الأحد، 17 يناير، 2010

عندما قالت المنقبة يا ابن الوسخة

بدلا من استخدام (الميني باص) قررت ان استقل اوتوبيس هيئة النقل العام حيث كانت المسرحية الغريبة .بدأت الاحداث بصعود منقبة الي الاتوبيس و قامت بسؤال السائق عن مكان معين و لكنه لم يجبها لانه كان مشغولا بعطل في المحرك .جلست المنقبة في المقعد الموجود امامي مباشرة و بدأت توجه عبارات تلوم فيها السائق بصوت عالي و بدأ السائق يرد عليها ثم قام راكب بتأنيب المنقبة ثم تطور الامر لتبادل الشتائم العادية ثم تطورت الي شتائم من نوع يا ابن الوسخة من الطرفين ثم تدخل راكب اخر متضامنا مع المنقبة و كاد ان يشتبك مع الراكب الاول لكن الناس منعته ثم بدأ الموضوع يهدأ قليلا حتي دخلت محجبة الي الحلبة لتهاجم المنفبة و يتابادلان الشتائم حيث قالت المحجبة للمنقبة انها (مش ست) و ردت عليها المنفبة بانها (ناتفة حواجبها) ثم شتمتها بانها بنت شر..
لا اعرف لماذا تذكرت القضايا المتبادلة بين وزارة التعليم العالي و المنقبات بخصوص دخول الامتحانات (هما دول اللي واجعين دماغنا علشانهم)

هناك 7 تعليقات:

  1. شوف ازاى

    طيب حيث ان المنقبات دول مطلعوش ملايكة يبقي لازم نحط عليهم ونولع فيهم بجاز وسخ لان واحدة منقبة طلعت مش مؤدبة يبقي كلهم يستاهلو الحرق بجاز وسخ بقي .. ياعيني علي الفراغ العاطفي

    ردحذف
  2. المشكلة مش في انهم مش ملايكة المشكله ان نظرة المجتمع ليهم انهم فاضلات و ملتزمات بينما الحقيقة انهم زيهم زي غيرهم بالعكس هما بيتظاهروا بالتقوي و الصلاح علشان كده بيبقي التناقض بيبقي اكبر لما يرتكبوا اخطاء

    ردحذف
  3. مش فاهم فين المشكلة!
    يعني ايه دول اللي واجعين دماغنا عشانهم؟!
    لو انت كنت فاهم ان المنتقبات ملائكة تبقى دي مشكلتك.. ولو المنتقبة نفسها ادعت كده يبقى نحاسبها. كل ما في الأمر ان دي واحدة بتلبس كده ومرتاحة كده.. حقها وحريتها الشخصية، مش معناها انها تبقى تحت الميكرسكوب تتحاسب على الكلمة كأنها رئيس الوزراء، إيه ده؟ دي بتشتم، إيه ده؟ دي بتروح أفراح! إيه ده؟ دي بتركب توكتوك!

    ردحذف
  4. طالما الواحد قرر يعتنق دين ما، أو فكر ما يبقى واجب عليه يحاول قدر الامكان يطبق الافكار والمباديء بتاعة الحاجة دي
    بمعنى
    انا ارتضيت اني ابقى مسلم يبقى احاول قدر الامكان اطبق تعاليمه، حتى لو فشلت في حاجة او حتى 10 حاجات احاول انجح في الباقيين يعني..

    أنا ارتضيت اني البس حجاب يبقى لازم اختار لبس يليق بالحجاب، مش معقول هفضل البس ضيق او بنص كم وانا حاطة حجاب على شعري.. والناس هتتوقع مني في المقابل لبس وسلوك معين بعد ما البسه وده طبيعي.

    انما مابقاش انا مسلمة ومنقبة وببص لبقية الناس نظرة استعلائية اقصائية عشان انا شايفة ان انا احسن منهم واكثر تدينا منهم و بعدين تبقى اخلاقي اخلاق شوارع وبشتم بكلام زبالة زي ده!!!!

    طالما بتطلب من الناس انهم يتفهموا اعتناقك لفكر ما يبقى تتصرف على اساس الافكار دي وتتحمل مسؤوليتها لانك بتمثلها في كل مكان... كون ان فيه ناس بتفشل في ده..ماشي مش هنعمم اخلاقهم وفشلهم على كل الناس لكن كمان محدش يقدر يلومنا لما نتوقع منها سلوك انضف من ده ونستنكر سيل الشتايم القذرة دي من واحدة منقبة!
    التعميم دلوقتي مشكلة لكن مش أساسية، المشكلة الأساسية ازاي وصلنا لواحدة مستحرمة تبين وشها رغم ان ربنا حلل ده ومش مستحرمة تشتم بشتايم سخيفة زي دي رغم تفاهة الواقعة في حد ذاتها يعني؟!!

    ردحذف
  5. ان من ارادت صون عرضها والعيش عيشة بعيدة كل البعد عن اللهو والعبث وأرادت طريق الله وارتدت النقاب بالطبع ليست هى نفس المرأة التى تقصدها وهى من تسب وتلقى الشتائم وتتبادل أصلاً حوار من هذا النوع مع رجل ولكن الأمور مختلطة ليست كل من ارتدت نقاب او حجاب فهى منقبة او محجبة ويرجع فى ذلك الى ديننا فلم يترك شىء للصدفة ونحن من نخرب والسوء كل السوء منا فمن المنقبات " او مرتديات النقاب " لا تعلم ماذا يعنى النقاب ولكنها تتستر خلفه لارتكاب الفضائح ولكن ان اردتم منقبة مسلمة متدينة لا يخرج منها العيب فإبحثوا وبإذن الله هم كثير جداً ولكننا دائماً نبحث فى القمامة ونترك الزهور

    ردحذف
  6. اللى كتب هذا الموضوع ابن وسخه

    ردحذف
  7. أزال أحد مشرفي المدونة هذا التعليق.

    ردحذف