8/28/2011

نعم لمحاكمتك انت عسكريا

قانون الطواريء و المحاكمات العسكرية وجهان لعملة واحدة اساسا قانون الطواريء هو اللي بيبيح محاكمة مدنيين عسكريا , هتقولي ماهو المحاكمات العسكرية دي للبلطجية ..اولا فيه ناس كتير اعلاميين و نشطاء سياسيين راحوا نيابات و محاكم عسكرية يعني الموضوع مش مقتصر علي البلطجية .. ثانيا اهي المحاكمات العسكرية موجودة و البلطجة و السرقه بقي مفيش اكتر منها يعني مش هي الحل ..ثالثا المفروض ان كلنا عايزين العدل لكل الناس سواء كانوا بلطجية او حرامية او ناس عادية ..فلو المحاكمات العسكرية دي عادلة تبقي لكل الناس يعني حضرتك لما تخالف المرور تتحاكم عسكري و لو هي مش عادلة يبقي متتطبقش علي حد .. رابعا و اخيرا هي اسمها محاكمات عسكرية يعني مختصة بالعسكريين بس يعني مينفعش نحاكم واحد سباك طبقا لقانون نقابة الاطباء يعني

8/20/2011

بمناسبة احداث سينا سليمان خاطر مش بطل ده مريض نفسي او ارهابي

مع حالة الحشد الموجودة حاليا بسبب ما يحدث في سيناء , يتردد اسم سليمان خاطر بوصفه بطل و شهيد , انا لا اعرف ان كان قد قتل او انتحر داخل الزنزانه و لكن ما يعنيني هو وصف ما فعله , فما فعله هو قتل لمدنيين اسرائليين قاموا بالدخول الي منطقة حدودية بالخطأ , ولا اعتقد ان هناك ما يبرر ان تقتل مدنيين ايا كانت جنسيتهم
يحكي سليمان خاطر ما حدث يوم 5 أكتوبر 1985 من خلال أقواله في محضر التحقيق
فيقول: "كنت علي نقطة مرتفعة من الأرض، وأنا ماسك الخدمة ومعي السلاح شفت
مجموعة من الأجانب ستات وعيال وتقريبا راجل وكانوا طالعين لابسين مايوهات منها

بكيني ومنها عرى. فقلت لهم "ستوب نوباسينج" بالانجليزية. ماوقفوش خالص وعدوا

الكشك، وأنا راجل واقف في خدمتي وأؤدي واجبي وفيه أجهزة ومعدات ما يصحش حد

يشوفها والجبل من أصله ممنوع أي حد يطلع عليه سواء مصري أو أجنبي. دي منطقة

ممنوعة وممنوع أي حد يتواجد فيها، وده أمر

اعتقد ان الامر هو مزيج من عقدة في الطفولة عندما شاهد قتلي مدرسة بحر البقر و ربما

تكون عقدة جنسية ايضا من اللواتي يرتدين البكيني ادت الي ان يقوم بقتل سائحين
اسرائليين , و لكن بسبب الخلفية الموجوده لدي معظم الناس عن الاسرائليين باعتبارهم

وحوش مفترسة او نساء شريرات يقمن باغواء شبابنا و بسبب ظروف وفاته الغامضه

تحول سليمان خاطر لبطل قومي

8/14/2011

بعد فشل اللواء سامح سيف اليزل في تخريب الثورة ..يحاول تخريب سيناء

لا ازال اتذكر الخبير الاستراتيجي اللواء سامح سيف اليزل (مخابرات غالبا) في اثناء الثورة و هو يتحدث في التليفزيون المصري مطالبا بتطبيق حظر التجول في ميدان التحرير بالقوة العسكرية , و الحمد الله ان احدا لم يستمع لنصائحه الاسترتيجية التي ربما كانت ستؤدي الي خراب الثورة و البلد , و لكن السيد اللواء تحول مع المتحولين و اصبح مؤيدا للثورة بعد نجاحها ولا يزال محتفظا بموقعه علي شاشة التليفزيون , منذ قليل شاهدته و هو يتحدث عن احداث العريش مطالبا باعلان الاحكام العرفية في العريش و الشيخ الزويد , و اعلان الاحكام العرفية في اي بلد هو بمثابة كارثة بكل المقاييس و يبدو ان السيد اللواء لا يملك سوي الحلول الانكشارية العسكرية , فليرحمنا التليفزيون من امثال سيف اليزل من مخلفات المخابرات فنحن لسنا في حاجه الي امثال هؤلاء فلنكتفي بعمرو مصطفي خبيرا استرتيجيا و الله الموفق

