12/30/2010

تكلم عماد اديب عن مبارك (لبسوه قضية شيك في يومين)

مؤسسة الأهرام تتهم عماد أديب بإصدار شيكات بدون رصيد

الخميس 30 ديسمبر 2010 




قدمت مؤسسة الأهرام بلاغا إلى قسم شرطة العجوزة، ضد عماد الدين أديب، رئيس شركة جود نيوز للإنتاج الفني، تتهمه بإصدار شيكات بدون رصيد لصالح المؤسسة. تلقى اللواء محسن حفظي، مدير أمن الجيزة، بلاغا من خالد أحمد محمود، مستشار قانوني لمؤسسة الأهرام، يتهم فيه عماد أديب بإصداره 63 شيكا لصالح المؤسسة، يبلغ قيمتها 3 ملايين جنيه، وأن البنك العربي الإفريقي رفض الشيكات "لعدم وجود رصيد"، حسب البلاغ، وتحرر محضر بالواقعة، وتم إخطار النيابة العامة لمباشرة التحقيقات. علي طريقة مرتضي منصور يعمل نظام مبارك , كل واحد ليه ملف و يمكن سي دي برضه و وقت اللزوم نطلعله قضية و نرميه في السجن , كل ده علشان الراجل قال انه الانتخابات مزورة و انه انتقال السلطة وضعه غامض و مقلق في مصر , الملف اتفتح و اذ فجأة طلع عليه شيكات بدون رصيد و هلم جرا , و اهو علشان يتربي و ميفتحش بقه تاني , اليلد محكوم بعصابة فعلا , مستعدة تبلطج و تلفق تهم , علشان محدش يهدد وجودها

12/23/2010

ماهو مبارك مش مسلي اكيد هنحتاج برلمان موازي

بصراحة لا انكر تمتع الرئيس مبارك بخفة الظل في بعض تعليقاته و اخرها (خليهم يتسلوا) تعليقا علي البرلمان الموازي , و يمكننا من خلال هذا التعليق العفوي ان نستشف ماهو داخل مبارك ولا يصرح به رسميا , فهو يعتبر ان النظام كالاتي حكومة يشكلها هو و مجلس شعب تابع للحكومه يقوم بعمل القوانين و هؤلاء هم من يعملون و لهم تأثير حقيقي و الجزء الاخر يتلخص في (المعارضه) و هم من يقومون بالكلام و الانتقاد بمناسبة و غير مناسبة , توزيع ادوار نحن نعمل و هم يتكلمون و الكلام بالنسبة لمبارك ليس له قيمة مادمت خارج السلطه , و ما اريد ان اقوله اننا كشعب بحاجه للتسليه لاننا شعرنا بالملل من خطبك المكررة و مجلس شعبك الذي لا يتغير رئيسه لمدة 20 عاما , من الطبيعي ان نحس بالملل , لو كنت مسليا لم نكن لنحتاج لبرلمان موازي

12/21/2010

محجبة و عانس و فاشلة هتلاقي مكانك هناك

كنت في كلية تجارة جامعة عين شمس من سنة 1993 ل 1997 و كان عندنا دكتورة بتدرس اقتصاد كانت غبية جدا و مبتعرفش تشرح و وحشة شكلا و دمها تقيل و مكانش حد يطيق يحضرلها , بعد ماتخرجت بفترة لقيتها بتطلع في التليفزيون , اتاريها اتحجبت و انضمت للحزب الوطني و اصبحت ضيفة دائمة علي البرامج و اعتقد ليها منصب في الحزب , اهو الحزب بيقوم بدور اجتماعي في رعاية الفشلة و العوانس و المحجبات

12/19/2010

اما ان نعمل بفتوي قتل البرادعي او فلنضع صحيح مسلم بعيدا

من قراءة الفتوي ( الموجوده بالتدوينة السابقة) يمكن ان نصل الي اكثر من نتيجة
- الي كل من ينادي بخلط الدين بالسياسة و معظم من يقوم بذلك من معارضي النظام (اخوان او غيرهم) اليكم نموذج في تأييد الديكتاتورية بالاحاديث الصحيحة بل و قتل من يخرج علي الحاكم , ما رايكم دام فضلكم هل يكون النقاش دينيا ام سياسيا و الرجل يتكلم بناء علي احاديث من (صحيح ) مسلم و اذا فرضنا ان لديكم احاديث بعكس هذا المعني , هل يدخل ذلك في نطاق خلاف الفقهاء ؟ و عندها تقوم حروب اهلية بناء علي تفسير كل مجموعة للاحاديث (شيء اشبه بما حدث لعثمان ثم علي بن ابي طالب و معاوية) , انها خطورة تديين السياسه فلن يحكمك قانون او عقل او منطق فانت معرض لظهور تفسير لاي حديث نبوي يؤدي الي اباحة قتل المعارضين او الي اباحة قتل الحاكم (السادات مثلا) , هل تعتقدون ان الدين وسيلة للمعارضه فقط , انه وسيلة لتثبيت الحاكم و قتل من يخرج عليه ,لا توجد دولة محترمة حديثة يظل وضعها مرهونا بتفسير لحديث في كتاب اصفر مكتوب منذ مئات السنين حتي لو كان اسمه البخاري او مسلم

حكم الشريعة في تصريحات البرادعي الاخيرة (فتوي قتل البرادعي)

حكم الشريعة في تصريحات البرادعي الأخيرة

1- قال رسول الله – صلى الله عليه وسلم - "من أتاكم وأمركم جميع على رجل واحد يريد أن يشق عصاكم ويفرق كلمتكم فاقتلوه".
2- وقال رسول الله – صلى الله عليه وسلم - "إِنَّهُ سَتَكُونُ هَنَاتٌ وَهَنَاتٌ فَمَنْ أَرَادَ أَنْ يُفَرِّقَ أَمْرَ هَذِهِ الْأُمَّةِ وَهِيَ جَمِيعٌ فَاضْرِبُوهُ بِالسَّيْفِ كَائِنًا مَنْ كَان". [رواهما الإمام مسلم في صحيحه]
قال النووي في شرح صحيح مسلم: "فِيهِ الْأَمْر بِقِتَالِ مَنْ خَرَجَ عَلَى الْإِمَام ، أَوْ أَرَادَ تَفْرِيق كَلِمَة الْمُسْلِمِينَ وَنَحْو ذَلِكَ ، وَيَنْهَى عَنْ ذَلِكَ ، فَإِنْ لَمْ يَنْتَهِ قُوتِلَ ، وَإِنْ لَمْ يَنْدَفِع شَرّه إِلَّا بِقَتْلِهِ فَقُتِلَ كَانَ هَدَرًا ، فَقَوْله صَلَّى اللَّه عَلَيْهِ وَسَلَّمَ : ( فَاضْرِبُوهُ بِالسَّيْفِ ) ، وَفِي الرِّوَايَة الْأُخْرَى : ( فَاقْتُلُوهُ ) مَعْنَاهُ : إِذَا لَمْ يَنْدَفِع إِلَّا بِذَلِكَ".
قال محمود عامر: بالاطلاع على تصريحات البرادعي والتي أذاعتها قناة الجزيرة بتاريخ 7/12/2010م حيث جاء على لسانه ما يلي:
أصبح وضعنا متردياً داخليا وخارجيا وأننا نسير من سيئ إلى أسوأ....، بعد 58 عام استبداد يعني لازم نفتكر ثورة 19….، هناك تشوهات في كل جزء من الدستور المصري ....، هدفها اﻷول واﻷساسي أن تجعل الشعب المصري مجموعة من العبيد محرومة من حقوقها اﻷساسية في حريتها حرية الرأي وحرية العقيدة ....، لابد أن تتوحد المعارضة لابد أن تعلن صراحة أنها ستقاطع أي انتخابات رئاسية ما لم يعدل الدستور ....، ويجب على النظام أن يفهم أننا من حقنا أن ننزل في مظاهرات سلمية للمطالبة بالتغيير يجب أن يفهم أننا إذا اضطرينا سنلجأ إلى العصيان المدني ....، وأرجو أن يفهم النظام أن إذا لم يسمح لنا بهذا فلن يترك للشعب المصري مفر وأرجو ألا يحدث هذا وإلا سيكون هناك عنف سنراه في مصر وهذا مالا يتمناه أي مصري ....، أصبحنا نسير إلى الخلف ونأخذ معنا العالم العربي هذا وضع لا يمكن أن يستمر وما رأيناه من عمليات قمع وتعذيب وإعتقالات لكل من يود أن يبدي رأيه أود أن أقول للنظام للقمع حدود وللقمع إذا استمر لابد أن نعرف أنه سيكون هناك يوم سيأتي فيه الحساب ....، سيكون هناك حساب لكل من شارك في هذا كما رأينا في كافة أنحاء العالم هذه فرصة أخيرة للنظام.أ.هـ.
هذه بعض مقتطفات صدرت عن البرادعي بالصوت والصورة فُرِّغَ بعضها مع تصريف بسيط جداً للهجته العامية المبتذلة، وبالنظر والتدقيق لهذه التصريحات أجد أنها دعوة صريحة لمواجهة ولاة الأمر بما سماه بالعصيان المدني، ولا يسمى العصيان المدني سلمياً بل هو عصيان وحسبه من مسماه يؤدي في النهاية إلى زعزعة الأمن وسفك الدماء لأنها دعوة لخروج جماهير أيًّا كان حجمها مشحونة بغلٍ وحقد فكيف سيكون تعبيرها وفيهم الصالح والطالح والعاقل وهو قليل والغبي وهو كثير، لأنه لا يوجد عاقل يخرج وسط جماهير لا يعرف غايتها أو نهايتها إنما هي مجرد شعارات تحت مسمى التغيير أو الحرية، وبما أننا في مصر شعب يدين غالبيته بالإسلام، فقد جاء في شريعة الأغلبية أي الإسلام ما صدرت به مقالي، والمتأمل لتصريحات البرادعي يجد فيها الحثُّ والعزم على شق عصا الناس في مصر الذين تحت ولاية حاكم مسلم متغلب وصاحب شوكة تمكنه من إدارة البلاد وأيًّا كان حاله في نظر البعض فهو الحاكم الذي يجب السمع والطاعة له في المعروف وبالتالي لا يجوز لمثل البرادعي وغيره أن يصرح بما ذُكر، ولذا فعليه أن يُعلن توبته مما قال وإلا جاز لولي الأمر أن يسجنه أو يقتله درءاً لفتنته حتى لا يستفحل الأمر وحجتي ما سبق ذكره، ويضاف على ما ذكرت ما ذكره بعض أهل العلم في حكم من يثبط عن الحاكم
قال العلامة ابن قُدامة -رحمه الله- في "المقنع مع الشرح الكبير ومعهم الإنصاف (27/98-1012):
وإن أظهر قوم رأي الخوارج ولَم يجتمعوا لحرب لَم يُتَعَرَّض لَهم، فإن سبوا الإمام عَزَّرهم. اهـ لِمَا وقع منهم من الأذى وذبًّا عن منصب الإمام، فإن عَرَّضوا بسب الإمام ولَم يصرحوا عُزِّروا أيضًا؛ لأن الإقرار على التعريض مفضٍ إلى التصريح، فكان التعزير حاسمًا لِمَا بعده من التصريح.
وقد نص العلامة السرخسي من الحنفية في كتابه "المبسوط (10/125) على أن من لَم يظهر منه خروج فليس للإمام أن يقتله ما لَم يعزموا على الخروج، فحينئذٍ ينبغي له أن يأخذهم فيحبسهم قبل أن يتفاقم الأمر؛ لعزمهم على المعصية وتَهييج الفتنة.
وذهب العلامة الشوكاني إلى وجوب تأديب المثبط -سواء كان تثبيطه بسبِّ الإمام أو بغير ذلك-، وأن التثبيط نزعٌ ليد الطاعة من الإمام، فقال -رحمه الله-: فالواجب دفعه -أي: المثبط عن ولي الأمر- عن هذا التثبيط، فإن كف وإلاَّ كان مُستحقًا لتغليظ العقوبة والحيلولة بينه وبين من صار يسعى إليه بالتثبيط بحبس أو غيره؛ لأنه مرتكب لِمحرم عظيم، وساعٍ في إثارة فتنة تُراق بسببها الدماء، وتُهتك عندها الحرم، ففي هذا التثبيط نزع اليد من طاعة الإمام. اهـ
انظر: السيل الجرار المتدفق على حدائق الأزهار (4/514).
قلت: أعتقد أن الكلام الذي سبق ذكره سيثير نفوساً كثيرة وسيتهمون صاحبه بالعمالة أو بالدموية، ولكنني لا أعبأ بمن لا يُعمل عقله، فكلامي المستمد من فهم النصوص وتفصيل العلماء هو عين العقل لأنه يمنع الشر العام، فمهما كانت سلبيات النظام القائم في نظر البعض فإن ضررها لا يُذكر بجانب الأضرار التي ستتأتى من العصيان المدني أو العسكري أي الصراع على السلطة، فالأضرار الأخيرة فتنة عامة يصعب السيطرة عليها إلا بالدماء، فهل من عاقل يُقر سفك الدماء، إن البرادعي يستخف بعقول الناس فيحثهم على العنف وفي الوقت نفسه يتبرأ منه، يحثُّهم على العصيان المدني ويدعي أنه مسالم في دعواه، إن الرئيس مبارك هو حاكم البلاد الشرعي ومنازعته لا تجوز شرعاً وعقلاً وواقعاً فمن جاءنا يريد أن يفرق جمعنا في مصر فالحديث واضح فاقتلوه كائناً من كان، وهذا فهمي للحكم الشرعي في هذه المسألة ومن كانت عنده حجة أقوى مما ذكرت فأنا مستعد لتغيير فهمي، واذهبوا بكلامي هذا واعرضوه على مشيخة الأزهر ومجمع البحوث ودار الإفتاء.

