الشاعر شوقي حجاب كاتب ومعد أغاني وبرامج الأطفال الشهيرة زي "بقلظ" وعصافير الجنةوشقيق الشاعر الكبير سيد حجاب ،بيحكي عن المرة اللي اتعرض فيها للتحقيق بسبب برنامج "عصافير الجنة" اللي كانت بتقدمه سلوى حجازي وصفاء أبو السعود وغابت مرة عن البرنامج فجه مكانها مذيعة اسمها عائشة البحراوي مش مختصة ببرامج الأطفال، فبتقول للأطفال اللي عندهم 5 و 6 سنين خلال الحلقة وعلى الهوا مباشرة.. انتوا هتحرروا فلسطين، وده كان في وقت ماقبل يونيو 67 والدولة بتقول للناس اننا خلاص هنغرق اسرائيل في البحر النهارده قبل بكره، فمعنى كلام المذيعة ان قدامنا 20 سنة لحد ما نحرر فلسطين، فنتيجة لده تم استدعاء شوقي حجاب للتحقيق بتهمة "تهبيط عزيمة الشعب"، وكانت أقواله في التحقيق ان دي غلطة المذيعة واقتنعوا بأنه بريء،العجيب بعد كل ده ان شوقي حجاب ان 23 يوليو هي التجسيد الحقيقي للثورة، والأعجب انه اعلام "هنغرق اسرائيل دلوقتي" لسه بيجيب مفعول مع الناس