8/10/2011

برامج رمضان 2011 ..اتنين فلول بيفلوا بعض

من الغريب في برامج تليفزيون رمضان السنه دي انه بدل ما كان مثلا انه يتم استضافة الشباب و الناس اللي غيرت مصر سواء علشان نعرفهم او علشان نكرمهم او نشكرهم و نعرف افكارهم الاقي انه معظم ضيوف البرامج هما انصار النظام السابق زي صابرين و تامر امين و طلعت زكريا و طلعت السادات و مرتضي منصور و غيرهم كتير و الادهي انه اللي بيحاورهم هما من انصار النظام السابق زي لميس الحديدي و خيري رمضان و تامر عبد المنعم و ريهام سعيد , كأن وظيفة برامج رمضان السنه دي هي عملية غسيل سمعة للفلول بتوع النظام السابق و اننا نتعود علي وجودهم و استمرارهم معانا , و ده ملوش عندي غير تفسير من اتنين الاولاني حسن النية انه الاعلام بيدور علي لفت الانتباه و الاثارة فعلشان كده بيستضيف الناس دي علشان نستمتع اننا نتفرج عليهم و هما بيواجهوا الاتهامات او الاحتمال التاني اللي انا اميل ليه خصوصا مع وجود خلفية عن تمويل و اصحاب القنوات دي اللي كانوا هما كمان من انصار النظام السابق , انه اللي بيحصل ده محاولة لانه المواضيع ترجع زي ما كانت و نرجع اعلاميا لتامر امين و لميس الحديدي و خيري رمضان و نستضيف مرتضي منصور و طلعت السادات يكلمونا في السياسة و يسرا و الهام شاهين في الفن و يا دار ما دخلك ثورة

8/02/2011

الدولة الاسلامية لا تكون ديموقراطية و الدولة الديموقراطية لن تكون اسلامية

بعد جمعة السلفيين و (الشعب يريد تطبيق شرع الله) , و ما شاهدته في لقاء لحازم صلاح ابو اسماعيل و سمعته في تسجيل لوجدي غنيم , فان السؤال يتم توجيه الي من يعارضهم بطريقة هل انت ضد تطبيق الشريعة؟ اذن انت ضد القران و ضد الدين ..انت كافر , و بغض النظر عن تصور كل منهم عن تطبيق الشريعة الذي سوف يختلف من شخص لاخر و من شيخ لاخر , فانا لا افهم ان نطبق الشريعة الاسلامية في بعض المواقف و نتغافل عنها في البعض الاخر , فما دمنا قد استجبنا للفكر السلفي فلنطبقه كاملا و لهذا فانا اعتبر الحويني و وجدي غنيم اكثر صدقا و اتساقا مع انفسهم فوجدي غنيم يرفض الديموقراطية الغربية فلدينا الشوري و هي من الاسلام و يرفض حرية الاعتقاد لانها قد تتعارض مع الدين و يعتبر ان الاخوان ينافقون الاخرين يالكلام عن الديموقراطية و سيادة الشعب , و هو كلام منطقي لانه يطالب بتطبيق نموذج متكامل و ليس علي طريقة القص و اللزق , فلنطبق النظام الاسلامي كاملا كما كان بدون ديموقراطية و بدون حرية تعبير و بوجود سلطة دينية تكون فوق سلطة الشعب و بقطع اليد و قتل المرتد او فلنتبع النموذج الديموقراطي الحقيقي كفانا تحايلا و لعبا علي الحبال