كتبه


محمود عامر


ليسانس شريعة – دبلوم في الدعوة




12/13/2010

الي المجاهد الاستشهادي صاحب عملية السويد (روح في داهية)

بعد قيام الانتحاري العراقي بعملية انتحارية في السويد نتج عنها وفاته و اصاية اثنين اخرين , يمكنني القول بانه قد احسن صنعا بالتخلص من حياته , حيث اننا لسنا بحاجه الي مزيد من القتلة المهووسين , حيث انه يقوم بقتل ابرياء يسيرون في امان بسبب وجود 500 جندي في افغانستان ( ربما لا يقومون بعمليات عسكرية ضد الافغان اساسا ) و السبب الثاني عدم استنكار الشعب السويدي للرسومات المسيئة للرسول , و دولة السويد لمن لا يعرف قامت بمنح العديد من ابناء فلسطين و العراق حق الاقامه هناك باعتبارهم لاجئي حرب , ولا يوجد اي منطق يمكن ان يبرر قتل ابرياء في الطريق بسبب رسوم كاريكاتير او ارسال عدد رمزي من الجنود الي افغانستان , ما يبرر ذلك هو التطرف الاسلامي و التعصب الاعمي و الكراهيه الغبية للبشر لهذا فانا اتمني لهذا الشخص اقامة طيبة في الجحيم و ليلحق به من يريد

12/09/2010

مبارك هو من زور الانتخابات و ليس احمد عز

لم يتكلم مبارك منذ اجراء المهزلة الانتخابيه و كأن ما جري كان في دولة تنجانيقا برغم انه هو من دعا الشعب الي المشاركه و وعد بانتخابات نظيفه (اي تفوز فيها حكومة احمد نظيف) , حيث يظهر الرئيس مادامت هناك كلمة نزيهه اما عند حدوث التزوير فلا تسمع له صوتا برغم انه رئيس الحزب الوطني , لكن ما يحدث هو شبيه بقضايا المخدرات حيث يقوم احد صبيان المعلم الكبير بشيل القضية , فتجد ان معظم الاتهامات موجهه لاحمد عز الذي يقوم بدور الشرير , و البعض يتهمه بمخالفة وعد الرئيس , بينما الحقيقه هي انه لا شيء يجري بدون علم الرئيس و موافقته , اذا كان الحزب الوطني من زور الانتخابات فرئيسه هو حسني مبارك و اذا كانت وزارة الداخليه فقد عينها مبارك , قل تزوير مبارك ولا تقل تزوير الحزب الوطني

11/30/2010

مبارك / طز في الديموقراطيه واهلا بالانقلاب العسكري

من وثائق ويكيليكس

- حين سئل عما إذا كان من واجب الولايات المتحدة تحديد جدول زمني للانسحاب من العراق، قال مبارك "لا يمكنكم الانسحاب لأن ذلك سيسمح لإيران بالسيطرة". ثم شرح مبارك وصفته: "ادعموا قوات الجيش، خففوا قبضتكم، ثم نظموا انقلابا، تأتون على إثره بديكتاتور، لكنه ديكتاتور عادل، وأسقطوا الديمقراطية من حساباتكم، فالطبيعة العراقي أنه عنيف".

بيجيله حساسيه من الديموقراطيه , خايف من العدوي طبعا , يا تري معتبر نفسه ديكتاتور عادل برضه ولا بيقول انا ديموقراطي , علي اساس ان الديموقراطيه (علي طريقته) تنفع في مصر لان شعبها مسالم ,هوه فيه حد لسه عنده شك ان الانتخابات بتتزور بامر رئاسي , المشكله ان الويكيلكس المصري ما بيشتغلش غير بعد موت الرئيس و اعمل حسابك ابنه هيمسك فكل ويكيلكس و انت طيب كمان 30 سنه كده !

11/26/2010

اللي يشوف بلوة زين العابدين تهون عليه بلوة مبارك

فعلا متعرفش قيمة امك غير لما تشوف مراة ابوك , الحكاية باختصار اني كنت باتفرج علي قناة الحرة برنامج قريب جدا و كان مستضيف ممثلة مسرحية تونسيه و زوجها كاتب و مخرج مسرحي تونسي يبدو ان لهم اهمية في تونس و لهم عروض مسرحية تتحدث عن الحرية و ما شابه , فسال المذيع اللبناني المخرج التونسي هل من المنطقي ان تكتب ضد الدكتاتورية و تقبل وسام الرئيس التونسي زين العابدين بن علي , و بدات اجابات من نوعية
- اصل كل الناس اخدوها في تونس مش انا بس
-اصل الحرية نسبية منقدرش نحكم عليها بمعيار واحد
-انا لا انتقد النظام و انا خارج تونس
فعلا تتفرج علي المثقف الجبان و هو يستعين بما يعرفه من اجل الهروب من قول كلمه هوه مقتنع بها , و طبعا كل ذلك نتيجة للخوف من نظام قمعي تونسي , قارنت ذلك بمصر حيث واتت بعض المثقفين الشجاعه لاعلانهم ديكتاتورية مبارك , و قد تعرض بعضهم لاعتداءات و مضايقات و لكن هناك جزء كبير منهم يواصل حياته و عمله بشكل اقرب للطبيعي , اهو برضه نلاقي حاجه نمدح بيها النظام بتاعنا (اذكروا محاسن مرضاكم)

11/22/2010

عمرو خالد : خليك نصاب و ادعي ربنا و كله هيبقي تمام

تابع من محاضرة عمرو خالد (وضرب مثلا آخر بالصحابى الجليل الزبير بن العوام حيث كان تاجرا شاطرا واشترى أرضا بـ2 مليون درهم، ولم يسددها، وفى إحدى المعارك شعر أنه سيموت فأرسل إلى ولده، وقال إن الشهيد يغفر له كل شىء إلا الدين، ووصى ابنه بالسداد عنه، فرد عليه ابنه بعدم الاستطاعة، فقال الزبير أنا أظن بربى خيراً، وأوصاه بأن يصلى كل يوم ويقل "يا مولى الزبير سد دين الزبير" فرد عبد الله "على قدر حسن ظنك ادفع" ومات الزبير وقال عبدالله ظللت أسبوعا أستيقظ للصلاة، وأقول كما وصانى أبى فجاءنى مشترٍ للأرض بـ3 مليون درهم فسدد الدين وتصدق بالباقى.)
لاحظ معي
-تاجر شاطر حيث انه اشتري الارض ولم يقم بسدادها علي طريقة قروض رجال الاعمال من البنوك كانه نصاب
- حتي يحل المشكله فان ابنه ظل يردد يا مولي الزبير سدد دين الزبير , فهي دعوة للاعتماد علي الوهم فان المطلوب منك عند حدوث مشكلة هو ان تظل تردد الدعاء علي طريقة يا خفي الالطاف نجنا مما نخاف التي رددها المصريون عند قدوم الحملة الفرنسية و طبعا كانت النتيجه معروفه
- لا يختلف هذا عن المنطق عن منطق كتاب شهير جدا علي مستوي العالم اسمه ( السر) و الذي تتلخص فكرته في انك يكفي ان تكون لديك الرغبة القويه و الصادقه في حدوث اي شيء ليتحقق ما تريده دون بذل اي مجهود
- ما يعتمد عليه عمرو خالد هو خلطه بين ما يسمي بالتنمية الذاتيه والتنمية البشرية و بين الاسلام ليخرج بمسخ جديد متسق مع حكومات فاسده و شعوب متخلفه

11/21/2010

عمرو خالد في الاسكندرية : انا معاهم معاهم عليهم عليهم

بعض الملاحظات علي محاضرة عمرو خالد في الاسكندرية
(وأنا لست مع أحد ولا ضد أحد، لكن أريد توصيل رسالتى، وهى ذكر الله ولن أتحدث عن شىء آخر،)
يمكن تلخيص فكر عمرو خالد في هذه الجملة معناها انا مع مصلحتي فقط و لا اهتم بغير ذلك , و لا اعرف كيف يكون لك رسالة و انت تتهرب من اتخاذ موقف سياسي , لمن تمنح صوتك في الانتخابات ؟ ماهو موقفك من النظام ؟ لن تجد اجابة و ذلك لسببين الاول هو ضحالة و سذاجة الفكر حيث انه مجرد كلام ساذج خيالي عن الرحمه و التواصل و الايجابية , و عند وضع ذلك موضع التطبيق فانك لن تجد الا ميوعة في المواقف و كلام عائم ليس له معني . السبب الثاني هو الانتهازية و محاولة ان تكسب جميع الاطراف فلن تجده يهاجم الحكومة حتي لا يخسرها مع ان (الساكت عن الحق شيطان اخرس) و لن يهاجم الاخوان لان لهم قاعدة جماهيرية كبيرة ويكتفي بادعوة بان نكون جميعا ايجابيين و متسامحين و محبين لكل شيء , و لا يهم وجود نظام استبدادي فاسد فهذا خارج مشروعه البطيخي

11/13/2010

بوش الابن يفضح مبارك الاب

جر الرئيس الأمريكي السابق جورج بوش مفاجأة كبيرة في مذكراته الصادرة بعنوان ""لحظات القرار" عندما أقر بأن الرئيس مبارك قال لتومي فرانكس القائد الأسبق للقيادة الوسطي للجيش الأمريكية والذي قاد حرب العراق، بأن صدام حسين لديه أسلحة بيولوجية وسيهاجم أمريكا في أقرب وقت.

وبحسب جريدة السفير اللبنانية التي نشرت في عددها الصادر يوم الخميس مقتطفات جديدة من مذكرات الرئيس الأمريكي السابق، فإن بوش كتب نصا في مذكراته أن "الرئيس المصري حسني مبارك أطلع الجنرال تومي فرانكس على أن العراق لديه أسلحة بيولوجية وأنه سيقوم باستخدامها ضد قواتنا بكل تأكيد (قبل غزو العام 2003). ورفض مبارك التصريح بذلك الاتهام علنا خشية إثارة الشارع العربي. ولكن المعلومات الاستخباراتية التي حصلت عليها من قائد في منطقة الشرق الأوسط يعرف صدام جيدا كان لها تأثير على تفكيري. وكما كانت هناك مخاطر ترتبط بالقيام بتحرك، فإن عدم القيام بتحرك كان أيضا ينطوي على مخاطر: فامتلاك صدام لأسلحة بيولوجية كان يمثل تهديدا خطيرا لنا جميعا».

وإذ كانت مذكرات بوش قد كشفت العديد من المعلومات والأسرار عن طبيعة العلاقة بينه وبين العديد من القادة العرب، فمن المتوقع أن تكشف أول ترجمة عربية لمذكرات الرئيس الأمريكي السابق عن المزيد من الأسرار والمفاجآت

11/12/2010

نظيف ..دكتوراة في الكمبيوتر و جهل سياسي

من جريدة الاهرام الجمعة 12 نوفمبر
نظيف 15% الي 30% زيادة سنوية في الاجور
و قبلها صرح نظيف بالنسبة لموضوع الحد الادني للاجور انه تحديد الاجر موضوع اقتصادي و ليس سياسي
طب مادام الاجر ده موضوع اقتصادي تقول انه الاجور هتزيد سنويا بنسبه معينه ماهو المفروض انه ده شيء ميتحددش مسبقا لانه اقتصادي ولا هوه علشان ده مكتوب في برنامج الحزب يبقي تردده زي البغبغان و الحد الادني مجاش تعليمات بيه يبقي ملكش دعوه بيه
هيه المشكلة الحقيقيه انه منصب رئيس الوزرا هوه منصب سياسي في كل العالم لكن احنا عندنا واحد نجح في شبكات الموبايل و النت جبناه رئيس وزرا و هوه في السياسه نظيف (انظف من الصيني بعد غسيله)

11/07/2010

حوش من مصروفك و تطلع براءة بفلوسك

صالح أمس ضابط أمن دولة سابق مع نجل رجل الأعمال ريمون كريازى صاحب شركات كريازى لإنتاج الأدوات الكهربائية المنزلية مقابل تبرع الأخير بمبلغ مليون جنيه لمركز الدكتور محمد غنيم لعلاج مرضى الكلى. وقال عصام سلطان محامى المجنى عليه لـ «الشروق» إن مبلغ التبرع هو عبارة عن اعتذار من المتهم استيفو ريمون كريازى، للشعب المصرى عما بدر منه تجاه أحد أفراده بأن شرع فى قتل المجنى عليه ولى الدين شفيق ، ضابط امن دولة سابق، عن سبق الإصرار والترصد. وتضمنت شروط التصالح تحمل المتهم تكاليف علاج المجنى عليه فى ألمانيا، والعمليات الجراحية اللازمة له، وكذلك دفع التعويض.

