السادات بعد ما وصل لمرحلة جنون العظمة في سنوات حكمه الأخيرة،قرر يعيد كتابة تاريخه وتاريخ مصر بروايته فكتب "البحث عن الذات"،اللي اتحول لمسلسل اذاعي سنة 1981 وكان فيه كلام انه هيتعمل في التليفزيون وانه السادات قال"هاتوا ابننا أحمد زكي اللي عمل الأيام"،اللي عمل دور السادات في الاذاعة كان نجم السبعينات وبطل سينما أكتوبر محمود ياسين ومعاه مجموعة كبيرة يحيى شاهين وصلاح ذو الفقار وأحمد مظهر وغيرهم،ومش بس كده، اللي عامل أغاني المسلسل كانوا سيد مكاوي وفؤاد حداد،مكاوي كان معروف بتأييده وحبه للسادات،لكن الغريب هو مشاركة فؤاد حداد "اليساري" في عمل زي كده،في كتاب هشام السلاموني عن "حداد" بيقول انه اتعرض لضغوط شديدة لكتابة أغاني المسلسل،والحل الوسط اللي توصلوا ليه كان انه فؤاد حداد يكتب المواويل اللي جوه المسلسل مش أغاني مباشرة عن السادات،بداية المسلسل بصوت السادات نفسه اللي بيتكلم عن قصة حياته وازاي هي ملهمة كقصة نجاح "تنمية بشرية" وان السبب في نجاحه هو التزامه ب"قيم" الأرض و"الايمان"،وده باعتباره كبير العائلة والرئيس المؤمن،ومن أول لحظات المسلسل بتظهر صورة الايمان في انه اتعلم في الكتاب وانه بيقول لجدته انه بيحب ربنا فهي ترد عليه وربنا كمان بيحبك،فلا جديد تحت سماء مصر من محمود ياسين لياسر جلال ومن اسلام فارس لبيتر ميمي كله يدلع نفسه
ليست هناك تعليقات:
إرسال تعليق