يوم 24 فبراير 2022
"في المشمش الدب الروسي فلاديمير بوتين قادم"
ده تعليق مواطن مصري مشجع لبوتين على طريقة الالتراس كالروي، اتعلم من السياسة المصرية موضوع السيسي أسد مصر، وهنهزم العالم والمؤامرة الخارجية، بينما حرب بوتين - مش هنتكلم إنسانيا حتى - هتيجي على دماغنا اقتصادياً بارتفاع أسعار بترول هتخلي التضخم يوصل أرقام قياسية، وارتفاع أسعار القمح يعني لقمة العيش حرفياً، في اقتصاد على شعرة أصلا، بس كله يهون فداء الدب الروسي اللي هيقتل صاحبه
يا ابني انت مش كنت بتهيص لطالبان من كام شهر علشان هزموا أمريكا دلوقتي بقيت معجب بالدب الروسي، هو أي زيطة وخلاص
26 فبراير
طب والله الإمارات متسقة مع نفسها، بلد بقالها سنين بتقتل وتضرب بالطيران في اليمن وليبيا عايزنها تدين ضرب اوكرانيا !
ليست هناك تعليقات:
إرسال تعليق