وسيقدم الطرفان اليوم الأحد نص التصالح للمحكمة، قبل بدء نظر القضية.

المصدر: جريدة الشروق
خلاص يا جماعه ابشروا وصلنا لازهي عصور الرأسمالية و تخطينا كل التجارب السابقة و وصلنا لانه بقي من حقك قانونيا انك تحرض علي القتل و تبعت اللي ينفذ و بعد ما يتمسك تاخد تخفيف حكم ل 15 سنه و يمكن اقل علشان دفعت الدية و اتصالحت مع اهل المجني عليها (هشام طلعت مصطفي) او تشرع في قتل ظابط سابق و اصابته بعاهه و شتمه و بعد كده تديله قرشين و تتبرع بمبلغ لعلاج مرضي الكلي ويعدي الموضوع (كريازي) , يعني بدل تطبيق القانون هنطبق اغنية سعد الصغير (معاك فلوس احضن و بوس) بعد تعديلها الي (معاك فلوس اقتل و دوس)

11/03/2010

يس، والدّستور العظيم ذكر ما أنزل على مصطفى وفريد،

"سورة أربعين سعد زغلول"

(المصدر نفسه)

"يس، والدّستور العظيم ذكر ما أنزل على مصطفى وفريد، وما أوحي إلى الزّعماء من لدن عزيز عليم. قالوا ربّنا هب لنا قوّة، وامددنا بجرائد وأحزاب، وجنّبنا القوم الرّجعيّين. إذ خطب مصطفى قومه وكانوا غافلين، ألاّ تجعلوا في الوطن شركاء آخرين، يسعّرون قطنكم، ويعلّمون أبناءكم، إن هذا هو الخسف الكبير. ثمّ اصطفاه ربّه كما اصطفى عيسى بن مريم عن ثلاث وثلاثين. أمّا فريد فكان من أولي العزم إذ ابتلاه ربّه ببرلين. قال ربّ إنّي بلي الثّوب منّي، ولا أجد الخيط الأبيض ولا الخيط الأسود، وأنت على ذلك شهيد. وكان ثلّة من آل فرعون يعيثون في الدّيار، يقامرون ويرقصون مع الرّاقصين، فما سندوه وما نصروه، ومات من الجوع وهو زعيم. وكم من زعماء ماتوا وهم يشحذون. ألا إنّ آل فرعون قوم منحطـّّون. ما كان سعد وفديّا ولا دستوريّا، ولكنّ مصريّا كالمصريّين. فمن اتّبع هداه جعلناه خليفة في الأرض، وإنّا له لمصوّتون. فإن تولّوا فالذي توفــّى سعدا يأتي بأربعين، وما ذلك عليه بعزيز."

10/30/2010

سورة الستات من قران بيرم التونسي

"سورة السـتّـات"

(المصدر : محمد كامل البنا : بيرم كما عرفته، ومحمد العتر : ألحان مصرية، نقلا عن مجلة الجراد، القاهرة، يوليو 1994، ص107 وما بعدها)

"يا أيّها المحافظ إذا أبصرتم النّساء يقصّرن ملابسهنّ، ويبدين صدورهنّ، فأصدروا لهنّ منشورا، ألاّ يتخطّطن ويتحكّكن ويقوّرن الثّوب تقويرا. إنّما الأحمر والأبيض والكحل والأقلام زينة من عمل الشّيطان، وليست شيئا مشكورا. صنعة الله التي تعجب المتّقين من الرّجال، ولا يعجب الأحمر إلاّ رجلا غفيرا. وقـل للمتزوّجات يسترن أفخاذهنّ، ويغطّين سمانات أرجلهنّ، ولا يلبسن فستانا قصيرا. ذلك بأنّهنّ تزوّجن، ومن تتزوّج فقد فازت فوزا كبيرا. العانسات والأبكار يغسلن وجوههنّ، ويمشّطن شعورهنّ، ولا يضعن جبسا ولا جيرا. ليعلم الذين يخطبون ذات البعل وغير ذات البعل وكفى بذلك تفسيرا. ما كان لرجل يتبع المرأة وهو مؤمن، إنّ الرّجل كان خنزيرا. يا نساء الشّعب إن يملك منكنّ الرّجال أغراضهم فلن تتزوّجن أبدا، ولو أعجبتهنّ كثيرا. الرّاقصون للرّاقصات، والصّرماحون للصّرماحات، والمعلّمون للمعلّمات. ولا تتزوّج شريفة خنزيرا. حرّمت على المؤمنات السّمكة والأساور من القشرة والحجل، وما جعل الله من أرجلهنّ جنزيرا."

تبدأ القصة عندما نشر (كتاب الجمهورية) مقالات لبيرم التونسي منشورة في جريدة الخمسينيات , و في المقدمة كانت هناك مقالات نشرت عند وفاة بيرم التونسي و منها مقالة لكامل الشناوي , حيث تكلم فيها عن بداية بيرم و انه قام بكتابة سورتين بنفس اسلوب القران و لكنه ندم علي ذلك لاحقا و كان يرفض الحديث عن هذا الموضوع , من الواضح ان ها الموضوع قد تم تحويله الي سر كبير لم يسمع به الكثير حتي من المحبين و المتابعين لبيرم , و لكن بعد بحث في الانترنت وصلت للسورتين .. اليكم السورة الاولي


10/27/2010

جمهور الاهلي و مصر و المسلمين ..كلهم منافقين

يوم الحد اللي فات كانت مباراة بين مصر و السنغال في تصفيات كأس افريقيا للشباب , و ما حدث من حكم المباراة كان ك الاتي , اولا الغي هدف صحيح مائه بالمائه للسنغال كان كفيلا بانهاء المباراة ثم قام باحتساب ضربة جزاء مشكوك بها ثم طرد لاعبين من منتخب السنغال , في وجهة نظري ان الحكم قد ظلم منتخب السنغال , و السؤال هو لماذا لم نسمع صوت جمهور الاهلي و جمهور مصر باننا قد كسبنا المباراة بدون وجه حق كما حدث للاهلي في تونس و ان الاتحاد المصري دفع رشوة للحكم و ان هناك مؤامرة افريقية ضد السنغال .. الي اخره , النقطه هي ان جمهور الاهلي و جمهور منتخب مصر و الشعب المصري و المسلمين .. هم مجرد منافقين يتحدثون عن نزاهة التحكيم و عن حقوق الانسان و الحرية الدينية اذا كانت لمصلحتهم اما اذا كانت لغير ذلك فلا تسمع لهم صوتا , مظاهرات من اجل الحجاب في فرنسا و صمت و تواطؤ في مذابح دارفور , و هكذا .. مجرد منافقين و مدعيين

10/22/2010

و غني منير لمبارك ..كل العسكر حراميه

في قاعة القوات الجويه كان اللقاء بين مبارك و منير للمره الثانيه , حيث يواصل منير ثورة التصحيح التي قام بها , بعد سنوات طويلة من التعامل معه علي انه مغني معارض او مشكوك في نواياه او علي الاقل غير مؤيد للنظام , الي ان بدأمنير التحول بتصريحات علي المسرح من نوعية (احنا معندناش مشكله بين حاكم و محكوم) ثم الغناء امام مبارك للمره الاولي ثم قيامه بعمل اغنية مصورة خصيصا لاذاعتها مع اعلان نتائج انتخابات الرئاسة في 2005 , وصولا الي هذا الحفل حيث كانت تبدو السعاده الغامره علي وجه منير و هو يغني لمبارك , هل اقتنع به فجأة, ام احس بانه مفيش فايده , او انه قد اصبح في عداد المستفيدين من النظام القائم , ثم يقوم منير في نهاية الحفلة بطلب تدخل الرئيس لمواجهة القرصنة الموسيقية , علي طريقة شعراء السلطان عندما ينشدون الشعر و بعد ان يعجب به السلطان , يتقدم بطلباته , ربما يكون مبارك قد اجابه قائلا (زكريا افندي .. اديله حاجه)

10/15/2010

مسلسل العار لمؤلفه كارل ماركس

في مسلسل العار الذي عرض في رمضان الماضي و حظي بنسبة مشاهدة عالية يمكن ملاحظة الفكرة السائدة في المسلسل و هي عقاب القدر لكل من يحصل علي المال من مصدر غير مشروع , و هي فكرة مريحة جدا للمشاهد حيث انها تعفيه من ضرورة القيام باي مجهود للتصدي للفساد حيث ان القدر سوف يقوم بهذه المهمه علي اكمل وجه , نري مثلا شخصية الام (التي قامت بها عفاف شعيب) حيث تبتعد عن المال الحرام و تقوم بنصح اولادها بذلك , بينما مثلا هي تعرف بقيامهم بتهريب المخدرات ولا تقوم بابلاغ الشرطه اذا كانت فعلا صاحبة مبدأ , و هو ما يقوم به المواطن المصري كل يوم حيث يكتفي بمشاهدة الفساد ثم يقول حسبي الله و نعم الوكيل , هكذا نثبت بقوة ان (الدين افيون الشعوب)

10/12/2010

مفيش تهمة نشر المذهب السني؟

دأت نيابة أمن الدولة العليا التحقيق مع نحو ١٢ متهماً شيعياً من مصر والمغرب والعراق وأستراليا، كانت أجهزة الأمن ألقت القبض عليهم أواخر الشهر الماضى بتهمة «نشر المذهب الشيعى» وازدراء الطائفة السنية وسب ولعن الصحابه الكرام
نقلا عن المصري اليوم
هوه فيه حاجه اسمها تهمة نشر المذهب الشيعي !!؟ امال ازاي بنطالب بحرية للاديان و حرية سياسية و نقول ان لبس الحجاب و النقاب حرية شخصية و نييجي نمنع حرية اختيار الدين و المذهب ؟ و مين اللي يحدد المذاهب المسموحه و الممنوعه ؟ يعني الدوله بتاعتنا مسلمه ولا مسيحيه ؟ شيعيه و لا سنيه؟ صوفيه ولا سلفيه؟ الموضوع بالاغلبيه ولا بالتاريخ و لا اللي يلحق يحكم الاول !

