المحببة للدراما المصرية،فقدان الذاكرة، البطل ابراهيم يسري بيتعرض لحادث سيارة وبسببه بيفقد الذاكرة، بيستغل ده شخص شرير (أنور اسماعيل) ويحاول يقنعه انه شخص تاني ويخليه ينتقم من اللي قتل بنته، بينما أخت البطل (نادية فهمي) بتحاول تثبت ان ده أخوها بس مش عارفة وهو مش فاكرها، بعد مجموعة أحداث بتوصل أخته لدكتور في المستشفى وبيقتنع بكلامها ويقرر يساعدها بأنه يرجع الذاكرة لابراهيم يسري بطريقة علمية جدا ومنطقية كدكتور، وهي انه يسوق عربيته ويخبط ابراهيم يسري علشان ترجعله الذاكرة،وهو سايق العربية بيقول لأخت البطل انه هيخبطه خبطة خفيفة علشان ما تقلقش، تطبيقا لنظرية "طخه بس ما اتعوروش يا بوي"، وطبعا بتنجح الخطة وترجع الذاكرة للبطل ويفتكر أخته، بفضل نظرية الدراما المصرية العلمية انه سبب فقدان الذاكرة هو نفسه سبب رجوعها.
