 

......

عبد_الرحيم_علي ينفرد في القاهرة_و_الناس بتسجيلات خطيرة بين #ابلة_فاهيتا و #ميكي_ماوس ممثلا عن امريكا
...

احاول اتخيل مكالمة بين حد انجليزي من vodafone uk و واحد 


مصري في فوادافون مصر بيحاول يشرحله الموضوع بتاع ابلة فاهيتا


و نيابة أمن الدولة 

.....



هو ايه الغريب ان سبايدر يدور علي الرسايل المستخبية في اعلان 

ابلة فاهيتا و فودافون اذا كان السيسي بيدور علي الرسايل 

المستخبية في حلم الاوميجا و السيف