10/11/2010

مبارك يضحي بعساكر الشرطه ..صاحب واجب و الله

الخبر عن الافراج عن مشاغبي الترجي التونسي بقرار من مبارك و الاسئله هي :- 1- طول النهار واجعين دماغنا باستقلال النائب العام و انه محدش يقدر يتدخل في شغله .. طب ازاي مبارك يتدخل فالنائب العام يفرج عنهم فورا 2- هوه لو كان مثلا جمال و علاء اتعوروا في ماتش الجزاير كان ممكن نقطع العلاقات معاهم و لا نعلن الحرب عليهم لكن علشان دول اتنين عساكر ملهمش لازمه يبقي في داهيه 3- بص الموضوع جه ازاي .. زين العابدين كلمه في التليفون قاله علشان خاطري افرج عن الولاد قاله عينيا .. مفيش لا اجراء رسمي ولا طلب ولا اعتذار و لا حاجه الموضوع كله كلمتين في التليفون كأن الشعوب دي كومبارس في فيلم تاريخي (طلعلي فرختين من القفص و النبي)

10/10/2010

الاخوان بين الحمورية السياسية و قطيع الغنم الديموقراطي

و اخيرا اعلن الاخوان عن مشاركتهم في انتخابات مجلس الشعب و اللي لفت نظري هو
أن 98% من أعضاء مجلس الشورى العام للجماعة وافق على المشاركة فى الانتخابات
و ده معناه انهم حاجه من اتنين , اما انهم حمير سياسيا او انهم قطيع من الاغنام , فاي شخص بالغ السذاجه الساسيه يعرف ان هذه الانتخابات مزورة كالعادة و ان الهدف الرئيسي هو اخراج قوي المعارضه الحقيقيه من المجلس و استبدالها بالوفد و الغد (موديل موسي مصطفي موسي) و ما شابه , فلا توجد اي فائدة للمشاركة سوي المساهمه في اكمال المسرحية الديموقراطيه , فاذا كان 98 % من اعضاء مجلس الشوري لا يفهمون ذلك ( يبقي يروحوا يبيعوا سوبيا احسن) , اما الاحتمال الثاني انه التصويت اساسا محسوم من قبل , بمعني انه هناك توجيهات و تتبعها الاغلبية الساحقه كالقطيع مثل التجمعات السياسية سيئة السمعه ( اتحاد اشتراكي-لجنة شيوعية-حزب نازي - حزب وطني ) و تكون هذه هي الديموقراطيه الاخوانية . خسرتم كل شيء من المقاعد الي الاحترام الي البرادعي الي باقي اطياف المعارضه الجاده ( يظهر مشربتوش من ماء المرشد الطهور)

10/06/2010

رايح الجامعه .. سلاحك معاك .. هيروينك في جيبك

الخبر عن طالب حصل بينه و بين سواق اتوبيس خلاف علي المرور في الطريق قام مطلع سلاح و ضرب نار علي زجاج الاوتوبيس, بعد القبض عليه تبين الاتي , انه طالب في اكاديمية المستقبل و راكب عربية مرسيدس و معاه سلاح مش مرخص و تذكرة هيروين , شيء جميل جدا يعني ده تعبير عن الطبقة المسيطرة دلوقتي :- تعليم خاص تحت شعار بفلوسنا و عربية مرسيدس لزوم المنظرة و سلاح علشان اللي ميعجبوش ديته رصاصه و هيروين لزوم المزاج , ده نموذج لطبقة جديده زي ابن كريازي اللي دهس ضابط الشرطه و هشام طلعت مصطفي و الشعار هوه فلوس و نفوذ ع القانون تدوس

9/30/2010

شجع تزوير الزمالك او فساد الاهلي

اذا كنت زملكاوي و مكسوف من فضايح الزمالك و احكام المحاكم بالتزوير و الاتهامات بالفساد فمتزعلش, فشقيقك الاهلاوي بيشجع نادي قائم علي الفساد حاليا, يمكن مش بوضوح فساد الزمالك و ده بسبب السطوة الاعلامية لحسن حمدي , اول مظاهر الفساد هي جلوس حسن حمدي علي مقعد رئاسة الاهلي و مقعد رئاسة وكالة الاهرام للاعلان و ده طبعا بيديله مناعه من هجوم مؤسسة الاهرام او هجوم اصحاب المصالح مع الوكالة , ربما تقول انه لا يوجد تعارض بين المنصبين فارد عليك بواقعة هي شراء وكالة الاهرام لحقوق الاعلانات علي قناة الاهلي بعشرين مليون جنيه , بمعني ان وكالة الاهرام تحت رئاسة حسن حمدي تعاقدت مع قناة الاهلي التابعة لحسن حمدي اي نفس ما يحدث من الوزراء اصحاب الشركات عندما تمنح الوزارة اراضي مثلا لشركة الوزير , استغلال المنصب من اجل منفعه شخصية و تضارب مصالح, حتي النادي الذي تشجعه هو نموذج للفساد .. شجع و استمتع

9/13/2010

موافق علي حرق القران بشرط

طبعا انا مش مع استفزاز المشاعر الدينية و اثارة النعرات الطائفية و العنصرية, لكن في نفس الوقت لو بصينا من وجهة النظر الاخري ,فهم يرون ان القران به ايات تحث علي قتال اصحاب الاديان الاخري و هذا صحيح , في هذه الحالة فهو يقوم بحرق الكتاب الذي يساهم في قتل ابناء ديانته ,ولكن الشرط هو ان يكون بامكان احد احراق التوارة فهي مليئة بالتحريض علي القتل و اعتبار غير اليهود حلال دمهم , اما ان نحرق الكتابين او لا نحرق

9/02/2010

وحشية حماس و هذه البراءة الاسرائيليه

الخبر كان عن مقتل 4 مستوطنين علي يد كتائب مسلحه تابعه لحماس و من بينهم سيدة حامل, و السؤال هو باي حق يتم قتل سيدة و حامل ايا كانت الاسباب , سيقول البعض انها محتلة لارض الغير و السؤال هو هل يحق قتل من استولي علي املاكك , علي سبيل المثال اذا احتل احدهم بيتك هل يحق لك قتله و ما ذنب هذه السيدة في ان حكومتها او دينها يقولون ان هذه ارضهم و ان من حقهم العيش فيها, الحجة الثانية هي ان الاسرائليين يقتلون الفلسطينيين كل يوم عن طريق السلاح او الحصار, هل هذا مبرر لقتل مدنيين ليس لهم علاقة بالحرب و اذا كان كل هذا يبرر قتل السيدة و هي لم تفعل شيئا ماهو المنطق في قتل جنين في بطن امه هل يتم معاقبته و هو لم يأت الدنيا بعد , اذا كنا ندين وحشية الاسرائليين فلتكن لدينا الشجاعة و ندين وحشيتنا .

8/08/2010

تحب تاخد 7000جنيه في يوم؟

مستشار نزل من بيتهم يوم الجمعه علشان يراقب علي امتحان لطالبي الالتحاق بالمحكمه , يا تري اخد كام في المهمه دي 7000 ج سبعة الاف جنيه فقط لا غير يعني لو مرتبك 700 جنيه يبقي ده مرتب عشر شهور يعني اليوم بتاعه ب 300 يوم من عندك و كل ده من مال الناس و بعد كده يكلموك عن ترشيد دعم الرغيف و انابيب البوتاجاز !

7/26/2010

الناس عايزه التغيير فعلا

فتحت التليفزيون علي قناة دريم لقيت ناس معترضه علي الاوضاع و بتتكلم بحماس شديد علي انه لازم الناس دي تمشي و لقاء مع ناس علي القهاوي كلهم متفقين علي الفشل اللي حاصل و بعدين جابوا ناس معتصمه حوالين مبني و كاتبين يفط عليها مش هنمشي غير لما تمشوا طبعا هتسأل ده حصل فين هاقولك في الاسماعيلية علشان مجلس الاداره يمشي و مشاكله مع حسني عبد ربه .. يافرحتي بيكم

6/05/2010

شاف التزوير بعينه

اللي سمعته من المديرة اللي في الشغل عن واحد من اللي اشتركوا في الانتخابات بيحكي انه الظباط كانوا بيخبوا البطاقات في جيوبهم و الشرابات و في شنط و طبعا بطاقات متعلمه و جاهزه و بعدين الولد ده اختفي و مبقاش يرد علي اي تليفونات موبايله مقفول و اهله قلقوا عليه مظهرش غير الساعه 9 باليل و السبب انهم ادولوا 300 بطاقة انتخاب يعلم عليهم و يحطهم في الصندوق لكن هوه رفض فاخدوه في اوضه مقفوله و حبسوه فيها لحد ما خلصوا .. و تحيا الست نزيهة

6/03/2010

التزوير المدفون

كاريكاتير عبارة عن صفوت الشريق بيدفن صندوق مكتوب عليه تزوير انتخابات مجلس الشوري و مكتوب تحتيه العدوان الاسرائيلي علي ناشطي السلام و صفوت الشريف بيقول الحمد الله جه في وقته

5/30/2010

هيه دي هيه فرحة الديه

والد سوزان تميم يتنازل عن الدعوى المدنية ضد هشام طلعت مقابل ٧٥٠ مليون دولار
جتلي فكرة كاريكاتير عبارة عن راجل فقير و مراته الراجل بيقول ميجيش واحد ملياردير ييجي يقتل الوليه دي؟

5/02/2010

الاسلام بياكل حقوق المرأة

في جريدة اخبار اليوم كانت الاجابه علي سؤال امرأة مطلقه ( المطلقه طلاقا رجعيا تظل علي ذمة زوجها خلال فترة العدة يجوز لزوجها مراجعتها دون مهر او عقد جديدين و دون رضاها) يعني تخيل نفسك مكانها تم طلاقها و انتهي الامر و بعد 40 يوم مثلا تكون المفاجأه ان زوجها طلعت في دماغه و قالك لما ارجعها العب شويه و فجأة تلاقي الست نفسها رجعت تاني متجوزه بدون وجود اي اعتبار ليها كأنها شيء حقير مش انسان ليه حقوقه و طبعا محدش يجرؤ بالمطالبه بالغاء شيئء زي كده علشان دي شريعه اسلاميه و سلملي علي حقوق النساء في الاسلام و في مصر

4/25/2010

متجوز اربع منقبات و بيشتغل حرامي

الخبر في جريدة الاهرام عن زوج منتقبة فرنسيه وهو فرنسي من اصل جزائري بينتمي لجماعه سلفيه اسمها جماعة التبليغ و متجوز اربع سيدات منقبات و كلهم بياخدوا معونة الام غير المتزوجه يعني باختصار واحد مزور لانه التعدد ممنوع في فرنسا و كمان نصاب و حرامي لانه بياخد فلوس مش من حقه وهوه طبعا بيطبق مبدأ استحلال اموال الكفار بصراحة حلال فيه السجن او سحب الجنسية و طرده من فرنسا خليه يرجع الجزاير يجاهد مع اخوانه يمكن يموت شهيد و نخلص منه .

4/21/2010

اضحك مع الموظفين المتدينين

مديرة المكتب عندنا كانت في عمره و رجعت فبتحكي عن الحرم و الحمام اللي فيه اللي بيطير باليل و موجود امن في الحرم فقال موظف زميلنا ان الحمام ده ملايكه زي ما بيقولوا!
نقاش حاد اندلع بين الموظفين حوالين الفنانات المعتزلات اللي اتحجبوا و اللي رجعوا في كلامهم و اللي بيمثلوا بالحجاب , من ضمن الفنانات دول صابرين فموظف قال انها مش محجبه ولا تعتبر كذلك لان ودانها باينه !

4/12/2010

جسد الانسان ملك لله (كلام فارغ)

في اجابه لاستاذ في الازهر افاد بان التبرع بالاعضاء محرم و السبب في ان جسد الانسان ليس ملكه بل ملك لله و السؤال هو لو اخذنا بهذا المبدأ فان التبرع بالاموال محرم فهي ملك الله و كذلك الارض و الزرع و الطعام فكلها من وجهة نظر الدين ملك لله, ما اعرفه ان جسد الانسان ملك له و هو حر في التصرف فيه كما يشاء مابالك اذا كان بامكانه انقاذ حياة شخص , هل من الدين ان نترك شخصا يموت و نحن نستطيع انقاذه بسبب الافكار المتخلفه

4/06/2010

كاسيت العربية

ا-تذكر عندما كنا نجلس علي كورنيش المقطم و سيارة بها شاب وحيد يستمع لموسيقي رأفت الهجان بصوت عالي
-و انا طفل مع اخوتي في سياره قريب لنا و ينبعث صوت سميره سعيد عاليا -مش هاتنازل عنك ابدا- و السيارة تسير بسرعه رهيبة و تتوقف بعد انتهاء الاغنية كأننا في مدينة ملاهي بعد انتهاء اللعبه
=ايضا في طفولتي حيث تعطلت بنا العربه و ذهب والدي ليصلحها و كنت و اخوتي و ابن خالي و انتهزنا الفرصه لنسمع اغنيتنا المفضله (تعالي نلضم اسامينا) في لحظات فرحه طفوليه جميله

رجال مبارك يبدأون الحرب القذرة

روزاليوسف': أنصار البرادعي دخلوا المساجد بالأحذية

ومن بين التقارير التي تحمل على البرادعي وأنصاره وتتهمهم بما يليق بالمسجلين خطر والمجرمين ما تنشره 'روزاليوسف' التي أكدت أن أنصار للبرادعي دخلوا مسجداً في المنصورة بالأحذية وحراسه لكموا معارضاً له.. ودفعوا سيدة وطفل
أضافت الصحيفة: لم تخل زيارة د. محمد البرادعي المدير السابق للوكالة الدولية للطاقة الذرية إلى محافظة الدقهلية أمس الأول من تجاوزات أقدم عليها تابعوه الذين تم حشدهم من القاهرة واختاروا الاجتماع في مسجد نور القريب من مركز الكلى والمسالك البولية بالمنصورة أملا في الاستفادة بزحام المصلين لصلاة الجمعة خاصة مع صغر حجم المسجد نسبيا ليبدو مكتظا بمؤيدي البرادعي.
لكن بعض أنصار البرادعي دخلوا المسجد بالأحذية في اندفاعهم وراء قائدهم فردد المصلون 'حسبنا الله ونعم الوكيل' وما كان من أنصار البرادعي إلا اتهامهم بالتبعية للحزب الوطني.
وحاولوا التشويش علي إمام المسجد أثناء خطبة الجمعة التي دعا فيها إلى ضرورة اتباع أولي الأمر ودعا بتمام الشفاء للرئيس مبارك.
ونتيجة لهذا احتك عدد من شباب 6 أبريل مع بعض المصلين الرافضين لزيارة البرادعي فأصيب 3 أفراد باصابات مختلفة بينهم شاب بحالة إغماء وأصيب آخر بنزيف في الفم والانف بعد تلقيه لكمة في الوجه وتم دفع سيدة لتسقط طفلها من يديها أثناء تأمين أنصار البرادعي لخروجه من المسجد متقمصين دور البودي غارد.
وأعلن بعض المصلين رفضهم لترشيح البرادعي لرئاسة الجمهورية حتى لا يكون الحاكم صناعة أمريكية ينفذ أجندة الولايات المتحدة مثلما كان ينفذها في الوكالة الذرية.
وتشير 'روزاليوسف' إلى أن زيارة د. محمد البرادعي لمدينة المنصورة أمس الأول حققت فشلاً ذريعاً بعد حضور ما يقرب من 500 فرد فقط أغلبهم من القاهرة ووسائل الإعلام المختلفة بعد عزوف أبناء المحافظة عن متابعة الزيارة، مما دفع لاختيار مسجد نور بالقرب من مركز الكلى والمسالك البولية لأداء صلاة الجمعة أملاً في الاستفادة بالازدحام الشديد الذي يشهده المسجد دائماً.
وتضيف الجريدة: نشبت مشادات كلامية عنيفة بين المصلين وأنصار البرادعي عندما دخلوا المسجد بالأحذية مرة وردد المصلون 'حسبنا الله ونعم الوكيل' فما كان من أنصار البرادعي إلا الرد عليهم: انكم تابعون للحزب الوطني.
وحاول أنصار البرادعي التشويش على إمام المسجد أثناء الخطبة التي دعا فيها إلى ضرورة اتباع أولي الأمر ودعائه بالشفاء للرئيس مبارك فأم المصلين بصوت مرتفع جداً.
فيما أصيب 3 أفراد بإصابات مختلفة منهم شاب بحالة إغماء بعد قيام عدد من شباب حركة 6 أبريل بلكمة في الوجه كما أصاب بنزيف في الفم والأنف ودفع سيدة لتسقط طفلها من يديها أثناء تأمينهم 'البرادعي' بعد أن تقمصوا دور الـ'بودي جارد'.
وأكد حمدي قنديل شكره للأجهزة الأمنية بالدقهلية لعدم وجود أي معوقات للزيارة.

'روز اليوسف': هل كان البرادعي يصلي في النمسا

وتصل الحملة ضد البرادعي لذروتها على يد عبد الله كمال رئيس تحرير 'روزاليوسف' والذي يتساءل: لعل السؤال الجوهري الذي ينبغي طرحه على الدكتور محمد البرادعي المدير العام السابق لوكالة الطاقة الذرية والملاحق باتهامات تتعلق بدوره في غزو العراق عام 2003، هو أين كان سيادته يصلي الجمعة في مقر عمله السابق في النمسا؟ ولماذا لم يكن يلاحقه مصور تابع للوكالة لكي يلتقط له مجموعة من المشاهد وهو في حالة ورع.. لعل هذا ينقل انطباعات محددة إلى موظفيه.. علي تنوع أديانهم؟
أضاف كمال: الصورة اللافتة التي التقطت للبرادعي في مسجد بالمنصورة يوم الجمعة يبدو فيها وحده من بين كل المصلين وقد أمسك مصحفا ضخما يقرأ فيه، قبيل الصلاة، حيث يفترض أن هناك قرآناً يتلى بالفعل في المسجد قبل رفع الأذان.. وليس هذا دليل ورع بقدر ما هو تعبير عن نفاق ديني موظف سياسياً.. ويعطي دلالة مهمة علي طبيعة التوجهات التي قد يلجأ إليها البرادعي في مساره السياسي داخل مصر.. لا سيما وأنه كان قد قال بوضوح إنه يقبل أن تنشأ في مصر أحزاب دينية.. بكل ما لهذا من مدلولات طائفية خطيرة.
يقول كمال: ولا بد أن أي متابع لصور البرادعي في المنصورة وقبلها في حي الحسين سوف يتوقف مليا أمام أكثر من ظاهرة مقروءة.. يمكن أن تسبر أغوار تفكير هذا الرجل الذي يسلي تقاعده بأن يشغلنا بمساعيه السياسية.. وأقواله حول تعديل 'الدستور'. ( طبعا الكلام لا يحتاج الي تعليق مجموعه من الاكاذيب و الهجوم الشخصي واحاديث عن مصابين و جرحي كأنها غزوة للبرادعي في المنصوره ولا اعرف لماذا ينتقد عبد الله كمال صورة للبرادعي و هو يقرأ القران بينما في كل عيد نشاهد مبارك قبل صلاة العيد ثم نراه و هو يصلي. النقطه الاهم هي ان الرئيس مبارك يتحما مسئولية هذه الافتراءات و الاتهامات بالعماله و البلطجه اذا كان لا يقرأ ما تكتبه صحف الحكومه فهو غافل و اذا كان يقرأ ولا يتدخل فهو محرض)

4/04/2010

اوعي يجيلك لوقا

في مقالة لنبيل لوقا بباوي وهو بيصلي في الكنيسه وقف مع مجموعه من الرجال و كلهم دعو دعوه واحده ان الريس يشوف فرح حفيدته فريده بعدها شاف مجموعه من النساء بيدعوا نفس الدعوه بعدها راح نادي هليوبلس لقي مجموعه بتدعي نفس الدعوه برضه (تخيل لو ربنا استجاب لدعوتهم هيبقي مبارك رئيس و هوه في سن 107 سنه علي اساس ان حفيدته تتجوز في ...سن 25 و يكون جمال لسه بيفكر في التوريث ,هوه انا عندي اقتراح تاني اننا ندعي ان مبارك ميموتش خالص )

3/31/2010

الجيش المصري يستعين بمروة (الصراحه راحه يا عيني و جيشنا مبيعرفش)

في شارع صلاح سالم تقع دار الحرس الجمهوري واحدة من دارات القوات المسلحه و هذه الدارات تقوم بانشطه عديده لا اعرف ما هي علاقتها بالجيش ,مثل عملها كمطاعم ونوادي و عمل الحلوي و الخبز و دور السينما و مؤخرا اقامة الحفلات الغنائية , في واجهة دار الحرس الجمهوري اعلان ضخم لحفلة شم النسيم للمغنيه مروة (الصراحه راحه) ,هل يتخيل احد ان تكون من ضمن ميزانيه وزارة الدفاع مبلغ سيتم دفعه لمروة علي اساس ان الجيش تحول لمنتج اغاني هابطه و كل غرضه هو المكسب الا اذا كانوا يعتبرون مروة من اسلحة الدمار الشامل

عودة لطرائف الموظفين

مديرة القسم عندنا نصحت زميلتنا الموظفة الحامل اللي حست بتعب بانها تطلع لمكان صلاة السيدات فوق علشان تنام هناك و لو فيه حاجه نكلمها علي الموبايل و قالتلها فيه ستات كتير بيحطوا الاسدال تحت راسهم و يناموا !
وكيلة القسم بقي اللي عندنا قاعده في اوضه فيها 7 ستات و 3 اولاد ,هيه منقبه و كانت جايبه معاها زبادي و عاوزه تاكله فمنفعش مع النقاب فخرجت ال 3 اولاد بره و قفلت عليها الاوضه لغاية متاكل الزبادي !

3/30/2010

المستشار نائب رئيس حروق الانسان يتكلم

في حوارفي جريدة الشروق للمستشار مقبل شاكر الرئيس الاسبق للمجلس الاعلي للقضاء و نائب رئيس المجلس القومي لحقوق الانسان , كانت هذه بعض ردوده علي الاسئلة الموجهه اليه
-بخصوص المدون المحال الي محكمة عسكريه قال القول الفصل للمحكمه ولا تدخل في احكام القضاء (مع ان ابسط حقوق الانسان ان يحاكم امام محكمه مدنيه مادام هو مدنيا )
-عن التعذيب في مصر قال .. ان التعذيب يجرمه القانون المصري و انه موجود في دول كثيرة منها دول متقدمه ( الحجه الفاشلة بان اي مصيبه تحدث فهي تحدث في العالم طبعا استخدام حجج من هذا النوع يبين عدم وجود نية للتصدي للتعذيب حتي لا نتخلف عن العالم !)
- بخصوص المادة المقيده لحق المواطنين في الترشح للرئاسه فهو يستخدم المنطق نفسه في ان امريكا بها شروط للترشح و هذه ليست بدعه( العجيب طريقه ولا تقربوا الصلاه هل نحن اخذنا النظام السياسي كله من امريكا بالطبع لا لكننا سنأخذ قيود الترشيح فقط و نطبقها في غير موضعها)
- اما بخصوص التوترات الطائفيه فيري سيادته ان هناك ايادي خفية تعبث في هذا الموضوع قد تكون موساد او مخابرات او يهود(حجه اخري مكرره و ممله و هي القاء المسئوليه علي اي طرف خارجي و حبذا لو كان اسرائيل او امريكا ولا استطيع تخيل الموساد و قد تغلغل في مرسي مطروح او نجع حمادي و قام العملاء باقناع مسلم بفتح النيران علي مسيحيين او استغلال بناء سور للاشتباك بين الطرفين هذه هي طريقة لعدم حل اي مشكله و عدم الاعتراف بوجود عيوب فينا )

3/28/2010

شكرا للاحتلال الامريكي

بنظرة علي الانتخابات العراقية يمكنك التفرقه بين الانتخابات المصرية حيث يكتسح حزب الحكومه و بين الانتخابات الحقيقيه الحره ,نتائج الانتخابات العراقية جاءت كالتالي
91 مقعدا لاياد علاوي
89 مقعدا لنوري المالكي
70 مقعد للائتلاف الشيعي
43 مقعدا للتحالف الكردستاني
كما تري لا توجد اغلبيه لاي منهم و عليهم الدخول في تحالفات ,هكذا تكون الديموقراطيه , قارن بين هذا التنوع و بين حكم البعث في عهد صدام , لقد وعدت امريكا بالديموقراطية و قد اوفت بوعدها , انا بالطبع ضد الغزو و الاحتلال الخارجي و لكن احيانا يكون ذلك هو الدواء المر, تخيل استمرار صدام في الحكم ثم توريثه لولديه و استمراره في القمع و قتل ابناء شعبه , اذا كان هناك ضحايا للقمع او للغزو فربما يكون الغزو اكثر رحمة

3/26/2010

تخيل انك بترمم جامع.. فتترمي في السجن.

(قضت محكمة جنح مستأنف شبرا الخيمة ببراءة القمص اندراوس رشدي الياس كاهن كنيسة السيدة العذراء بشبرا الخيمة والغاء حكم محكمة اول درجة القاضي بحبسه سنة مع الشغل وغرامة‏75‏ الف جنيه مثلي اعمال البناء المخالفة‏,) لك ان تتخيل انك بتعمل ترميم لكنيسه من غير ما تاخد اذن تروح المحكمه و تاخد سنة سجن و غرامه 75 الف جنيه طب القاضي اللي حكم بكده ده يبقي ايه مش اقل من انه يكون مسلم متعصب و القانون نفسه قانون منحاز و ظالم وفيه اضطهاد للاقباط ده غير انه مخالف للدستور اللي بينص علي المساواة بين كل المواطنين و حريتهم في اقامه شعائرهم , ده فيه ناس بتبني علي الارض الزراعيه و مبيتعاقبوش و ناس بتبني عمارات مخالفه و مبيحصلش ليهم حاجه , الحمد الله انهم وقعوا في الاستئناف في قاضي عادل و بيفهم !

3/25/2010

عزيزي المواطن المسيحي .. و لسه

الخبر بيقول :- تنازل الاقباط في النيابه العامه في محافظة مطروح عن البلاغات اللي قدموها في المسلمين بخصوص حرق و اتلاف ممتلكاتهم بعد جلسة الصلح اللي اقيمت في خيمة بدوية بحضور المحافظ و مطران الكنيسه ووكيل وزارة الاوقاف .يعني بالبلدي كده اللي اتكسر يتصلح و قوم يا محمد بوس علي دماغ اخوك جرجس ,طبعا الواضح انه هيتم تعويض المسيحين ماديا و يخلص الموضوع , الخطورة في كده اولا- انه ده تصريح للمسلمين انهم لما يلاقوا المسيحيين بيبنوا كنيسه ولا بيعملوا سور ولا اي خناقه معاهم يعملوا ما بدالهم مادام العمليه هترسي علي قعده صلح و تعويضات و خلصت القصه فطبعا منستغربش لما ده يحصل في محافظه جديده لانه بدلا من الردع البلاغات بيتم التنازل عنها ,ثانيا ده اهدار لفكرة الدولة المدنيه و سيادة القانون فيه حاجه اسمها محافظ يعمل قعدة عرب و كاننا قبائل مش مواطنين في دولة بيحكمها قانون ثالثا المواطن المسيحي غلطان انه بيسلم امره لرجل الدين المسحي علي انه ولي امره يتفاوض في حقه و يقوله اعمل كذا , مع كل الاساليب دي نلتقي بحادث طائفي جديد .. بعد الفاصل

3/20/2010

نعيش احنا .. و الاقصي مش مهم

الاغنيه كانت بتقول ( يا بيوت السويس يا بيوت مدينتي استشهد تحتك و تعيشي انتي) كانت في حرب الاستنزاف تقريبا بس انا مش فاهمها بصراحه . ايه الفايده في اني اموت علشان تعيش بيوت المفروض العكس, هوه ايه الاهم البني ادم ولا شوية حجاره اسمها بيوت السويس, جت في بالي الفكره دي و انا باتابع رد الفعل علي تهديدات اسرائيل للمسجد الاقصي و سألت نفسي هوه ايه الاهم ؟ هل خوفنا علي مبني قديم اسمه المسجد الاقصي ولا كرامة مواطن زي الدكتور المؤيد للبرادعي في الفيوم اللي تم تعذيبه و التنكيل بيه, هتلاقي مظاهرات عارمه دفاعا عن الاقصي , لكن مشوفناش مظاهرة ضخمة علشان كرامة بني ادم مصري و كل ده علشان فكرة انه الدفاع عن الاقصي واجب ديني ووطني اما الانسان مفيش ما يدعو للدفاع عنه. طول ما احنا عايشين علشان الشعارات بدل ما نخلي الشعارات مرفوعه علشاننا معتقدش انه هينصلح حالنا

3/12/2010

اضحك مع الشريعة الاسلامية (كلاكيت تاني مرة)

جلد سعوديين للخلوة بسيدة عجوز
نفذت شرطة مدينة الشملي التابعة لمنطقة حائل حكم الجلد الصادر من محكمة المدينة علي رجلين متهمين بقضية خلوة غير شرعية مع سيدة من جنسية عربية تبلغ من العمر‏75‏ عاما‏.
(من جريدة الاهرام ) و ادي كمان نموذج لتطبيق الشريعة الاسلامية و تطبيقها , تخيل نفسك رايح تزور واحده قريبتك او والدة واحد صاحبك تلاقي نفسك مقبوض عليك و تتجلد علشان دي خلوة غير شرعية, ده كله نتيجة لانتشار الفكر الوهابي اللي بيتلخص في التطبيق الحرفي للنصوص بدون تفكير و اللي بيتوغل في مصر عن طريق الجوامع و القنوات الفضائية, و لسه ياما السعودية هتورينا

3/10/2010

اغتصب بنتك وفقا للشريعة الاسلامية

رياض ـ د ب أ: أعلن مئات السعوديين عبر المدونات والشبكات الاجتماعية الإلكترونية عن استيائهم الشديد من حكم قضائي بالسجن لمدة أربع سنوات أصدرته المحكمة العامة في الدمام (شرق المملكة) على مواطن سعودي أربعيني أدين باغتصاب ابنته التي لم تتجاوز السادسة عشرة من عمرها أكثر من مرة قبل أن تنكشف جريمته يعني اغتصاب و لقاصر و كمان بنته و الحكم باربع سنين و ده في الدولة اللي بتطبق الشريعة الاسلامية اللي دعاة الدولة الاسلامية اللي بيقولوا انه فيها الردع الكافي اللي هيخلي الجرايم تبقي اقل و الفكرة الوهمية انه لما هنطبق الشريعة مش هيبقي فيه جعان ولا محتاج ولا اجرام و مش فاهمين انه الشريعه دي هيطبقها بني ادمين و انها مش مناسبة لكل زمان و مكان زي ما بيقولوا و ان تطبيقها ممكن يسبب كوارث و ادي يا سيدي نموذج حي للشريعه .. حلال عليكم

3/05/2010

دكاترة ازهر تخصص خرافات

من جريدة الاهرام ليوم الجمعه :- لدكتور عمر عبد العزيز الأستاذ بكلية الدعوة إلاسلامية بجامعة الأزهرقد تحققت مجموعة من الكرامات للصالحين بعد سؤالهم الله عز وجل ودعائهم بها‏,‏ مثل دعاء العلاء بن الحضرمي‏:‏ يا حليم يا عليم يا علي يا عظيم اسقنا‏.‏ ودعائه بمثله حتي مشي جيشه علي النهر‏.‏ وغير ذلك من الأدلة علي جواز سؤال الله خوارق العادات علي وجه الكرامة‏.‏ ( لما يكون ده دكتور في الازهر معتقد انه فيه واحد خلا الدنيا تمطر علشان عطشانين او علشان جيشه يمشي علي الميه هيكون ايه شكل الطلبة بتوعه ) ,‏ كما ورد أن بعض الصالحين تكلموا بعد موتهم أو نظر في وجوههم فرؤي النور ( و دكتور تاني مقتنع بانه ممكن واحد يتكلم بعد ما يموت او وشه ينور و العجيب انه اكبر جريدة في مصر تنشر الخرافات دي في صفحة اسمها فكر ديني امال لو اسمها خرافات دينية كان هيبقي ايه الوضع )

2/28/2010

البرادعي \ الست هانم

بعد دفعة التفاؤل التي حصلت عليها من حوار البرادعي في العاشرة مساء مع مني الشاذلي . برغم اني لاحظت ان البرادعي يترجم الكلام في رأسه الي العربية قبل النطق به و ذلك ناتج عن قضائه مدة كبيرة بالخارج و هو ما يجعله يفتقد للكاريزما الخطابية لكني رأيت ان كلامه كان مقنعا جدا و متوازنا و هو ما جعلني متحمسا عندما سألني زميلي الموظف الحكومي عن رأيي في البرنامج , لكني فوجئت به غير مقتنع بالبرادعي بمبررات من نوع (اصله كان عايش بره و مش عارف حالنا) ( اصل احنا مش عايزين التغيير لمجرد التغيير) مما جعلني اعيد النظر في فكرة ان الطبقة الوسطي هي التي تدفع المجتمع للتغيير و لكن قطاع كبير منها يخشي من تغيير اي شيء بدءا من وسيلة المواصلات التي يستقلها او وظيفته الحكوميه وصولا الي رئيس الجمهورية و لذلك قد ينتهي بنا الحال الي المشهد الاخير في فيلم امبراطورية ميم عندما يختار الابناء الام (الست هانم) بدلا من مصطفي رمز التغيير.

2/23/2010

مش بهزر .. مكافأة لوزير العدل ب 600000 ج

القصة باختصار فيه مكافأة للعاملين بوزارة العدل بتيجي كل 6 شهور اسمها المطالبة بتتوزع علي جميع العاملين بنسب مختلفة .. يعني الموظف العادي ياخد ما بين 100 و 200 جنيه و طبعا وزير العدل بياخد نسبة من المكافأة دي واضح انها نسبة بسيطة جدا يعني اجمالي المبلغ اللي حصل عليه عن ال6 شهور اللي فاتوا ستمائة الف جنيه و انا شايف الورقه اللي فيها المبلغ بنفسي .. يعني فوق مرتبه و بدلاته و مكافأته ياخد في السنة مليون جنيه ليه يعني؟ ده موظف حكومه في الاول و في الاخر و فين مجلس الشعب و الجهاز المركزي للمحاسبات و الصحافة ازاي يبقي فيه التفاوت الرهيب ده بين دخول اتنين موظفين في الحكومه تلاتلاف ضعف معقول ده!!

2/19/2010

القاتل الحقيقي في جريمة نجع حمادي هو...

في جريدة الاهرام امس الخميس مقالة للانبا بيشوي مقالة بخصوص رواية عزازيل , في البداية يقوم بالرد علي الرواية من الناحية التاريخية و ينفي فكرة التشدد الديني عن الكنيسة و يرجع انتشارها الجماهيري لوجود مشاهد جنسية مطولة بها اما العجيب فهو اتهامه للرواية بقوله (و لعل رواية عزازيل تكون قد ساهمت في شحن المشاعر التي ادت الي قتل شباب مسيحيين ابرياء ليلة العيد في نجع حمادي )اولا مش معقول رواية عن المسيحية هتخلي واحد يقتل المسيحيين ثانيا هوه الكموني اللي قام بالعمليه بيقرا روايات! ثالثا ده تهديد للمؤلفين اي حد هيكتب حاجه عن ديننا يبقي مسئول عن العنف اللي هيحصلنا فالناس تخاف و تبعد , واضح انه فيه رجال دين مسيحيين بيحاولوا يستغلوا احداث العنف و يطلعوا منها بمكاسب سياسية بابتزاز الحكومة و الحصول علي شعبية بين المسيحيين باعتبارهم مدافعين عن المسيحية و هنلاقيها من المشايخ ولا القساوسة!

2/17/2010

قضاة ..للخلف در

حصلت «الشروق» على التفاصيل الكاملة للجمعية العمومية لقضاة مجلس الدولة التى انتهت أمس الأول برفض تعيين المرأة قاضية فى المجلس بأغلبية ساحقة غير مسبوقة، حيث رفض 89% من قضاة المجلس تعيين المرأة فى قضاء المجلس.

وعقب التصويت، تلا رئيس الجمعية العمومية الطارئة بيانا أكد فيه أن تجربة تعيين المرأة فى محاكم الأسرة لم تنجح، لذلك لم تقدم وزارة العدل على تكرارها.

وحذر البيان مما سماه «مخاطر تدرج النساء فى المناصب القضائية على الورق رغم بعدهن عن ممارسة العمل القضائى لانشغالهن برعاية أزواجهن وأولادهن».
يعني ده كلام النخبة من المجتمع و هم القضاة , اولا مش منطقي ان الجمعية العمومية هيه اللي تحدد و الا يبقي ممكن نعمل جمعية عمومية تبحث تعيين المسيحيين مثلا , المفترض هو تطبيق القانون اذا كان فيه ما يمنع تعيين المرأة يبقي ممكن المرأة تسعي لتغييره اما اذا كان لا يمنع فمن حق المرأة التعيين رغم انف الجمعيه العموميه لانه الدستور ينص علي المساواة بين المواطنين
ثانيا استخدام حجج من نوعية انشغال المرأة برعاية بيتها وزوجه دي حجة قديمة جدا و كان بيستخدمها انصار التيار الرافض لعمل المرأة مطلقا و مردود عليها بنقطتين اولا العبرة هي بتأدية العمل دون النظر لظروف الشخص فاذا كانت المرأة لا تؤدي عملها بالكامل عليها الاستقالة اما اذا كانت غير مقصرة فلا يوجد سبب لاستبعادها , ثانيا ما هو القول في حالة وجود امرأة غير متزوجه او امرأة ليس عندها اطفال هل يجوز عندئذ تعيينها
و اذا كانت هذه هي افكار القضاة فماذا ننتظر من باقي افراد الشعب ؟

2/08/2010

تسلم اه تتنصر لا

حكاية النهارده سمعتها برضه من زملاء العمل علي انها حقيقية بس انا شايف فيها مبالغات علشان كده اي شيء غير منطقي يتحمل مسئوليته الزملاء , القصة هيه عن اتنين, موظف و موظفة هوه مسلم و هيه مسيحية ,هوه من الاميرية و هي من مصر الجديده حصل ما بينهم اعجاب و قرروا الزواج و هيه قررت انها تسلم و كان رد فعل اهلها انهم اعتبروها ماتت و لبسوا عليها اسود و عملولها نعي في الجرنال ,اما زميلاتها المسيحيات فواحده رمتها بالشبشب و واحده تفت عليها و واحده قالت دي لازم تتقتل في ميدان عام , اما زميلاتها المسلمات فكانوا بيمدوها بالكتب الدينية و المصاحف , اما رئيس الهيئة الحكوميه لما لقا فيه مشاكل في الموضوع اداها اجازة لمدة سنة باجر كامل , و اتجوزوا في اوضه في بيت عيلته في الاميرية بس دلوقتي بعد كام سنة ربنا كرمهم ب 3 بنات و عندهم شقة في القاهرة الجديدة و عربية و بقت امها تزورهم بس من غير ابوها ما يعرف و هيه دي النهاية الاسلامية السعيدة .

2/06/2010

واحد روما واحد روما

زميلة لينا في المكتب كانت بتحكي عن اختها اللي كانت مسافرة و المفروض توصل المطار قبل الميعاد ب 3 ساعات و لكنها وصلت قبل الميعاد بساعتين ورفضوا انهم يدخلوها و قعدت تتخانق معاهم لكن برضه مفيش فايده فاضطرت تغير الحجز و دفعت فلوس زيادة ف زميلتنا بقي مش عاجبها فقالت المفروض لو الطيارة موجوده و فيه واحد ناقص موجود في المطار الطيارة تستناه !

عدد تسعة جمال مبارك

في الملحق الرياضي ل اخبار اليوم صفحتان مخصصتان لتغطية رحلة اعضاء الحزب الوطني ,عدد الصور الموجود بها جمال مبارك في هاتين الصفحتين تسعة صور ,تخيل ان تشاهد جمال مبارك تسعة مرات في صفحتين من جريدة قومية وهو ما لم يحظي به مبارك نفسه من قبل.

2/05/2010

محافظين سفهاء

قام محافظ البحيرة باهدا لاعب الكرة و هداف كأس الامم محمد ناجي جدو شقة و محافظ الاسكندرية اهداه خمسين الف جنيه , هل يعقل هذا! باي حق يهدي المحافظ نقودا او شقة للاعب كرة و هو سوف يحصل علي عشرات الالوف كمكافأة من اتحاد الكرة و من رجال الاعمال اي انه ليس من المحتاجين و هل من حق اي محافظ ان يبدد اموال المحافظة بدون حساب كأنه هارون الرشيد يعطي من بيت المال للشعراء , و طبعا الغرض من ذلك ان تزداد شعبية المحافظ و ان تظهر صورته في الجرائد ,اما من يستحقون فعلا هذه النقود فعليهم بتعلم كرة القدم اذ ربما ينظر لهم المحافظ وقت اذن بعين العطف.

2/03/2010

الجنيه المحمدي

واحد عندنا في الشغل بيحكي عن العملات النادرة و انها دلوقتي بتساوي مبالغ طائلة فقال انه من العملات النادرة قوي الجنيه اللي عليه جمل ف واحده بتسأله ده من قد ايه قالها ده قديم قوي فقالتله من ايام سيدنا محمد !

شحاتة في الادغال

حسن شحاته جالو عرضين لتدريب نيجريا و الكاميرون و انا واثق انه مش هيوافق بس اعتقد انه لو درب نيجريا (نص الشعب مسلم و نصه مسيحي) هيسميهم منتخب الساجدين و الصليبين اما لو درب الكاميرون هيبقي منتخب الكفار

2/01/2010

غزوة بدر 2010

محمد علي إبراهيم، فقد أراد الأخير أن يؤكد أنه الأسبق في هذا التنبؤ بالنصر، فقال في نفس العدد في مقال عنوانه - يا منتخبنا الغالي، الله أكبر، الكبير كبير بأخلاقه وفنه، وليس بعضلاته وقلة أدبه: 'يشهد الجميع أنني كنت من المتفائلين القلائل أن الله يدخر لمنتخب الساجدين خيرا كثيرا، المولى يمتحن عباده الصابرين ولكنه يبشرهم بنصر وفتح قريب، انتقدوا حسن شحاتة كثيرا، لكن ربنا بيحبه وينصره، قالوا إنه يلجأ للشيوخ والعرافات والدجالين، وأنا أعرف أنه يلجأ لرب العالمين، ومن يلجأ لله فهو حسبه، أولادنا اجتهدوا ونفذوا التعليمات، الله يوفقهم وهذا حق العابدين الخاشعين، نعرف أن الله لا يضيع أجر من أحسن عملا من الساجدين الشاكرين الحامدين وثانيا لأننا في الملمات والمواجهات الصعبة وفي لحظات تقرير المصير نكون على قدر المسؤولية، لأننا ببساطة مصريون'.
- انا حاسس انه بيتكلم عن غزوة بدر و اننا انتصرنا بعد الابتلاء في غزوة احد و طبعا ما دام ربنا نصرنا يبقي اللي قدامنا كفار او من اعداء الله
- هوه علشان كسب بقي ربنا بيحبه و لما اتغلب كان ربنا مبيحبوش
و بعد كل ده نقول اصل المنتخب مش مبني علي اساس ديني و احنا مسمينه منتخب الساجدين

-

1/31/2010

عطور شرقية اندلسية

في المكتب الحكومي الذي اعمل به من الطبيعي جدا مرور الباعة الجائلين بمختلف انواع السلع.و في يوم من الايام ودخلت سيدة الي المكتب و معها بضاعتها اول ما لاحظته كان طريقة كلامها حيث كانت تتحدث العربية و لكن بلكنة غريبة ,في البداية ظننت انها صينية حيث اصبح من المعتاد وجود بائعات صينيات في كل مكان , و لكن شكلها لم يكن صينيا بالمرة كانت ملامحها اقرب للمصريين و جسدها سمين علي عكس الصينيين و بدأت في عرض بضاعنها من العطور علي الموظفات وفي اثناء الكلام افصحت لنا عن جنسيتها و هي انها من ام اسبانية و اب تركي مصري ! و في اثناء الحديث معنا تلقت مكالمة تليفونية و تحدثت فيها الاسبانية بطلاقة مما يؤكد صحة كلامها , الطريف انه بعد ان قامت الموظفة بالفرجة علي العطور قالت للبائعة انها لا تريد الشراء ففوجئت برد فعل البائعه التي اخبرتها بانها قد اضاعت وقتها و انها كان يجب ان تخبرها من البداية بذلك و غادرت المكتب وسط دهشة من فيه.

امسح الاقباط ب استيكة

فيه صفحة في اهرام الجمعة اسمها فكر ديني بتتعرض للقضايا الدينية الاسلامية ,الاسبوع ده كان عنوانها خطاب ديني للمسلمين و الاقباط ,اللي فهمته انها هتتكلم عن الخطاب الديني الاسلامي و المسيحي , الصفحة عبارة عن مقالات ل 8 علماء, انا قلت ممكن هيبقي نصهم مسلمين و النص مسيحيين او مثلا 6 من هنا و اتنين من هنا , النتيجة النهائية بقي ان العدد تمانية مسلمين و مفيش ولا مسيحي كأن الخطاب هوه الاسلامي و بس او كأنه حرام انك تجيب رأي مسيحي في صفحة دينية اسلامية و يرجعوا يقولوا مفيش تمييز و مفيش ما يدعو الاقباط للشكوي, النقطة هيه ان الدولة ب وشين الاولاني قصاد الاسلاميين بانها دولة مدنية و اساسها المواطنة و قدام الاقباط هيه دولة ذات مرجعية اسلامية و اخرة اللعب بالنار هي الحريق

جمال و علاء مبارك ع الحلوة و الحلوة

النهاردة علاء و جمال رايحين يحضروا نهائي كاس الامم الافريقية و كان اخر ماتش حضروه ماتش الجزاير اللي في السودان و اللي لاحظته انهم بيروحوا الماتشات اللي فيها توقع المكسب اكبر من توقع الهزيمه بدليل انهم ما راحوش ماتش الكاميرون او ماتش الجزاير الاخير و ده لانها ماتشات صعبه و مش مضمونة و لو هما قاصدين المسانده فعلا و بيحبوا المنتخب كانوا راحوا الماتشات الصعبه لكن واضح انه الغرض هوه الحصول علي شعبية و ركوب موجة الهوس الكروي واهو كله بيلعب علي كله

1/28/2010

من حقي ك راجل البس النقاب

من المواضيع اللي مازالت شاغلة الناس موضوع النقاب ، و قضايا قدام المحاكم و جدل في الفضائيات و الجرايد، فكرت في الموضوع بطريقة ماذا لو و هي بتعتمد علي انك تخلي القضية زي ما هيه و تغير عنصر واحد من العناصر ، علي سبيل المثال ، قضية النقاب ، نفترض ان واحد مثلا حب يرتدي النقاب ، مثلا بانه يبقي ملثم و يغطي وشه في الشارع تخيله مثلا لو ركب الاتوبيس الناس هتبصله بتوجس لو مشي في الشارع اي رجل امن هيعتبره خطر علي الامن و لما يدخل مكتبه في الشغل الناس هتعتبره مش طبيعي و مش هتعرف تتعامل مع الكائن الخفي ده ف لو النقاب ده حرية شخصية يبقي من حق الرجالة تلبس زيه و نبقي كلنا عايشين في مجتمع ملوش ملامح زي مجنمع الصحرا اللي استوردنا منه النقاب نستورد الوجوه الملثمة.

1/27/2010

سوزان هانم بتتكرم علينا من فلوسنا

خلال زيارتها محافظة أسوان أمس‏,‏ وفي استجابة فورية لمطالب المضارين من جراء السيول بالمحافظة‏,‏ أعلنت السيدة سوزان مبارك قرينة رئيس الجمهورية عن أنه سيتم زيادة المبالغ المخصصة لبناء المساكن‏,‏ التي تهدمت خلال السيول من‏25‏ ألف جنيه إلي‏80‏ ألف جنيه لكل منزل‏.‏
و السؤال بأي صفة اتخذت سوزان مبارك هذا القرار ,هل لديها اي صفة رسمية في الدولة, هل هناك منصب رسمي باسم(زوجة رئيس الجمهورية) . افهم مثلا ان تدعو مثلا رجال الاعمال للتبرع او حتي تتبرع هيه من اموالها لكنها تتصرف بمنطق انها من ملاك الدولة و اتها زوجة صاحب البلد و من حقها اعطاء اوامر للحكومة ف العملية في بيتها

1/25/2010

اقتل 100 و ادخل الجنة مجانا

من جريدة الاهرام الصادرة اليوم في صفحة الفكر الديني ,قصة بعنوان توبة قاتل المائة يرويها الدكتور محمد عبد العليم العدوي استاذ تاريخ اسلامي بجامعة الازهر عن رجل قتل 99 نفسا و اراد ان يتوب فاتجه الي راهب و ساله هل لي من توبة فقال :لا . فقتله فاكمل به المائة ثم سأل عن عالم اخر و قال له انه قتل 100 نفس هل من توبة؟ فقال نعم. انطلق الي ارض كذا فان بها اناسا يعبدون الله فاعبد الله معهم؛ فانطلق حتي وصل الي نصف الطريق اتاه الموت فاختصمت فيه ملائكة الرحمة وملائكة العذاب فقالت ملائكة الرحمة جاء تائبا مقبلا بقلبه لله تعالي و قالت ملائكة العذاب: انه لم يعمل خيرا قط ـ فاتاهم ملك في صورة ادمي فجعلوه بينهم حكما قيسوا بين الارضين فالي اينهما كان ادني فهو له (اي بين ارض المعصية التي تركها و ارض من يعبدون الله) فوجدوه ادني الي الارض التي اراد فقبضته ملائكة الرحمة فقال الحسن :ذكر لنا انه لما اتاه الموت نأي بصدره ,رواه مسلم و في رواية(فكان الي القرية الصالحة اقرب بشبر فجعل من اهلها) و في رواية اخري (فاوحي الله تعالي الي هذه ان تباعدي و الي هذه ان تقربي و قال:قيسوا ما بينهما فوجدوه الي هذه اقرب بشبر فغفر له)
عندي تعليقات كتير علي القصة العجيبة دي
- القصة علي لسان استاذ تاريخ اسلامي من جامعة الازهر يعني لا هوه واحد مجهول ولا جاهل دينيا ولا واحد وهابي او من بتوع الثعبان الاقرع.
- القصة ليها اكتر من نهاية ولو ان كل النهايات بنتيجة واحده و منهم رواية منسوبة لمسلم يعني القصة بالنسبة للمسلمين اللي بياخدوا باحاديث البخاري و مسلم كسلم بيها قصة حقيقية
-يعني واحد قاتل 99 شخص و كملهم بالعالم اللي راحله بقم 100 مجرد انه يقول انا تبت يبقي خلاص مش مهم ال 100 اللي قتلهم و العبرة بانه تاب ف الاخر
- المشهد الظريف جدا انه طلع لقي الملايكه بيتخانقوا عليه ده بتاعنا لا ده بتاعنا العملية هيصة فوق و كأنهم مصلحتين حكوميتين بيتخانقوا علي موظف جديد
- و بعديها الملاك اللي جالهم في صورة بشر علشان يحكم ف الموضوع قالك احنا نقيس المسافة بين البلدين و تشوف هوه اقرب لانهي كأنه حكم كورة و بيحسب ضربة جزار و هيشوفه جوه المنطقة ولا بره
- و في الاخر يطلع فرق شبر او فرق بصدره و يخش الجنة و توته توته فرغت الحدوته.

1/23/2010

حاجه تموت .. من الضحك

جت سيرة الموت و الدفن و القبور في المكتب و اليكم اهم ما قيل
- الميت بيسمع الناس اللي واقفة حوالين القبر و هما بيدفنوه و روحه بتكون في ودنه الشمال!
- الميت بينزل من السما للقبر كل اسبوع من يوم الخميس باليل لحد يوم السبت الصبح!
- لما بييجي يدفنوا الميت بيفكوا عنه اربطة الكفن علشان يعرف يقوم يقعد لما يحاسبه الملكين !

1/19/2010

مروة الشربيني و نجع حمادي بالعكس

فيه حاجات كتير محيرة ف الحياة و مش سهل انك توصل ل رأي فيها, بس انا باستخدم طريقة اعتقد انها مفيدة و هي انك تغير من مواقع الاشخاص او الاحداث بمعني انت مثلا هتاخد قرار في موضوع زي مروة الشربيني اللي قتلت في المانيا و عايز تعرف رد فعلنا طبيعي ولا مبالغ فيه . افترض ان مروة الشربيني هيه القاتلة و تخيل رد فعلنا هتكتشف قد ايه احنا بالغنا في تحميل الموضوع اكتر مما يحتمل. انا قمت بتطبيق النظرية دي في احداث نجع حمادي اللي الحكومة مصممة انه حادث جنائي مش طائفي و ان سببه اغتصاب الطفلة المسلمة بواسطة مسيحي و افترضت ان الحادث بين اسيوط و المنيا و انه واحد من اسيوط وقف وسط الشارع ف المنيا و ضرب نار بشكل عشوائي .هل نقدر ساعتها نقول ده حادث اجرامي او ثأر ولا ده يبقي عدوان علي طائفة من الناس

1/17/2010

عندما قالت المنقبة يا ابن الوسخة

بدلا من استخدام (الميني باص) قررت ان استقل اوتوبيس هيئة النقل العام حيث كانت المسرحية الغريبة .بدأت الاحداث بصعود منقبة الي الاتوبيس و قامت بسؤال السائق عن مكان معين و لكنه لم يجبها لانه كان مشغولا بعطل في المحرك .جلست المنقبة في المقعد الموجود امامي مباشرة و بدأت توجه عبارات تلوم فيها السائق بصوت عالي و بدأ السائق يرد عليها ثم قام راكب بتأنيب المنقبة ثم تطور الامر لتبادل الشتائم العادية ثم تطورت الي شتائم من نوع يا ابن الوسخة من الطرفين ثم تدخل راكب اخر متضامنا مع المنقبة و كاد ان يشتبك مع الراكب الاول لكن الناس منعته ثم بدأ الموضوع يهدأ قليلا حتي دخلت محجبة الي الحلبة لتهاجم المنفبة و يتابادلان الشتائم حيث قالت المحجبة للمنقبة انها (مش ست) و ردت عليها المنفبة بانها (ناتفة حواجبها) ثم شتمتها بانها بنت شر..
لا اعرف لماذا تذكرت القضايا المتبادلة بين وزارة التعليم العالي و المنقبات بخصوص دخول الامتحانات (هما دول اللي واجعين دماغنا علشانهم)

الانبا كيرلس شيخ قبيلة الاقباط

نقلا عن جريدة الاهرام ان الانبا كيرلس توجه الي اهالي فتاة فرشوط عقب وقوع حادث الاغتصاب وعرض عليهم اذا لم يأخذ القانون مجراه ضد المعتدي علي الفتاة فانه سيحضر الشاب المعتدي بنفسه لينتقموا منه كما يشاءون . شيء عجيب جدا الانبا كيرلس يتصرف كشيخ قبيلة هو الحاكم فيها و صاحب الكلمة الاولي و الاخيرة. بأي سلطة سيحضر المعتدي و بأي سلطه يسلمه لاهل الفتاة كأنه لا يوجد قانون و محكمة و عدالة و علينا ان نطبق القانون بايدينا و كيف يسلم الفتي لمن سوف يقوموا بقتله في الغالب . لقد تحولت الدولة الي قبائل متعددة بسبب غياب القانون و العدالة و الانتماء لشيء اسمه وطن به حقوق و واجبات و تحولنا لقبائل متعددة اقباط و نوبيون و بدو و هكذا حتي تتفكك الدولة تماما.

1/10/2010

مسلمون يحبون رائحة الدم المسيحي

في المكتب الحكومي الذي اعمل به يوجد 12 موظف و موظفة كلهم مسلمون باستشناء موظفة مسيحية لهذا يتجنب المسلمون التحدث في الامور الدينية في وجودها بينما في غيابها يكون المعتاد هو مهاجمة المسيحين و لهذا انتظرت بفارغ الصبر معرفة رأيهم في حادث نجع حمادي : حيث انتظرت الموظفتان خروج المسيحية لكي يتكلما في الموضوع حيث اعتبرا ان الهجوم جاء ردا علي قصة الشاب المسيحي و الفتاة المسلمة و جاء الحوار ك التالي
- شفتي اللي حصل ف الصعيد
= اه ماهو ده الموضوع بتاع الولد و البنت
- مكتوب فيه انه فيه 7 جثث
- احسن
=يستاهلوا

1/09/2010

هيفاء وهبي و الانبا كيرلس ..خلي الريس ينفعكم

و انا بقلب ف التليفزيون لقيت جزء من اغتية بالغة السذاجة بتغنيها هيفاء وهبي في حب مصر -تقريبا كتعويض للمصريين عن موقعة الجزائر - و في اخر الاغنية بتظهر صور رموز الشعب المصري و اكبر صورة هي للرئيس مبارك و بعديه سوزان مبارك ! بعد كده باتصفح جريدة الشروق لقيت ف الصفحة الاولي صورة للانبا كيرلس اسقف نجع حمادي اللي حصلت فيها المجزرة الطائفية و هو في مؤتمر صحفي بخصوص الحادث ؛ الصورة متاخدة بذكاء شديد بحيث يظهر الانبا و وراه الصليب الذهبي الكبير و علي يمينه صورة مبارك ؛ اللي يجمع الاتنين ان هيفاء و هبي عايزه تنافق الشعب المصري بادعاء الوطنية و نفاق الرئيس و اهي تبقي ارضت الشعب و الريس و جوزها المصري بالمره اما الانبا كيريلس ف برضه بيحاول انه يقول انه مع الرئيس بالرغم انه الحوادث الطائفية مستمرة من قبل تولي الرئيس ولا زالت مستمرة واما الناس اللي هوه بيهاجمهم زي المحافظ و الداخلية دول من اختيار الرئيس و تابعين ل امره ف بدل ما يعلن احتجاجه علي الرئيس و نظامه بيحتمي بيه و البابا يخطب ود ابنه و طول ما الحال كده هينقتل اقباط و هنتفرج علي هيفاء وهبي.

1/08/2010

ملابس داخلية في المصلحة الحكومية

من عجائب الوظيفة الحكومية موضوع الباعة الجائلين . في البداية اصبت بصدمة من الموضوع كيف يتحول مكان العمل الي ساحة للشراء و البيع و الفصال و لكن بعد فترة يصبح الامر معتادا و تجد له تفسيرات منطقية حيث انه هناك الكثير من اوقات الفراغ لدي الموظفين و في نفس الوقت فانه مورد رزق للباعة و اليكم قائمة بانواع السلع التي تباع في المكاتب (من الابرة للصاروخ) كروت موبايل و اطقم كبايات و اطقم حلل و بسكوت و كابتشينو و نسكافيه و اطقم ملابس رياضية و ايشاربات و شرابات و عبايات و ورق الومنيوم و بطاريات و ساعات ودهب صيني و بهارات و كركديه و اقلام جاف و معجون اسنان و باديهات و احذية و اللي عاوزه تقيس في الطرقة و اضف الي ذلك المتسولين و مسك الختام ملابس داخلية نسائية و سلملي ع الميري.

1/06/2010

حتي بنات الليل بيقولوا يا رب

في مذكرات الدكتور نجيب محفوظ في اوائل القرن العشرين واقعة غريبة حيث تكليفه بالعمل في مكتب صحة باب الشعرية و في يوم من الايام تلقي امرا من المصلحة بان يتولي معاينة محل بوظه تمهيدا للترخيص بان يزاول عمله و كان محل البوظة في حي الواسعه و هو المكان المخصص للمومسات و بعد ان وصل للمنزل الذي به المحل استقبله رجلان و اخبراه بان يقابل (العايقة) و هي السيدة الني تدير النشاط الخاص بالمومسات و عندما دخل الي الشقة و اتجه الي باب غرفتها رأي مكتوبا عليه (و زيناها للناظرين) و بعدها تزلوا الي البوظة بالاسفل و اثناء تجولهم بها رأي دولابا مغلقا و اراد ان يفتحه و لكنها طلبت منه اذن نيابة و كان مكتوبا علي الدولاب (و ما ننزله الا بقدر معلوم ) و كان الاغلب ان هذا الدولاب كان مستودع لانواع المخدرات من الحشيش و الافيون

1/05/2010

حد بيعرف يرسم كاريكاتير ؟

هيه فكرة ل كاريكاتير بس مع الاسف مبعرفش ارسم هيه عن يسري الجمل اللي طلع من الوزارة في نفس يوم ماتطعم قدام الكاميرات . الكاريكاتير هوه عبارة عن اتنين بيتكلموا و تحتيهم عبارة اقالة وزير التعليم وواحد بيقول التاني .. وقال بيقولك التطعيم مالوش اثار جانبية

1/04/2010

ماء زمزم بيجيب الكوليرا

في مذكرات الطبيب نجيب محفوظ و هو طبيب نساء و توليد و كان الاشهر في زمانه و هو الذي قام بتوليد والدة الاديب نجيب محفوظ و قد عبرت عن امتنناها له بان سمت ابنها علي اسمه المثير الاهتمام هو في سنة 1902 كان وباء الكوليرا منتشر في القري المصرية و عندما توجه اليها د. نجيب محفوظ اكتشف سبب انتشار المرض في هذه القرية وهو احد الحجاج العائدين من مكة كان قد جلب معه 10 صفائح من ماء زمزم .
من المعلومات الطريفة ايضا في هذه المذكرات ان بها صحة مثل شعبي كان يحيرني كثيرا و هو ابعد عن الشر و غني له باعتباره مثل غير منطقي اما صحته فهي ابعد عن الشر و قني له بمعني انك تعمله قناة يمر فيها بعيد عنك.

اضحك مع الشعب

نكتتين من الواقع المصري
الاولانية واحد معاه ليسانس اداب و كان صحفي بيتدرب في جريدة قومية فسر نوبة البرد اللي جاتله لمدة يومين بانه اكل كتير من التورته اللي عملتها اخته!
التانيه واحد عنده 38 سنة مقدم و مهندس ف الجيش حب يخطب واحدة عن طريق جواز الصالونات كان مشترط ان مامته تيجي تشوف العروسه بتفسها ف الاول من غير ميكون موجود زي فيلم ماري منيب و لبني عبد العزيز

1/03/2010

خير اللهم اجعله خير يسوع ناداني

كنت راكب العربية مع صاحبي رايحين نستلم الارض اللي خدناها في مشروع ابني بيتك و اللي مساحتها ميه و خمسين متر وكنا معتقدين ان المساحة دي ثابته لكل الناس و بعدين لقيت صاحبي بيقوللي انا حلمت امبارح باننا استلمنا الارض و مساحتها 178 متر ماديتش اهمية للموضوع انا مش باصدق في الاحلام و التنبؤات و كده بعد شوية وصلنا للمدينة و رحت للجنة اللي بتسلم الاراضي و بعد ماعملنا الاجراءات لقيت الموظف بيقوللي انت حظك حلو جدا مساحة الارض بتاعتك 178متر فحسيت اني بحلم و انه يبدو ان فيه حاجات غير طبيعية في الحياة.
تاني حكاية:- كنت عند دكتور بس هوه من النوع اللي بيتأخر قوي طلعت من عنده الساعة 3 الصبح ووصلت بيتنا الساعة 4 قبل ما اوصل ب 5 دقايق وانا بعدي الشارع سمعت صوت حد بيغني او بيقول تراتيل كان صوته جميل جدا مش فاكر من اللي قاله غير كلمة يا يسوع قعدت ابص علي مصدر الصوت مشوفتش حد بس كنت حاسس بحالة نشوة جميلة.

1/01/2010

مسيحي يقهر المرأة بالقران

الخبر في الاهرام عن زوج و زوجه منفصلين و عندهم بنت عمرها12 سنة بتدرس في مدرسة تجريبي و قامت والدتها بالتقديم للبنت في تفس المدرسة في قسم الثانوي لكن الاب بقي عايز يحول بنته لمدرسة ازهر لغات ف راح رفع قضية و كسبها برغم ان قانون الطفل بيدي الست الحق ده। و الطريف ان القاضي قال انه ده تطبيقا للشريعة الاسلامية و القاضي نفسه مسيحي اللي محيرني ازاي يتم اجبار طفلة علي تغيير نوع تعليمها بالعافية و تاني حاجه هوه ازاي قاضي مسيحي بيحكم بالشريعه وهو اصلا مش مقتنع بيها و فيه بعض القضاة المسلمين بيستشهدوا بايات قرانية و ساعتها المسيحي يستشهد بكتاب مش مقتنع بيه ولا يستشهد بالانجيل।